റെ നാളുകളായി വാര്‍ത്തകളില്‍ നിറഞ്ഞിരുന്ന വാട്‌സാപ്പ് വെബിലെ വീഡിയോ കോള്‍ സൗകര്യം ഒടുവില്‍ ഉപയോക്താക്കള്‍ക്ക് ലഭ്യമാക്കിത്തുടങ്ങി. വാട്‌സാപ്പ് വെബ് ഉപയോക്താക്കള്‍ക്ക് വളരെ പതിയെ ആണ് ഈ സൗകര്യം ലഭ്യമാക്കിവരുന്നതെന്നാണ് റിപ്പോര്‍ട്ടുകള്‍. അതിനാല്‍ തന്നെ പല ഉപയോക്താക്കള്‍ക്കും ഈ സൗകര്യം ഇപ്പോള്‍ ഉപയോഗിക്കാന്‍ സാധിച്ചെന്ന് വരില്ല. 

വാട്‌സാപ്പ് വെബിലെ പുതിയ സൗകര്യത്തിന്റെ സ്‌ക്രീന്‍ഷോട്ട് ചിത്രം വെരിഫൈഡ് ട്വിറ്റര്‍ ഉപയോക്താവായ ഗിലെര്‍മോ ടോമോയോസ് പങ്കുവെച്ചിട്ടുണ്ട്. 

വെബ് ആപ്പിന് മുകളിൽ സെര്‍ച്ച് ബട്ടന് സമീപത്തായാണ് വീഡിയോ വോയ്‌സ് കോള്‍ ബട്ടനുകളും നല്‍കിയിരിക്കുന്നത്. പരീക്ഷണ ഘട്ടത്തിലായതിനാല്‍ ഈ ബട്ടനുകള്‍ക്ക് സമീപത്തായി 'beta' എന്ന് എഴുതിയിട്ടുണ്ട്. ഈ ഫീച്ചര്‍ അര്‍ജന്റീനയില്‍ ലഭ്യമാണെന്ന് ടോമോയോസ് പറയുന്നു.

വാട്‌സാപ്പ് ഫാന്‍ വെബ്‌സൈറ്റായ വാബീറ്റാ ഇന്‍ഫോയും ടോമോയോസിന്റെ ട്വീറ്റിലെ വിവരങ്ങള്‍ സ്ഥിരീകരിച്ചിട്ടുണ്ട്. ബീറ്റാ ഫീച്ചര്‍ ആയതിനാല്‍ വളരെ കുറച്ച് പേര്‍ക്ക് മാത്രമേ ഈ ഫീച്ചര്‍ ലഭിക്കുകയുള്ളൂ. 

Content Highlights: whatsapp video voice call feature