പ്രകൃതിയിൽ പൂർത്തിയാകാത്ത ചിത്രംപോലെ ആനയംപാറ; പക്ഷേ മനസുവെച്ചാൽ ആളുകേറും


ജി ജ്യോതിലാൽ

കുളത്തെ ചുറ്റി പാർക്ക്, പാർക്കിലൂടെ കുട്ടികൾക്കുള്ള തീവണ്ടി, ബോട്ടിങ്, നീന്തൽ പരിശീലനകേന്ദ്രം, റോക്ക് ക്ളൈംബിങ് പരിശീലനം, ചെറിയ ട്രെക്കിങ് പാത്ത്, കയാക്കിങ്, കുട്ടവഞ്ചി തുടങ്ങിയവ ഏർപ്പെടുത്താം.

ആനയംപാറ | ഫോട്ടോ: അജിത് പനച്ചിക്കൽ

കൊല്ലം: റവന്യൂവകുപ്പും വിനോദസഞ്ചാരവകുപ്പും തദ്ദേശസ്വയംഭരണസ്ഥാപനങ്ങളും ഒത്തൊരുമിച്ച് മനസ്സുവെച്ചാൽ ആനയംപാറ നല്ലൊരു വിനോദസഞ്ചാരകേന്ദ്രമാക്കി മാറ്റാം. സാധ്യതകളേറെയുണ്ടെങ്കിലും വർഷങ്ങളായി അനാഥമായിക്കിടക്കുകയാണ്‌ ഇവിടം.

പണ്ട് മാനംമുട്ടെ ഉയരത്തിലുള്ള കൂറ്റൻ പാറയായിരുന്നു ഇത്. ദിവസവും അറുനൂറോളം തൊഴിലാളികൾ പണിയെടുത്തിരുന്ന പാറമട. ഭൂമിതുരന്ന് പാറപൊട്ടിച്ച് ഇപ്പോൾ നാല്പതടി താഴ്ചയുള്ള മൂന്നേക്കറോളം വരുന്ന കുളമായി. ജി.പി.സ്റ്റേഷനായതിനാൽ പൊട്ടിക്കാതെ രക്ഷപ്പെട്ട പാറയും അവശിഷ്ടങ്ങളുമെല്ലാംചേർന്ന് പ്രകൃതിയിൽ പൂർത്തിയാകാത്ത ഒരു ചിത്രംപോലെ കിടക്കുകയാണിവിടം.



ഏഴേക്കറോളം വരുന്ന ഈ റവന്യൂ ഭൂമിയെ സാഹസിക വിനോദസഞ്ചാരകേന്ദ്രമാക്കി മാറ്റാം. ഷൂട്ടിങ് റേഞ്ചിനു പറ്റിയ ഇടമാണെന്നു കണ്ടെത്തി എൻ.സി.സി.യും ഈ സ്ഥലത്തോട് താത്പര്യം കാണിച്ചിരുന്നു. എന്നാൽ, റവന്യൂ വകുപ്പിന്റെ അനുമതി കിട്ടാത്തതിനാൽ നടന്നില്ല. ജില്ലാ ടൂറിസം പ്രൊമോഷൻ കൗൺസിലും പദ്ധതി തയ്യാറാക്കിയിരുന്നു. ഫണ്ടിന്റെ അഭാവത്താൽ അതും നടന്നില്ല.

കുളത്തെ ചുറ്റി പാർക്ക്, പാർക്കിലൂടെ കുട്ടികൾക്കുള്ള തീവണ്ടി, ബോട്ടിങ്, നീന്തൽ പരിശീലനകേന്ദ്രം, റോക്ക് ക്ളൈംബിങ് പരിശീലനം, ചെറിയ ട്രെക്കിങ് പാത്ത്, കയാക്കിങ്, കുട്ടവഞ്ചി തുടങ്ങിയവ ഏർപ്പെടുത്താം. മുകളിൽ കയറി മലമുകളിൽ ഇരുന്നാൽ തെളിഞ്ഞ അന്തരീക്ഷത്തിൽ കിഴക്ക് സഹ്യപർവതനിരകളും പടിഞ്ഞാറ് അറബിക്കടലും കാണാം. ഉദയാസ്തമയസൗന്ദര്യം നുകരാം.

ഔഷധച്ചെടികളും പാറമടകളിലെ ജൈവവൈവിധ്യവും കണ്ടറിയാം. കൊല്ലം, കൊട്ടാരക്കര ഭാഗങ്ങളിൽനിന്നുള്ളവർക്കെല്ലാം സായാഹ്നം ചെലവഴിക്കാൻ ഒരിടമാകും. ഏറ്റവും മുകളിൽ ജി.പി. സ്റ്റേഷൻ സർവേ വകുപ്പിന്റെ കീഴിലായതിനാൽ സംരക്ഷിതപ്രദേശമാണ്. അതിന്റെ 20 മീറ്റർ ചുറ്റളവിൽ പാറ പൊട്ടിക്കരുതെന്നതിനാലാണ്‌ ഇവിടം സംരക്ഷിക്കപ്പെട്ടുപോരുന്നത്‌.

ഇപ്പോൾ ഉപഗ്രഹ സർവേയുടെ കാലമായതിനാൽ ഇതിന്റെ ചരിത്രപരമായ പ്രാധാന്യവും പഴയകാല സർവേ രീതിയും പരിചയപ്പെടുത്താം. അവിടെ വ്യൂ പോയിന്റോ ടവറോ സ്ഥാപിക്കാം. പാറ പെയിന്റിങ്ങുകൾകൊണ്ട് മനോഹരമാക്കാം. അങ്ങനെ ഒട്ടേറെ സാധ്യതയുള്ള പ്രദേശമാണിതെന്ന്‌ പാറയുടെ ഒരു ഭാഗം നിൽക്കുന്ന നെടുവത്തൂർ പഞ്ചായത്തിലെ വെൺമണ്ണൂർ വാർഡ്‌ അംഗം ജയചന്ദ്രൻ പറഞ്ഞു. ആനക്കോട്ടൂർ വാർഡിലുംകൂടിയായാണ് പാറ നിൽക്കുന്നത്. മുകളിലെ പാറ ആന നിൽക്കുന്നതുപോലെ ആയതുകൊണ്ടാണ് ഇതിന് ആനയംപാറ എന്ന പേരു വന്നത്.

കൊല്ലം-തിരുമംഗലം ദേശീയ പാതയിൽ നെടുവത്തൂർ പഞ്ചായത്തിലെ കിള്ളൂരിൽനിന്ന് ഒന്നരക്കിലോമീറ്റർ അകത്തോട്ടാണ് ഈ പാറ. കൊല്ലത്തുനിന്ന് 21 കിലോമീറ്ററാണ് ഇവിടേക്ക്. കൊട്ടാരക്കരയിൽനിന്ന്‌ ഏഴു കിലോമീറ്റർ.

Content Highlights: anayampara, kollam tourists destination, kollam dtpc, village tourism


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
nazer faizy koodathayi

2 min

'പോര്‍ച്ചുഗല്‍ അധിനിവേശം നടത്തിയ രാജ്യം, എതിര്‍പ്പ് വഴിവിട്ട ആരാധനയോട്'; വിശദീകരണവുമായി സമസ്ത

Nov 25, 2022


vote

5 min

അടുത്തവര്‍ഷം ലോക്‌സഭാ തിരഞ്ഞെടുപ്പ്; ഇത്തവണ ഒരു രാജ്യം ഒരു തിരഞ്ഞെടുപ്പോ?

Nov 25, 2022


arif muhammad khan

1 min

രാജ്ഭവനിലെ അതിഥിസത്കാരം: നാല് വര്‍ഷത്തിനിടെ 9 ലക്ഷത്തോളം ചെലവഴിച്ചെന്ന് കണക്കുകള്‍

Nov 25, 2022

Most Commented