എന്തിനീ അതിസാഹസികതയെന്ന് നാട്ടുകാർ, പരുന്തുംപാറയിൽ നിയന്ത്രണമില്ലാതെ ഓഫ് റോഡ് വാഹനങ്ങൾ


ക്രിസ്മസ് പുതുവത്സരദിനത്തോടനുബന്ധിച്ച് നിരവധി സഞ്ചാരികളാണ് ഇവിടേക്ക്‌ എത്തുന്നത്. മറ്റുള്ള വിനോദസഞ്ചാരികൾക്കും നാട്ടുകാർക്കും ഭീഷണിയായാണ് ഓഫ് റോഡ് ഡ്രൈവിങ് നടക്കുന്നത്.

പരുന്തുംപാറയിൽ അപകടത്തിൽപ്പെട്ട ജീപ്പ് | ഫോട്ടോ: മാതൃഭൂമി ഇ പേപ്പർ

പീരുമേട്: വിനോദസഞ്ചാര കേന്ദ്രങ്ങളിൽ ഓഫ് റോഡ് വാഹനങ്ങൾക്ക് നിയന്ത്രണം ഏർപ്പെടുത്തണമെന്ന ആവശ്യം ശക്തമാകുന്നു. സമുദ്രനിരപ്പിൽനിന്ന്‌ 1500 അടി ഉയരത്തിൽ സ്ഥിതി ചെയ്യുന്ന പരുന്തുംപാറയിലും വാഗമണിലും നിരവധി ഓഫ് റോഡ് വാഹനങ്ങളാണ് ദിവസേനയെത്തുന്നത്. സാഹസികമായ രീതിയിൽ മലമുകളിലൂടെയും പുൽമേടുകളിലൂടെയും വാഹനമോടിക്കുന്നത് പതിവാണ്.

ക്രിസ്മസ് പുതുവത്സരദിനത്തോടനുബന്ധിച്ച് നിരവധി സഞ്ചാരികളാണ് ഇവിടേക്ക്‌ എത്തുന്നത്. മറ്റുള്ള വിനോദസഞ്ചാരികൾക്കും നാട്ടുകാർക്കും ഭീഷണിയായാണ് ഓഫ് റോഡ് ഡ്രൈവിങ് നടക്കുന്നത്.

കഴിഞ്ഞ ദിവസം പരുന്തുംപാറയിൽ സാഹസിക പ്രകടനം നടത്തിയ ജീപ്പ് മറിഞ്ഞ് അപകടമുണ്ടായി. മലമുകളിലേക്ക് ഓടിച്ചുകയറ്റുന്നതിനിടെയാണ് ജീപ്പ് തലകീഴായി മറിഞ്ഞത്. ഡ്രൈവർ മാത്രമാണ് ജീപ്പിലുണ്ടായിരുന്നത്. ഇയാൾക്ക് നിസ്സാര പരിക്കാണ് ഏറ്റത്. ഉരുളൻ കല്ലുകൾക്ക് മുകളിലൂടെ യാതൊരു സുരക്ഷാക്രമീകരണങ്ങളും ഇല്ലാതെയാണ് വാഹനങ്ങൾ ഓടിക്കുന്നത്.

ഭീതിപ്പെടുത്തുന്ന ഇത്തരം യാത്രകൾ ഒഴിവാക്കണമെന്നാണ് നാട്ടുകാർ ആവശ്യപ്പെടുന്നത്. രണ്ടുവർഷം മുമ്പ് സഞ്ചാരികളുമായി എത്തിയ ജീപ്പ് ഓഫ് റോഡ് സഫാരിക്കിടെ അപകടത്തിൽപ്പെടുകയും സഞ്ചാരികൾക്ക് ഗുരുതര പരിക്കേൽക്കുകയും ചെയ്തിരുന്നു.

ഇതേത്തുടർന്ന് പീരുമേട് പോലീസ് ഓഫ് റോഡ് സഫാരിക്ക് വിലക്കേർപ്പെടുത്തിയിരുന്നു. എന്നാൽ, പാലിക്കപ്പെട്ടില്ല.

Parunthumpara Police Outpost
പരുന്തുംപാറയിൽ പണി പൂർത്തിയായിക്കിടക്കുന്ന പോലീസ് ഔട്‌പോസ്റ്റ് കെട്ടിടം

മിക്ക ദിവസങ്ങളിലും ഇവിടെ ഓഫ് റോഡ് ഡ്രൈവിങ് നടക്കുന്നുണ്ട്. തിരക്കേറിയ സമയങ്ങളിൽ ഇത്തരം ഡ്രൈവിങ് നടക്കുന്നതാണ് ഭീഷണിക്ക് കാരണമാകുന്നത്. കേന്ദ്രത്തിൽ പോലീസിന്റെ സേവനം വേണമെന്ന ആവശ്യവും ശക്തമാണ്.

പോലീസ് ഔട്‌പോസ്റ്റ് കെട്ടിടം പണി പൂർത്തിയായി വർഷങ്ങൾ കഴിഞ്ഞിട്ടും പ്രവർത്തനമാരംഭിച്ചിട്ടില്ല. ജലവിതരണസംവിധാനം ഇല്ലാത്തതാണ് ഇതിന് കാരണമായി അധികാരികൾ പറയുന്നത്.

Content Highlights: dangerous off road trips in parunthumpara, peermade police, adventure travel idukki


Also Watch

Add Comment
Related Topics

Get daily updates from Mathrubhumi.com

Newsletter
Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
adani

2 min

നഷ്ടം കോടികള്‍: നിയമനടപടിയെന്ന് അദാനി; ഭീഷണിയല്ലാതെ ചോദ്യങ്ങള്‍ക്കുത്തരമുണ്ടോയെന്ന് ഹിന്‍ഡെന്‍ബര്‍ഗ്

Jan 27, 2023


temple

1 min

ഓസ്‌ട്രേലിയയില്‍ ഹിന്ദു ക്ഷേത്രങ്ങള്‍ക്കുനേരെ ആക്രമണം; പ്രതിഷേധമറിയിച്ച് ഇന്ത്യ

Jan 26, 2023


Anil Antony

4 min

ഈ പോക്കിന്‌ കോണ്‍ഗ്രസിന് ഭാവി വിദൂരമാണ്, ഒപ്പമുള്ളവരെ കാണുമ്പോള്‍ രാഹുലിനോട് സഹതാപം- അനില്‍ ആന്റണി

Jan 25, 2023

Most Commented