കാലുകൾ പൊള്ളി മുറിവായി,പിന്തിരിയാതെ ആത്മവിശ്വാസം ഇന്ധനമാക്കി ലഡാക്കിലേക്ക് നടക്കുകയാണ് ശ്യാം


എഴുത്തും ചിത്രവും : പി.പി. രതീഷ്

കോവിഡ് കാലത്ത് ലോക്ഡൗണിൽക്കുടുങ്ങി വീട്ടിലിരുന്നപ്പോൾ തുടങ്ങിയ ആലോചനയാണ് ലഡാക്കിലേക്കുള്ള കാൽനടയാത്ര.

തൊടുപുഴയിൽനിന്ന് ലഡാക്കിലേക്കുള്ള കാൽനട യാത്രയ്ക്കിടെ പാലക്കാട് കോട്ടയിലെത്തിയ ശ്യാം

മൂന്നുമാസംകൊണ്ട് 3,600 കിലോമീറ്റർ നടന്ന് ലഡാക്കിലെത്തുക, അതാണ് ശ്യാമിന്റെ ലക്ഷ്യം. തൊടുപുഴയിൽനിന്ന് ലഡാക്കിലേക്കുള്ള ഈ യാത്രയിൽ അഞ്ചുദിവസം കൊണ്ട് 200 കിലോമീറ്ററോളം പിന്നിട്ടു. ചൂടുകൂടിയതോടെ കാലുകൾ പൊള്ളി മുറിവായിത്തുടങ്ങിയിട്ടുണ്ടെങ്കിലും ആത്മവിശ്വാസം ഇന്ധനമാക്കി നടന്നുമുന്നേറുകയാണ് ശ്യാം.

തൊടുപുഴ മടക്കത്താനത്തിന് സമീപം മണിയന്തടത്തിൽ അലുമിനിയം ഫാബ്രിക്കേഷൻ ജോലിക്കാരനാണ് ശ്യാം. ഈ 26കാരന്റെ ജീവിതത്തിലെ വലിയൊരു ലക്ഷ്യത്തിലേക്കുള്ള ചുവടുവെപ്പിനാണ് ഡിസംബർ ഒന്നിന് വീട്ടിൽനിന്ന് തുടക്കമായത്. കോവിഡ് കാലത്ത് ലോക്ഡൗണിൽക്കുടുങ്ങി വീട്ടിലിരുന്നപ്പോൾ തുടങ്ങിയ ആലോചനയാണ് ലഡാക്കിലേക്കുള്ള കാൽനടയാത്ര. കുടുംബാംഗങ്ങളും പിന്തുണച്ചു.

ബസ്‌സ്റ്റാൻഡുകളിലും വഴിയോര കാത്തിരിപ്പ് കേന്ദ്രങ്ങളിലും രാത്രിതങ്ങി കടകളിൽനിന്ന് ഭക്ഷണവും കഴിച്ചുള്ള യാത്രയുടെ അഞ്ചാംദിവസത്തിലാണ് പാലക്കാട്ടെത്തിയത്.

ഇനി കോയമ്പത്തൂർ, സേലം വഴി ബെംഗളൂരുവുവിലെത്തും. അവിടെനിന്ന് ഹൈദരാബാദ് വഴി ഡൽഹിയിലെത്തി ലഡാക്കിലേക്ക് യാത്രചെയ്യാനാണ് ലക്ഷ്യമിട്ടിരിക്കുന്നതെന്ന് ശ്യാം പറയുന്നു. ദീർഘദൂരംനടന്ന് മുൻപരിചയമില്ലാത്തതിനാൽ യാത്രയ്ക്കുമുമ്പ് ദിവസങ്ങളോളം രാവിലെ 10 കിലോമീറ്റർവരെ നടന്ന് തയ്യാറെടുത്തു. അത്യാവശ്യചെലവുകൾക്കുള്ള പണവും കൈയിൽക്കരുതിയാണ് യാത്രതുടങ്ങിയത്.

പ്രധാനപ്പെട്ട വിനോദസഞ്ചാര കേന്ദ്രങ്ങളും സന്ദർശിച്ചാണ് യാത്ര. ഞായറാഴ്ച രാവിലെ പാലക്കാട്ടെത്തിയ ശ്യാം കോട്ട സന്ദർശനത്തിനുശേഷം കോയമ്പത്തൂർ ലക്ഷ്യമാക്കി നീങ്ങി.

Content Highlights: Shyam walking to Ladakh from Thodupuzha, Ladakh Travel, Walking to Kashmir


Also Watch

Add Comment
Related Topics

Get daily updates from Mathrubhumi.com

Newsletter
Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
temple

1 min

ഓസ്‌ട്രേലിയയില്‍ ഹിന്ദു ക്ഷേത്രങ്ങള്‍ക്കുനേരെ ആക്രമണം; പ്രതിഷേധമറിയിച്ച് ഇന്ത്യ

Jan 26, 2023


Anil Antony

4 min

ഈ പോക്കിന്‌ കോണ്‍ഗ്രസിന് ഭാവി വിദൂരമാണ്, ഒപ്പമുള്ളവരെ കാണുമ്പോള്‍ രാഹുലിനോട് സഹതാപം- അനില്‍ ആന്റണി

Jan 25, 2023


adani

2 min

നഷ്ടം കോടികള്‍: നിയമനടപടിയെന്ന് അദാനി; ഭീഷണിയല്ലാതെ ചോദ്യങ്ങള്‍ക്കുത്തരമുണ്ടോയെന്ന് ഹിന്‍ഡെന്‍ബര്‍ഗ്

Jan 27, 2023

Most Commented