വിഴിഞ്ഞത്തെ പുരാതനക്ഷേത്രം മണ്‍മറയുന്നു, കുഴിച്ചപ്പോള്‍ കണ്ട ക്ഷേത്രം 'കാണാതായി'


ആയ് രാജാക്കന്‍മാരുടെ കാലത്താണ് ക്ഷേത്രം നിര്‍മിച്ചതെന്ന് ദേവസ്വം ബോര്‍ഡിന്റെ രേഖകളിലുള്ളത്.

ക്ഷേത്രാവശിഷ്ടങ്ങൾ ഇപ്പോൾ കാടുകയറിക്കിടക്കുന്നു

വിഴിഞ്ഞം : വിഴിഞ്ഞം തുറമുഖത്തിനടുത്തുള്ള പ്രാചീനക്ഷേത്രം തിരുവിതാംകൂർ ദേവസ്വം ബോർഡിന്റെ അനാസ്ഥകാരണം മൺമറയുന്നു. പുനർനിർമിക്കുമെന്ന് അറിച്ചിയിരുന്നെങ്കിലും അധികൃതർ നടപടികളെടുക്കുന്നില്ല. കാടും പടർപ്പും കയറി കാണാതായ ക്ഷേത്രം നാട്ടുകാർ മാലിന്യങ്ങൾ കൊണ്ടിടുന്ന സ്ഥലമായി മാറിയിരിക്കുകയാണ്.

'കുഴിച്ചപ്പോൾ കണ്ട ക്ഷേത്രം' എന്നാണ് ക്ഷേത്രത്തെക്കുറിച്ച് ദേവസ്വം ബോർഡിന്റെ രേഖയിൽ പരാമർശിക്കുന്നത്. ശിവലിംഗവും വിഷ്ണുവുമാണ് ഇവിടത്തെ പ്രതിഷ്ഠകൾ. ഇവയിൽ വിഷ്ണുവിന്റെ പ്രതിഷ്ഠയുള്ള ക്ഷേത്രം കനത്തമഴയിൽ പാടെ തകർന്നുവീണു. ഇതിനു സമീപത്തുള്ള ശിവലിംഗ പ്രതിഷ്ഠയുള്ള ക്ഷേത്രവും തകർച്ചയുടെ വക്കിലാണ്. വിഷ്ണു പ്രതിഷ്ഠയുള്ള ക്ഷേത്രം തകർന്നു വീണതിനുശേഷം ഇതിനു ചുറ്റും കാടുംപടർപ്പും പടർന്നുപിടിച്ചു. ഇതോടെ ഇവിടത്തെ ക്ഷേത്രങ്ങൾ പുറത്ത് കാണാത്തനിലയിലായി. താഴിട്ട് പൂട്ടിയതോടെ നാട്ടുകാർ ഇതിനുമുന്നിൽ കടകൾ കെട്ടിമറച്ചു. സമീപത്തുള്ള ആൽമരത്തിന്റെ വേരുകൾ ക്ഷേത്രത്തിലേക്ക് വളർന്നിറങ്ങിയിട്ടുമുണ്ട്.

ancient temple

ക്ഷേത്രം തകർന്നുവീണതറിഞ്ഞ് അന്നത്തെ ദേവസ്വം ബോർഡംഗവും ബന്ധപ്പെട്ടവരുമെത്തി സ്ഥലം സന്ദർശിച്ചിരുന്നു. ക്ഷേത്രത്തിന്റെ പ്രാചീനത നിലനിർത്തി അടിയന്തരമായി പുനർനിർമാണം നടത്തുമെന്ന് പ്രഖ്യാപിച്ചിരുന്നു. ക്ഷേത്രവളപ്പിന് ചുറ്റുമുള്ള വീടുകളിൽനിന്ന് ഗാർഹിക അവശിഷ്ടങ്ങൾ കൊണ്ടിടുന്ന കേന്ദ്രമായി മാറിയിരിക്കുകയാണ് ഇവിടം. അടുത്തകാലം വരെ ഇവിടെ പൂജകൾ നടത്തിയിരുന്നതായും നാട്ടുകാർ പറഞ്ഞു.

നാലുവർഷം മുമ്പ് ദേവസ്വം ബോർഡധികൃതരെത്തി ഇവിടെ പ്രമുഖ തന്ത്രിയുടെ സാന്നിധ്യത്തിൽ ദേവപ്രശ്നവും നടത്തിയിരുന്നു. പുരാവസ്തുവിന്റെ രേഖകളിൽ സ്ഥാനം പിടിച്ചിട്ടുള്ള ഈ ക്ഷേത്രത്തിനു അടമാനം വേണമെന്നും അന്നു തീരുമാനിച്ചിരുന്നു. ഇതിന്റെ അടിസ്ഥാനത്തിൽ ദേവസ്വം ബോർഡെന്നെഴുതിയുള്ള ഗേറ്റ് മാത്രം സ്ഥാപിച്ചു. എന്നാൽ, അധികം ഭക്തർ ഇല്ലാത്തതും വരുമാനക്കുറവും കാരണം ഈ ക്ഷേത്രത്തെ ദേവസ്വം ബോർഡ് പൂർണമായും തഴഞ്ഞുവെന്നാണ് ആരോപണം.

ancient temple

ആയ് രാജാക്കൻമാരുടെ കാലത്താണ് ക്ഷേത്രം നിർമിച്ചതെന്ന് ദേവസ്വം ബോർഡിന്റെ രേഖകളിലുള്ളത്. ചോള-പാണ്ഡ്യ-ആയ് രാജവംശങ്ങളുടെ കാലഘട്ടങ്ങളെ സമന്വയിപ്പിച്ചുള്ള ചിത്രപ്പണികളും ശില്പങ്ങളും ഇവിടത്തെ കരിങ്കല്ല് ഭിത്തികളിൽ കാണാം.

Content highlights :ancient temple of vizhinjam being destroyed and waste dumping place

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
K Surendran

2 min

'ദിലീപിന് സിനിമയിലഭിനയിക്കാം; ശ്രീറാമിന് കളക്ടറാകാന്‍ പാടില്ലേ?'; അതെന്ത് ന്യായമെന്ന് സുരേന്ദ്രന്‍

Aug 7, 2022


manoram

3 min

ഭാര്യയുടെ മൃതദേഹം ചുടുകട്ടകെട്ടി കിണറ്റില്‍; ഹൃദയംപൊട്ടി ദിനരാജ്, അന്യസംസ്ഥാന തൊഴിലാളിയെ കാണാനില്ല

Aug 8, 2022


10:51

പട്ടാളമില്ലെങ്കിലും സേഫായ രാജ്യം, ഉയര്‍ന്ന ശമ്പളം, വിശേഷദിനം ഓഗസ്റ്റ് 15 | Liechtenstein

Jul 25, 2022

Most Commented