കേരളക്കരയിലേക്ക് വീണ്ടും ക്രൂസ് ടൂറിസം


രേഷ്മ ഭാസ്‌കരന്‍

കേരളത്തിലെ ടൂറിസം മേഖലയ്ക്ക് ഏറെ മുതല്‍കൂട്ടായിരുന്ന ക്രൂസ് ടൂറിസം ഒരിടവേളയ്ക്ക് ശേഷം കേരള തീരത്തേക്ക് എത്തുകയാണ്.

പ്രതീകാത്മക ചിത്രം | Photo-Reuters

കൊച്ചി: ടൂറിസം മേഖലയ്ക്ക് പ്രതീക്ഷ നല്‍കി ആഡംബര ക്രൂസ് കപ്പലുകള്‍ സര്‍വീസ് പുനരാരംഭിക്കുന്നു. കോവിഡ് പ്രതിസന്ധി മൂലം ഏതാണ്ട് രണ്ടു വര്‍ഷമായി അന്താരാഷ്ട്ര ക്രൂസ് കപ്പലുകളൊന്നും കൊച്ചി തുറമുഖത്ത് എത്തുന്നുണ്ടായിരുന്നില്ല. കോവിഡ് നിയന്ത്രണങ്ങള്‍ നീങ്ങാന്‍ തുടങ്ങിയതോടെ, അടുത്ത വര്‍ഷം ആദ്യത്തോടെ സര്‍വീസുകള്‍ ആരംഭിക്കുമെന്നാണ് പ്രതീക്ഷ. ഇതിനോടകം പല അന്താരാഷ്ട്ര ക്രൂസ് കപ്പലുകളും 2022-ല്‍ കേരളത്തിലേക്കുള്ള ബുക്കിങ്ങുകള്‍ ആരംഭിച്ചിട്ടുണ്ട്.

അതേസമയം, ആഭ്യന്തര ക്രൂസ് കപ്പലുകള്‍ സര്‍വീസ് ആരംഭിച്ചത് മേഖലയ്ക്ക് ആശ്വാസമായിട്ടുണ്ട്. എന്നാല്‍, അന്താരാഷ്ട്ര സര്‍വീസുകള്‍ എത്തിയാല്‍ മാത്രമേ മേഖല സജീവമാകുകയുള്ളൂ. കേരള ടൂറിസം വരുമാനത്തില്‍ പ്രധാന പങ്കുവഹിക്കുന്നത് ക്രൂസ് ടൂറിസമാണ്.

നിലവില്‍ മാസം രണ്ട് സര്‍വീസ് എന്ന നിലയിലാണ് ആഭ്യന്തര ക്രൂസ് കപ്പലുകള്‍ കൊച്ചി തീരത്തെത്തുന്നത്. മുംബൈ-കൊച്ചി-ലക്ഷദ്വീപ് ബന്ധിപ്പിച്ചുകൊണ്ടുള്ള ക്രൂസ് കപ്പലാണ് ബുധനാഴ്ച കേരള തീരത്തെത്തുന്നത്. കോവിഡിനു ശേഷം കേരള തീരത്തെത്തുന്ന രണ്ടാമത്തെ സര്‍വീസാണിത്. 899 പേരുമായി കൊച്ചിയിലെത്തുന്ന കപ്പലില്‍ 294 സഞ്ചാരികളാണ് ഉള്ളത്.

കൊച്ചിയില്‍നിന്ന് 641 സഞ്ചാരികളാണ് കപ്പലില്‍ പ്രവേശിക്കുന്നത്. കോവിഡ് സാഹചര്യത്തില്‍ എല്ലാ സുരക്ഷാ ക്രമീകരണങ്ങളും പാലിച്ചാണ് സഞ്ചാരികള്‍ ടൂറിസം കേന്ദ്രങ്ങള്‍ സന്ദര്‍ശിക്കുക. കൂടുതല്‍ ആഭ്യന്തര സര്‍വീസ് നടത്തുന്നതിനായി കപ്പല്‍ കമ്പനികളുമായി ചര്‍ച്ചകള്‍ നടന്നുവരികയാണെന്ന് കൊച്ചി തുറമുഖ അധികൃതര്‍ അറിയിച്ചു.

കേന്ദ്ര ഷിപ്പിങ് മന്ത്രാലയം പോര്‍ട്ട് താരിഫ് നിരക്കില്‍ ഇളവു വരുത്തിയത് ക്രൂസ് കമ്പനികള്‍ക്ക് ആശ്വാസമാണ്. കോവിഡ് സാഹചര്യത്തില്‍ ക്രൂസ് മേഖലയെ സംരക്ഷിക്കുന്നതിനായി ഇന്ത്യന്‍ തുറമുഖങ്ങളില്‍ കമ്പനികള്‍ അടയ്‌ക്കേണ്ട നിരക്കില്‍ 60-70 ശതമാനം വരെയാണ് ഇളവ് വരുത്തിയത്.

സംസ്ഥാനത്ത് അന്താരാഷ്ട്ര സര്‍വീസുകള്‍ക്ക് അനുമതി ലഭിക്കുന്നതോടെ കേരള തീരത്ത് ക്രൂസ് സഞ്ചാരികള്‍ ഒഴുകും. കഴിഞ്ഞ സാമ്പത്തിക വര്‍ഷം അറുപതോളം അന്താരാഷ്ട്ര ആഡംബര കപ്പലുകള്‍ എത്തുമെന്നായിരുന്നു പ്രതീക്ഷിച്ചിരുന്നത്. കോവിഡ് സാഹചര്യത്തില്‍ എല്ലാ സര്‍വീസുകളും നിര്‍ത്തലാക്കുകയായിരുന്നു.

നടപ്പു സാമ്പത്തിക വര്‍ഷത്തിന്റെ അവസാനത്തോടെ അന്താരാഷ്ട്ര സര്‍വീസുകള്‍ എത്തിച്ചേരുമെന്നാണ് ടൂറിസം മേഖല പ്രതീക്ഷിക്കുന്നത്. ആഡംബര കപ്പലിലെത്തുന്ന അന്താരാഷ്ട്ര സഞ്ചാരികള്‍ കേരളത്തില്‍ ശരാശരി 15,000 രൂപയോളം ചെലവഴിക്കുന്നുണ്ടെന്നാണ് കണക്കാക്കുന്നത്.

Content Highlights: cruise tourism makes its way back to kerala

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
thomas isaac

2 min

'ആ അഞ്ചുവര്‍ഷം നഷ്ടപ്പെട്ടില്ലായിരുന്നെങ്കില്‍ വേറൊരു കേരളമായേനെ, ഇ.ഡിയുടെ നീക്കം പാര്‍ട്ടി നേരിടും'

Aug 11, 2022


Nambi, Sasikumar

9 min

നമ്പി നാരായണൻ അപമാനിക്കുന്നത് ഐ.എസ്.ആർ.ഒയെ- ശശികുമാർ

Aug 10, 2022


swathi sekhar

1 min

ഭാര്യ കിടപ്പുരോഗി, കാമുകിക്കായി സ്വന്തംവീട്ടില്‍നിന്ന് 550 പവന്‍ മോഷ്ടിച്ചു; വ്യവസായി അറസ്റ്റില്‍

Aug 9, 2022

Most Commented