ഗുസ്തി പിടിച്ച് മഹാത്മ ഗാന്ധി...!; രാഷ്ട്രപിതാവിനെ അപമാനിച്ച് WWE 2K22 വീഡിയോ ഗെയിം


Photo: Screengrab from youtube Video

ന്യൂഡല്‍ഹി: രാഷ്ട്രപിതാവ് മഹാത്മ ഗാന്ധിയെ അപമാനിച്ച് WWE 2K22 വീഡിയോ ഗെയിം. WWE 2K22 എന്ന ഗുസ്തി വീഡിയോ ഗെയിമിലാണ് ഗാന്ധിയുടേതെന്ന പേരില്‍ ഒരു അവതാര്‍ ചേര്‍ത്തിരിക്കുന്നത്.

ഡബ്ല്യൂഡബ്ല്യൂഡബ്ല്യൂ ഫൈറ്റ്‌സ്, ഗെയിമിങ് ഈസ് ആന്‍ ആര്‍ട്ട് തുടങ്ങിയ യൂട്യൂബ് ചാനലുകളില്‍ ഗാന്ധിയുടെ അവതാര്‍ പ്രശസ്ത റെസ്‌ലിങ്‌ താരങ്ങളായ ബിഗ്‌ഷോയുമായും വീര്‍ മഹാനുമായുമെല്ലാം ഗുസ്തി പിടിക്കുന്നതിന്റെ വീഡിയോ ദൃശ്യങ്ങള്‍ യൂട്യൂബില്‍ പങ്കുവെച്ചിട്ടുണ്ട്.

ഗാന്ധിയുടേതിന് സമാനമായ മിതമായ വസ്ത്രങ്ങളും മുടിയില്ലാത്ത തലയും ശരീരപ്രകൃതിയുമുള്ള അവതാറാണ് ഇതിലുള്ളത്. മഹാത്മ ഗാന്ധിയെന്ന് തന്നെയാണ് ഈ കഥാപാത്രത്തെ വിളിക്കുന്നത്.

അതേസമയം, ഈ മത്സരത്തെ ആസ്വദിക്കുന്നവരും ഉണ്ട്. ഗാന്ധിയും ഗോഡ്‌സെയും തമ്മിലുള്ള മത്സരം വേണമെന്നും ഇക്കൂട്ടത്തില്‍ ചിലര്‍ ആവശ്യപ്പെടുന്നു.

സംഭവത്തില്‍ വലിയ വിമര്‍ശനം സോഷ്യല്‍ മീഡിയയില്‍ ഉയരുന്നുണ്ട്. രാഷ്ട്രപിതാവിനെ വെച്ച് ഇത്തരം തമാശകളും വിനോദങ്ങളും സാധ്യമാണോ എന്നും ഇതില്‍ കേസെടുക്കാത്തത് എന്തുകൊണ്ടാണെന്നും എന്ന് ചിലര്‍ ചോദിക്കുന്നു. ഗാന്ധിയെ വെച്ച് ഇത്തരം ഒരു ചിത്രീകരണം ദുഃഖകരമാണെന്നും ചിലര്‍ അഭിപ്രായപ്പെട്ടു.

മഹാത്മ ഗാന്ധിയെയും സുഭാഷ് ചന്ദ്രബോസിനോയും പോലുള്ള വ്യക്തിത്വങ്ങളെ അപമാനിക്കുന്നതിന് ആവിഷ്‌കാര സ്വാതന്ത്ര്യം ഉപയോഗിക്കാനാവില്ലെന്ന് 2015-ല്‍ സുപ്രീംകോടതി അഭിപ്രായപ്പെട്ടിരുന്നു. ഗാന്ധി പറയുന്ന രീതിയില്‍ എഴുതിയ 'ഐ മെറ്റ് ഗാന്ധി' എന്ന കവിതയില്‍ മറാത്തി കവി വസന്ത് ദത്താത്രേയ ഗുര്‍ജര്‍ മോശം ഭാഷാ പ്രയോഗങ്ങള്‍ നടത്തിയതുമായി ബന്ധപ്പെട്ട് വന്ന കേസിലാണ് കോടതി ഈ നീരീക്ഷണം നടത്തിയത്.

2015-ല്‍ തന്നെ ഗാന്ധിയുടെ ചിത്രവും പേരും പതിച്ച് ബിയര്‍ പുറത്തിറക്കിയതിന്റെ പേരില്‍ ഒരു അമേരിക്കന്‍ കമ്പനിയ്ക്ക് മാപ്പ് പറയേണ്ടി വന്നിരുന്നു.

Content Highlights: WWE 2K22 insulting mahatma gandhi with rustling avatar

ശാസ്ത്ര സാങ്കേതിക വിദ്യാ രംഗത്തെ കൂടുതല്‍ വാര്‍ത്തകള്‍ ടെലഗ്രാം വഴി അറിയാം ഗ്രൂപ്പില്‍ അംഗമാവൂ... ക്ലിക്ക് ചെയ്യൂ: https://t.me/technews_mbi


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

06:09

'വെട്ട് കിട്ടിയ ശേഷവും ചാടിക്കടിച്ചു'; പുലിയുടെ ആക്രമണ കഥ വിവരിച്ച് മാങ്കുളം ഗോപാലൻ 

Sep 27, 2022


11:48

ബ്രിട്ടന്‍, യു.കെ, ഇംഗ്ലണ്ട്... ഇതൊക്കെ രാജ്യങ്ങളാണോ? കണ്‍ഫ്യൂഷന്‍ തീര്‍ക്കാം | Inside Out

Sep 27, 2022


rahul Gandhi

3 min

നടന്നു പോകുന്ന മനുഷ്യാ... നിങ്ങൾക്കൊപ്പമെത്താൻ ഇന്ത്യയ്ക്കാവുമെന്നു തോന്നുന്നില്ല

Sep 26, 2022

Most Commented