വാട്‌സാപ്പ് വെബ് ഉപഭോക്താക്കള്‍ക്കായി  പുതിയ സ്വകാര്യതാ ഫീച്ചര്‍ അവതരിപ്പിച്ചു. 'മൈ കോണ്‍ടാക്റ്റ് എക്‌സെപ്റ്റ്' എന്ന പുതിയ സൗകര്യമാണ് അവതരിപ്പിച്ചത്. നിലവില്‍ വാട്‌സാപ്പ് ആന്‍ഡ്രോയിഡ് ബീറ്റാ പതിപ്പില്‍ ഈ സൗകര്യം നേരത്തെ തന്നെ ലഭ്യമായിരുന്നു. എന്നാല്‍ വാബീറ്റാ ഇന്‍ഫോയുടെ പുതിയ റിപ്പോര്‍ട്ട് അനുസരിച്ച് ഈ സൗകര്യം മറ്റ് ഉപഭോക്താക്കള്‍ക്കും ലഭ്യമാക്കിയിട്ടുണ്ട്. 2.2146.5 അപ്‌ഡേറ്റിലൂടെ വെബിലും ഡെസ്‌ക്ടോപ്പ് പതിപ്പിലും ഇത് ലഭ്യമാക്കിയിട്ടുണ്ടെന്നാണ് റിപ്പോര്‍ട്ട്. 

നിങ്ങളുടെ ലാസ്റ്റ് സീന്‍, സ്റ്റാറ്റസ്, പ്രൊഫൈല്‍ ഫോട്ടോ, എബൗട്ട് ഡിസ്‌ക്രിപ്ഷന്‍ എന്നിവ ആരെല്ലാം കണണം എന്ന് തീരുമാനിക്കുന്നതിനുള്ള ഓപ്ഷനുകളിലൊന്നാണ് മൈ കോണ്‍ടാക്റ്റ് എക്‌സെപ്റ്റ്. നിലവില്‍ എവരിവണ്‍, മൈ കോണ്‍ടാക്റ്റ്, നോബഡി എന്നിങ്ങനെ മൂന്ന് ഓപ്ഷനുകളാണ് ഇതിനായുള്ളത്. 

പുതിയ ഓപ്ഷന്‍ കൂടി എത്തുമ്പോള്‍ നിങ്ങളുടെ കോണ്‍ടാക്റ്റ് ലിസ്റ്റിലുള്ള പ്രത്യേക നമ്പറുള്‍ മാത്രം തിരഞ്ഞെടുത്ത് നിങ്ങളുടെ വിവരങ്ങള്‍ കാണുന്നത് വിലക്കാന്‍ സാധിക്കും. 

അടുത്തിടെ ആന്‍ഡ്രോയിഡ് ഉപഭോക്താക്കള്‍ക്കായി ഒരു പുതിയ ഷോര്‍ട്ട് കട്ട് വാട്‌സാപ്പ് അവതരിപ്പിച്ചിരുന്നു. ഏതെങ്കിലും ഉപഭോക്താവ് ഒരു സ്റ്റാറ്റസ് അപ്‌ഡേറ്റ് ചെയ്യുമ്പോള്‍ പെട്ടെന്ന് തന്നെ വീഡിയോ കോള്‍ ചെയ്യാന്‍ വേണ്ടിയാണ് ഈ ഷോര്‍ട്ട് കട്ട്. ഇതുവഴി സ്റ്റാറ്റസ് കണ്ടുകൊണ്ടിരിക്കെ ഫോണിന്റെ വലത് വശത്ത് മുകളിലുള്ള ത്രീ ഡോട്ട് മെനുവില്‍ നിന്നും വീഡിയോകോള്‍ ഓപ്ഷന്‍ തിരഞ്ഞെടുക്കാനാവും. നേരത്തെ വോയ്‌സ് കോള്‍ ഓപ്ഷനും ഇത് പോലെ അവതരിപ്പിച്ചിരുന്നു. 

Content Highlights: Whatsapp Privacy features, My contacts Except, New feature update, Whatsapp Web