സൂക്ഷിക്കുക! ;'വിന്‍ഡോസ് 11' ഓഎസിന്റെ പേരില്‍ പുതിയ മാല്‍വെയര്‍; കൂടുതല്‍ അറിയാം


ഈ സൈബര്‍ ആക്രമണത്തിന് പിന്നില്‍ സൈബര്‍ കുറ്റവാളി സംഘമായ ഫിന്‍7 (FIN7) ആണെന്നാണ് കരുതുന്നത്

Photo: Anomali

മൈക്രോസോഫ്റ്റിന്റെ ഏറ്റവും പുതിയ ഓപ്പറേറ്റിങ് സിസ്റ്റമായ വിന്‍ഡോസ് 11 ന് വേണ്ടിയുള്ള കാത്തിരിപ്പിലാണ് ഉപഭോക്താക്കള്‍. എന്നാല്‍ ഈ അവസരം മുതലെടുക്കാനുള്ള ശ്രമത്തിലാണ് ചില ഹാക്കർമാർ. വിന്‍ഡോസ് 11 ഉമായി ബന്ധപ്പെട്ട് ഒരു മാല്‍വെയര്‍ പുറത്തിറങ്ങിയിട്ടുണ്ടെന്ന് സൈബര്‍ സുരക്ഷാ സ്ഥാപനമായ അനോമലിയിലെ ഗവേഷകര്‍ റിപ്പോര്‍ട്ട് ചെയ്യുന്നു.

ഒരു മൈക്രോസോഫ്റ്റ് വേഡ് ഡോക്യുമെന്റിലൂടെയാണ് മാല്‍വെയര്‍ പ്രചരിപ്പിക്കുന്നത്. ഉപകരണങ്ങളില്‍ അപകടകരമായ കോഡുകള്‍ പ്രവര്‍ത്തിപ്പിക്കാന്‍ ഹാക്കര്‍മാരെ സഹായിക്കുന്ന ജാവാ സ്‌ക്രിപ്റ്റ് കൂടി ചേര്‍ത്തതാണ് ഈ ഫയല്‍. ഇത്തരത്തില്‍ ആറ് വേർഡ് ഡോക്യുമെന്റുകള്‍ കണ്ടെത്തിയെന്ന് ഗവേഷകര്‍ പറയുന്നു.



ഈ സൈബര്‍ ആക്രമണത്തിന് പിന്നില്‍ സൈബര്‍ കുറ്റവാളി സംഘമായ ഫിന്‍7 (FIN7) ആണെന്നാണ് കരുതുന്നത്. കിഴക്കന്‍ യൂറോപ്പില്‍ നിന്നുള്ള സംഘമാണിത്. അന്താരാഷ്ട്ര സ്ഥാപനങ്ങളെയാണ് ഇവര്‍ ലക്ഷ്യമിടുന്നത്. പ്രത്യേകിച്ചും അമേരിക്കന്‍ സ്ഥാപനങ്ങള്‍. പലപ്പോഴായി നടത്തിയിട്ടുള്ള സൈബര്‍ ആക്രമണങ്ങളിലൂടെ 100 കോടിയിലേറെ ഡോളറിന്റെ നഷ്ടം ഇവര്‍ ഇത്തരം കമ്പനികള്‍ക്കുണ്ടാക്കിയിട്ടുണ്ട്.

പുതിയ വിന്‍ഡോസ് 11 ഓപ്പറേറ്റിങ് സിസ്റ്റത്തെ കുറിച്ച് കാര്യമായ അറിവില്ലാത്തവരെയാണ് ഈ സൈബറാക്രമണം ലക്ഷ്യമിടുന്നത്. ഏത് രീതിയിലാണ് ഇത് പ്രചരിപ്പിക്കുന്നത് എന്ന് വ്യക്തമായിട്ടില്ല. ഇമെയില്‍ വഴിയാണ് അപകടകരമായ വേർഡ് ഫയലുകള്‍ പ്രചരിപ്പിക്കുന്നത് എന്നാണ് അനോമലിയുടെ അനുമാനം.

വേഡ് ഡോക്യുമെന്റ് വിന്‍ഡോസ് 11 ആല്‍ഫയില്‍ നിര്‍മിച്ചതാണെന്നും ഈ ഫയല്‍ സുരക്ഷിതമായി തുറക്കാന്‍ താഴെ പറയുന്ന കാര്യങ്ങള്‍ ചെയ്യുക എന്നും നിര്‍ദേശിക്കും. ഈ ഫയല്‍ കാണാന്‍ Enable Editing ക്ലിക്ക് ചെയ്യാനും ശേഷം Enable Content ക്ലിക്ക് ചെയ്യാനുമാണ് നിര്‍ദേശം.

ഈ നിര്‍ദേശങ്ങള്‍ അനുസരിച്ചാല്‍ വേഡ് ഡോക്യുമെന്റില്‍ ഹാക്കര്‍മാര്‍ ഒളിച്ചുവെച്ച ജാവാ സ്‌ക്രിപ്റ്റ് ബാക്ക്‌ഡോര്‍ ആക്റ്റിവേറ്റ് ആവും. ഇതോടെ ഹാക്കര്‍മാര്‍ക്ക് കംപ്യൂട്ടറില്‍ നുഴഞ്ഞുകയറാനും സാധിക്കും. ഉപയോക്താവിന്റെ സാമ്പത്തിക നഷ്ടത്തിനിടയാക്കുന്ന വിവരങ്ങളായിരിക്കും ഇവരുടെ ലക്ഷ്യം.

ഒക്ടോബര്‍ അഞ്ചിനാണ് വിന്‍ഡോസ് 11 പുറത്തിറക്കുന്നത്. നിലവില്‍ വിന്‍ഡോസ് ഇന്‍സൈഡര്‍ പ്രോഗ്രാം അംഗങ്ങള്‍ക്കും ഡെവലപ്പര്‍മാര്‍ക്കും ബീറ്റാ ടെസ്റ്റര്‍മാര്‍ക്കും മാത്രമാണ് വിന്‍ഡോസ് 11 ഓഎസ് ലഭ്യമായിട്ടുള്ളത്.

ശാസ്ത്ര സാങ്കേതിക വിദ്യാ രംഗത്തെ കൂടുതല്‍ വാര്‍ത്തകള്‍ ടെലഗ്രാം വഴി അറിയാം ഗ്രൂപ്പില്‍ അംഗമാവൂ... ക്ലിക്ക് ചെയ്യൂ: https://t.me/technews_mbi


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

37:49

സ്വപ്നങ്ങൾ വേണ്ടെന്ന് വെച്ചാൽ എന്റെ കുട്ടി അതാണ് പഠിക്കുക, ഞാനത് ആ​ഗ്രഹിക്കുന്നില്ല - അഞ്ജലി മേനോൻ

Nov 29, 2022


death

1 min

രാത്രി കാമുകിയെ കാണാന്‍ എത്തിയതിന് നാട്ടുകാര്‍ മര്‍ദിച്ചു; കോളേജ് വിദ്യാര്‍ഥി ജീവനൊടുക്കി

Nov 29, 2022


Kashmir Files

2 min

കശ്മീര്‍ ഫയല്‍സ് അശ്ലീലസിനിമ, വിമര്‍ശനത്തില്‍ വിവാദം; ജൂറി പദവി ദുരുപയോഗം ചെയ്‌തെന്ന് ഇസ്രയേല്‍

Nov 29, 2022

Most Commented