ബി.എസ്.എന്‍.എല്‍. പുതിയ ഫൈബര്‍ ബ്രോഡ്ബാന്‍ഡ് പ്ലാന്‍ അവതരിപ്പിച്ചു. സെക്കന്‍ഡില്‍ 30 എംബി വേഗമുള്ള 399 രൂപയുടെ പ്ലാന്‍ ആണ് അവതരിപ്പിച്ചത്. 1000 ജിബി വരെ ഈ വേഗതയില്‍ ഉപയോഗിക്കാം. 1000 ജിബിയ്ക്ക് ശേഷം വേഗത 2 എംബിപിഎസ് ആയി കുറയും. 

90 ദിവസത്തെ പ്രൊമൊഷണല്‍ ഓഫറായാണ് ഈ പ്ലാന്‍ അവതരിപ്പിച്ചിരിക്കുന്നത്. മൂന്ന് മാസം കഴിഞ്ഞാല്‍ പ്ലാന്‍ ലഭിക്കില്ല. ആറ് മാസക്കാലം ഇത് തുടര്‍ച്ചയായി ഉപയോഗിക്കാം. അതിന് ശേഷം 449 രൂപയുടെ പ്ലാനിലേക്ക് മാറും. 

ബിഎസ്എന്‍എലിന്റെ സ്ഥിരം പ്ലാനുകളിലൊന്നാണ് 449 രൂപയുടേത്. ഫൈബര്‍ ബേസിക് പ്ലാന്‍ എന്നറിയപ്പെടുന്ന ഈ പ്ലാനില്‍ 30 എംബിപിഎസ് വേഗത്തില്‍ ഡാറ്റ ഉപയോഗിക്കാം. 3.3 ടിബി വരെയാണ് പരമാവധി വേഗത്തില്‍ ഉപയോഗിക്കാന്‍ സാധിക്കുക. ഇത് ഉപയോഗിച്ച് കഴിഞ്ഞാല്‍ രണ്ട് എംപിബിഎസിലേക്ക് വേഗത കുറയും.

100 എംബിപിഎസ് ഡാറ്റാ വേഗതയുള്ള 749 രൂപ യുടെ സൂപ്പര്‍ പ്രീമിയം 1 പ്ലാനും 150 എംബിപിഎസ് വേഗതയുള്ള 949 രൂപയുടെ സൂപ്പര്‍ പ്രീമിയം പ്ലാന്‍ 21 ഉം ബിഎസ്എന്‍എല്‍ നല്‍കുന്നുണ്ട്. 

Content Highlights: bsnl 399 rs fiber broadband plan with 30mbps speed