• News
  • Views
  • Videos
  • Movies
  • Sports
  • Money
  • Women
  • Technology
More
Hero Hero
  • Science
  • News
  • Features
  • Telecom
  • Social Media
  • Mobiles
  • Tech Plus
  • Videos
  • Gadgets

നിങ്ങള്‍ അയക്കുന്ന സന്ദേശങ്ങള്‍ വാട്‌സ്ആപ്പ് ചോര്‍ത്തുമോ? വസ്തുത ഇതാണ്

Jan 10, 2021, 12:53 PM IST
A A A

ഒരിടത്ത് നിന്നും മറ്റൊരിടത്തേക്കുള്ള കൈമാറ്റത്തിനിടെ എന്റ് റ്റു എന്റ് ചാനലിന് ഇടയില്‍ നുഴഞ്ഞുകയറാന്‍ ആര്‍ക്കും സാധിക്കില്ലെന്ന് വാട്‌സാപ്പ് പറയുന്നു

Whatsapp
X

Photo: Gettyimages

വാട്‌സാപ്പിന്റെ പ്രൈവസി പോളിസി അപ്‌ഡേറ്റ് സംബന്ധിച്ച് ആഗോളതലത്തില്‍ ചര്‍ച്ചകളും സംവാദങ്ങളും ശക്തമായിരിക്കെ വാട്‌സ്ആപ്പിന്റെ സാങ്കേതികതയൊന്നും വശമില്ലാത്ത സാധാരണ ഉപയോക്താക്കളെ സംബന്ധിച്ചിടത്തോളം ഒരുപാട് തെറ്റിദ്ധാരണകള്‍ ഉണ്ടാവാനിടയുണ്ട്. അതിലൊന്നാണ് വാട്‌സ്ആപ്പിലൂടെ അയക്കുന്ന സന്ദേശങ്ങള്‍ നിരീക്ഷിക്കപ്പെടുമോ എന്നുള്ളത്. 

അത് വിശദമാക്കുന്നതിന് മുമ്പായി പുതിയ അപ്ഡേറ്റ് എന്താണെന്ന് ചെറുതായൊന്നു പറയാം. കാര്യക്ഷമമമായി സേവനങ്ങള്‍ നല്‍കുന്നതിനായി ഉപയോക്താക്കളില്‍ നിന്ന് മറ്റേതൊരു മൊബൈല്‍ ആപ്പിനേയും പോലെ തന്നെ വാട്‌സ്ആപ്പും ചില വിവരങ്ങള്‍ (User Data) ശേഖരിക്കുന്നുണ്ട്. 

ഇങ്ങനെ ശേഖരിക്കുന്ന വിവരങ്ങള്‍ മാതൃസ്ഥാപനമായ ഫെയ്‌സ്ബുക്കുമായി പങ്കുവെക്കാനുള്ള ശ്രമങ്ങള്‍ നേരത്തെതന്നെ ആരംഭിച്ചിരുന്നു. അന്നുതൊട്ട് ആ നീക്കം വിമര്‍ശിക്കപ്പെടുന്നുണ്ട്. അതിന്റെ പശ്ചാത്തലത്തില്‍ ഫെയ്‌സ്ബുക്കുമായി വാട്‌സ്ആ​പ്പ് ഡാറ്റ പങ്കുവെക്കണോ വേണ്ടയോ എന്ന് തീരുമാനിക്കാനുള്ള ഒരു ഓപ്ഷന്‍ ഉപയോക്താക്കള്‍ക്ക് നല്‍കി വന്നിരുന്നു. ഈ ഓപ്ഷന്‍ ഒഴിവാക്കുകയും ഫെയ്‌സ്ബുക്ക് കമ്പനികളുമായി വാട്‌സ്ആ​പ്പ് ഡാറ്റ നിര്‍ബന്ധമായും പങ്കുവെക്കണമെന്ന് വ്യവസ്ഥ ചെയ്യുകയുമാണ് പുതിയ പോളിസി പരിഷ്‌കാരത്തില്‍ ചെയ്തിരിക്കുന്നത്. 

ഫെബ്രുവരി എട്ട് മുതല്‍ പുതിയ മാറ്റം നിലവില്‍ വരും. ഈ തീയ്യതി മുതല്‍ ഇപ്പോള്‍ വന്നിരിക്കുന്ന നോട്ടിഫിക്കേഷനിലെ എഗ്രീ ബട്ടന്‍ ക്ലിക്ക് ചെയ്യാതെ വാട്‌സ്ആ​പ്പ് ഉപയോഗിക്കാനാവില്ല. 

whatsapp policyഇനി വിഷയത്തിലേക്ക് വരാം; വാട്‌സ്ആപ്പ് സന്ദേശങ്ങള്‍ ചോര്‍ത്തുമോ

വാട്‌സ്ആപ്പ് ചാറ്റിലെ സന്ദേശങ്ങള്‍ വാട്‌സ്ആപ്പ് ചോര്‍ത്തുമോ, നിരീക്ഷിക്കുമോ? വാട്‌സാപ്പിന്റെ പ്രൈവസി പോളിസിയില്‍ പറയുന്നത് ഇല്ല എന്നാണ്. വാട്‌സ്ആപ്പിലൂടെയുള്ള സന്ദേശ കൈമാറ്റം എന്റ് റ്റു എന്റ് എന്‍ക്രിപ്ഷന്‍ സാങ്കേതിക വിദ്യയാല്‍ സംരക്ഷിക്കപ്പെട്ടിട്ടുള്ളതാണ്. അത് വാട്‌സ്ആപ്പിന്റെ സെര്‍വറുകളിലൂടെയാണ് കടന്നുപോവുന്നതെങ്കിലും അത് അവര്‍ ശേഖരിച്ചുവെക്കുന്നില്ല. 

ഒരിടത്ത് നിന്നും മറ്റൊരിടത്തേക്കുള്ള കൈമാറ്റത്തിനിടെ എന്റ് റ്റു എന്റ് ചാനലിന് ഇടയില്‍ നുഴഞ്ഞുകയറാന്‍ ആര്‍ക്കും സാധിക്കില്ലെന്ന് വാട്‌സ്ആപ്പ് പറയുന്നു. അതായത് സന്ദേശങ്ങള്‍ വായിക്കാന്‍ വാട്‌സ്ആപ്പിന് സാധിക്കില്ല. ഉപയോക്താക്കളില്‍ നിന്ന് ശേഖരിക്കുന്ന വിവരങ്ങളുടെ പട്ടികയില്‍ അയക്കുന്ന സന്ദേശങ്ങള്‍ ഉൾപ്പെടുന്നില്ല. 

അതേസമയം, ഫോണുകളില്‍ എത്തിക്കഴിഞ്ഞ സന്ദേശങ്ങള്‍ക്ക് വാട്‌സ്ആപ്പ് സുരക്ഷ ഉറപ്പു നല്‍കുന്നില്ല. വാട്‌സ്ആപ്പിലൂടെ അത് ആര്‍ക്കും ചോര്‍ത്താന്‍ സാധിക്കില്ലെങ്കിലും ഫോണുകള്‍ കയ്യടക്കുന്നതിലൂടെ പുറത്തുള്ളവര്‍ക്ക് സന്ദേശം കാണാന്‍ സാധിക്കും.

അതുകൊണ്ടുതന്നെ വാണിജ്യ സ്ഥാപനങ്ങളുമായി നടത്തുന്ന ആശയവിനിമയങ്ങളില്‍ പ്രധാനപ്പെട്ട രേഖകളൊന്നും കൈമാറരുത്. കാരണം വാണിജ്യ സ്ഥാപനങ്ങള്‍ക്ക് വാട്‌സ്ആപ്പിലൂടെ അയക്കുന്ന സന്ദേശം മറുവശത്ത് ആ സ്ഥാപനങ്ങളുമായി ബന്ധപ്പെട്ട ആളുകള്‍ക്ക് കാണാന്‍ സാധിച്ചേക്കും. പല കമ്പനികളും വാട്‌സ്ആപ്പ് ആശയവിനിമയങ്ങള്‍ക്കായി പുറത്തുള്ള സ്ഥാപനങ്ങളെ ചുമതലപ്പെടുത്തുന്നുണ്ട്. അതിനാല്‍ വാണിജ്യ സ്ഥാപനങ്ങളുമായി സംവദിക്കുമ്പോള്‍ ജാഗ്രത വേണം. 

ഫോണുകളിൽ കടന്നുകയറാൻ ഹാക്കർമാർക്ക് പല വഴിയുണ്ട്. അതിനാൽ ഫോണുകള്‍ വഴിയുള്ള സുരക്ഷാ ഭീഷണികൾക്ക് വാട്‌സ്ആപ്പ് സംരക്ഷണം വാഗ്ദാനം ചെയ്യുന്നില്ല. 

Content Highlights: will WhatsApp leak the messages you send explainer

PRINT
EMAIL
COMMENT
Next Story

ട്വിറ്ററില്‍ ബ്ലൂ ടിക്ക് വെരിഫിക്കേഷന്‍ വീണ്ടും വരുന്നു; വെരിഫൈഡ് അക്കൗണ്ടിന് പുതിയ നയം

ട്വിറ്ററില്‍ വീണ്ടും അക്കൗണ്ട് വെരിഫിക്കേഷന്‍ പ്രക്രിയ ആരംഭിച്ചു. ജനുവരി .. 

Read More
 

Related Articles

വാട്‌സാപ്പ് വെബ്ബില്‍ വീഡിയോ വോയ്‌സ് കോള്‍ സൗകര്യം ലഭ്യമാക്കിത്തുടങ്ങി
Videos |
Technology |
വാട്‌സാപ്പ് വെബ്ബില്‍ വീഡിയോ വോയ്‌സ് കോള്‍ സൗകര്യം ലഭ്യമാക്കിത്തുടങ്ങി
Technology |
സ്വകാര്യതാ നയത്തിലെ മാറ്റം പിന്‍വലിക്കണമെന്ന് വാട്‌സ്ആപ്പിനോട് കേന്ദ്ര സര്‍ക്കാര്‍
India |
വാട്‌സാപ്പ് സ്വകാര്യ ആപ്പ്; ഇഷ്ടമുണ്ടെങ്കിൽ ചേർന്നാൽ മതി -കോടതി
 
  • Tags :
    • WhatsApp
More from this section
twitter
ട്വിറ്ററില്‍ ബ്ലൂ ടിക്ക് വെരിഫിക്കേഷന്‍ വീണ്ടും വരുന്നു; വെരിഫൈഡ് അക്കൗണ്ടിന് പുതിയ നയം
beeper
ബീപ്പര്‍...!; വാട്‌സാപ്പ്, സിഗ്നല്‍, ടെലഗ്രാം അടക്കം 15 ചാറ്റ് ആപ്പുകള്‍ക്കായി ഒറ്റ ഇന്‍ബോക്‌സ്
WHATSAPP WEB VIDEO VOICE CALL
വാട്‌സാപ്പ് വെബ്ബില്‍ വീഡിയോ വോയ്‌സ് കോള്‍ സൗകര്യം ലഭ്യമാക്കിത്തുടങ്ങി
Facebook
നിങ്ങളുടെ ഫെയ്‌സ്ബുക്ക് അക്കൗണ്ട് എങ്ങനെ ഡിലീറ്റ് ചെയ്യാം?
Telegram
ടെലഗ്രാം ഉപയോക്താക്കള്‍ 50 കോടി കവിഞ്ഞു; 72 മണിക്കൂറില്‍ കിട്ടിയത് 2.5 കോടി ഉപയോക്താക്കളെ
News+ Latest News Today's special Local News Gulf Crime Good News News in Pics News in Videos Kerala India World NRI
Views Columns Features Special Pages Interviews In-Depth Social Politics Web Exclusive Cartoon
Leisure Movies Sports Music Travel Books Magazines Kids Free E-book Game Zone Sudoku
Learn / Earn Money Auto Tech Careers Education Agriculture Youth Environment Science University News How To
Lifestyle Women Food MyHome Health Spirituality Astrology
Multimedia Videos Live TV Mojo News Web Shows Audio Photostories Zoom In Gallery
Our Network English Edition Print Gulf NRI Mathrubhumi News TV Kappa TV Club FM Seed Silver Bullet FindHome Media School MBIFL Redmic
E- Paper
Subscription
Buy Books
Magazines
Classifieds
Archives
 
  • E- Paper
  • Subscription
  • Buy Books
  • Magazines
  • Classifieds
  • Archives
© Copyright Mathrubhumi 2021. All rights reserved.
Mathrubhumi

Click on ‘Get News Alerts’ to get the latest news alerts from Mathrubhumi

About Us Contact Us Privacy Policy
Terms of Use Archives
Ad Tariff Download App Classifieds
Buy Books Subscription e-Subscription
 
         
© Copyright Mathrubhumi 2021. All rights reserved.