സ്വൈര്യജീവിതം തകരുമെന്ന് ​ഗോത്രകുടുംബങ്ങൾ; അരുണമല ടൂറിസം പദ്ധതി ഉപേക്ഷിക്കാൻ വനംവകുപ്പ്


85 കാട്ടുനായ്ക്കകുടുംബങ്ങളാണ് അരുണമലയിൽ കഴിയുന്നത്.

അരുണമലയിലെ ഏലത്തോട്ടം | ഫോട്ടോ: മാതൃഭൂമി ഇ പേപ്പർ

മേപ്പാടി: അരുണമലയിൽ നടപ്പാക്കാനിരുന്ന ഇക്കോടൂറിസം പദ്ധതി ഉപേക്ഷിക്കാനൊരുങ്ങി വനംവകുപ്പ്. സൗത്ത് വയനാട് ഫോറസ്റ്റ് ഡിവിഷനിലെ മേപ്പാടി റെയ്ഞ്ചിലുൾപ്പെടുന്ന അരുണമലയിലെ ഇക്കോ ടൂറിസം ഗോത്രവർഗക്കാരുടെ എതിർപ്പിനെത്തുടർന്നാണ് ഉപേക്ഷിക്കാനുള്ള തീരുമാനം.

അരുണമലയിൽ ട്രക്കിങ്ങും ടെന്റ് ടൂറിസവുമടക്കമുള്ള വലിയ വിനോദസഞ്ചാരപദ്ധതിയാണ് വനംവകുപ്പ് നടപ്പാക്കാനിരുന്നത്. എന്നാൽ, ഇവിടെ താമസിക്കുന്ന പ്രാക്തന ഗോത്രവർഗ വിഭാഗമായ കാട്ടുനായ്ക്കർ പ്രദേശത്ത് ഇക്കോടൂറിസം നടപ്പാക്കുന്നത് എതിർത്തിരുന്നു. 85 കാട്ടുനായ്ക്കകുടുംബങ്ങളാണ് അരുണമലയിൽ കഴിയുന്നത്.



പദ്ധതി എതിർത്തുകൊണ്ട് ആദ്യം ഗോത്രവർഗ കുടുംബങ്ങളാണ് രംഗത്തെത്തിയത്. ഇക്കോടൂറിസം നടപ്പായാൽ തങ്ങളുടെ സ്വൈരജീവിതം തകരുമെന്ന് അരുണമല ഗോത്രവർഗകമ്മിറ്റി പ്രസിഡൻറ് ബി. അഖിൽ പറയുന്നു. വയനാട് പ്രകൃതിസംരക്ഷണ സമിതിയും പ്രശ്നത്തിൽ ഇടപെട്ടു.

Deivappura
ദൈവപ്പുര

അരുണമലയിലെ ഇക്കോടൂറിസം കേന്ദ്ര വനംപരിസ്ഥിതി മന്ത്രാലയത്തിന്റെ നിബന്ധനകൾപ്രകാരം നിയമവിരുദ്ധമാണെന്നും നിലവിലുള്ള വർക്കിങ് പ്ലാനിൽ ഉൾപ്പെടാത്തതാണെന്നും പ്രകൃതിസംരക്ഷണസമിതി പറഞ്ഞു. കൂടാതെ, പ്രദേശത്ത് ഒട്ടേറെ ഉരുൾപൊട്ടലുകളുമുണ്ടായിട്ടുണ്ട്. പശ്ചിമഘട്ട മലനിരകൾക്ക് മുകളിൽ, ക്യാമൽ ഹംപ് മലനിരകളുടെ കിഴക്കൻ ചെരിവിലെ പരിസ്ഥിതിലോല പ്രദേശത്താണ് വനംവകുപ്പ് ഇക്കോടൂറിസം നടപ്പാക്കാനിരുന്നത്.

പ്രകൃതിസംരക്ഷണ സമിതിയുടെ നേതൃത്വത്തിൽ ഗ്രാമസമിതി യോഗം ചേരുകയും കളക്ടർ, സൗത്ത് വയനാട് ഡി.എഫ്.ഒ. എന്നിവർക്ക് നിവേദനം നൽകുകയും ചെയ്തിരുന്നു.

നിലവിൽ പ്രദേശത്ത്‌ പ്രവർത്തിക്കുന്ന സ്വകാര്യ റിസോർട്ടുകളുടെ നേതൃത്വത്തിലുള്ള അനധികൃത ട്രക്കിങ്ങും നിരോധിക്കണമെന്നും നിവേദനത്തിൽ ആവശ്യപ്പെട്ടിരുന്നു. തുടർന്ന് എ.ഡി.എമ്മിന്റെ നേതൃത്വത്തിൽ വിനോദസഞ്ചാരവകുപ്പ് അധികൃതർ അരുണമല സന്ദർശിക്കുകയും കോളനിയിലെത്തി കുടുംബങ്ങളോട് സംസാരിച്ച് തെളിവെടുക്കുകയും ചെയ്തു.

കോളനിനിവാസികളുടെ എതിർപ്പ് വനം വകുപ്പിനെയും അറിയിച്ചിരുന്നു. ഇതിന്റെ അടിസ്ഥാനത്തിലാണ് ഗോത്ര വിഭാഗക്കാർക്ക് താത്പര്യമില്ലെങ്കിൽ പദ്ധതി ഉപേക്ഷിക്കാമെന്ന് വനംവകുപ്പ് നിലപാടെടുക്കുന്നത്. കോളനി സന്ദർശിച്ച് തെളിവെടുത്തതിന്റെ റിപ്പോർട്ട് കളക്ടർക്ക് കൈമാറിയതായി ടൂറിസം ഡിപ്പാർട്ട്മെന്റ് വയനാട് ഡെപ്യൂട്ടി ഡയറക്ടർ ഡി.വി. പ്രഭാത് പറഞ്ഞു.

Content Highlights: arunamala eco tourism project, kerala forest department, malayalam travel news


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
FIFA World Cup 2022 Argentina vs Mexico group c match

2 min

മെക്‌സിക്കന്‍ പ്രതിരോധക്കോട്ട തകര്‍ത്തു; ജീവന്‍ തിരികെപിടിച്ച് മെസ്സിയും സംഘവും

Nov 27, 2022


nazer faizy koodathayi

2 min

'പോര്‍ച്ചുഗല്‍ അധിനിവേശം നടത്തിയ രാജ്യം, എതിര്‍പ്പ് വഴിവിട്ട ആരാധനയോട്'; വിശദീകരണവുമായി സമസ്ത

Nov 25, 2022


03:49

ശ്രീഹള്ളി പോകുന്ന വഴിയിലെ ചായക്കടയും ഹിറ്റായ ​ചായക്കടക്കാരനും; വീണ്ടുമെത്തുന്നു പൊള്ളാച്ചി രാജ

Nov 27, 2022

Most Commented