വീഡിയോ കോണ്‍ഫറന്‍സിങ് സേവനം വാണിജ്യ സ്ഥാപനങ്ങള്‍ക്കിടയില്‍ വലിയ വിജയമായതോടെ സ്വന്തമായി ഇ മെയില്‍, കലണ്ടര്‍ സേവനങ്ങള്‍ ആരംഭിക്കാനുള്ള പദ്ധതിയുമായി സൂം.
ഒരു വെബ് ഇ മെയില്‍ സേവനത്തിന് വേണ്ടി സൂം പ്രവര്‍ത്തിച്ചുവരികയാണെന്നും. ഇതിന്റെ ആദ്യ പതിപ്പ് തിരഞ്ഞെടുത്ത ചില ഉപയോക്താക്കള്‍ക്ക് മാത്രമായി വരുംവര്‍ഷത്തോടെ ലഭ്യമാവുമെന്നാണ് ദി ഇന്‍ഫര്‍മേഷന്‍ റിപ്പോര്‍ട്ട് ചെയ്യുന്നത്. പ്രത്യേകം കലണ്ടര്‍ ആപ്ലിക്കേഷനും സൂം വികസിപ്പിക്കുന്നുണ്ടെന്നും റിപ്പോര്‍ട്ടില്‍ പറയുന്നു.
അതേസമയം, വീഡിയോ കോണ്‍ഫറന്‍സിങ് രംഗത്ത് സൂം ആപ്പിന് മേല്‍ക്കൈ ഉണ്ടെങ്കിലും ഇ മെയില്‍ സേവനരംഗത്ത് സൂമിന് ശക്തമായ മത്സരം നേരിടേണ്ടി വന്നേക്കും. മൈക്രോസോഫ്റ്റിന്റെ ഓഫീസ് 365 സേവനവും ഗൂഗിളിന്റെ ജീ സ്യൂട്ടും ഈ രംഗത്ത് ശക്തരായി നില്‍ക്കുന്നുണ്ട്.
സൂമിന് ശക്തമായ ഉപഭോക്തൃ അടിത്തറയുണ്ടെങ്കിലും സൗജന്യ ഉപയോക്താക്കള്‍ വര്‍ധിച്ചുവരുന്നത് വരുമാനത്തേയും ഒപ്പം, വര്‍ധിച്ചുവരുന്ന ചെലവുകള്‍ കൈകാര്യം ചെയ്യാന്‍ കമ്പനിയെ പ്രയാസത്തിലാക്കുന്നുമുണ്ട്.
Content Highlights: Zoom plans email, calendar services
