എജിആര്‍ കുടിശിക; വോഡഫോണ്‍ ഐഡിയ തകര്‍ച്ചയുടെ വക്കില്‍, നല്‍കിയത് 2500 കോടി രൂപമാത്രം


എജിആര്‍ കുടിശികയായി ഏറ്റവും കൂടുതല്‍ തുക നല്‍കാനുള്ളത് വോഡഫോണ്‍ ഐഡിയയാണ്.

ജിആര്‍ കുടിശികയിനത്തില്‍ 3500 കോടി രൂപ വെള്ളിയാഴ്ചക്കുള്ളില്‍ രണ്ട് തവണയായി നല്‍കാമെന്നും കമ്പനിക്കെതിരെ നിര്‍ബന്ധിത നടപടികളൊന്നും സര്‍ക്കാര്‍ സ്വീകരിക്കരുതെന്നുമുള്ള വോഡഫോണ്‍ ഐഡിയയുടെ നിര്‍ദേശം സുപ്രീം കോടതി നിരസിച്ചു.

2500 കോടി രൂപ ഇന്ന് നല്‍കി, വരുന്ന വെള്ളിയാഴ്ചയ്ക്കുള്ളില്‍ 1000 കോടി നല്‍കാമെന്നാണ് കമ്പനിയുടെ നിര്‍ദേശം. എജിആര്‍ കുടിശിക വീണ്ടെടുക്കുന്നതിനായി കമ്പനി നിക്ഷേപിച്ച ബാങ്ക് ഗ്യാരന്റി എടുക്കരുതെന്നും വോഡഫോണിന് വേണ്ടി ഹാജരായ അഭിഭാഷകന്‍ മുകുള്‍ രോഹ്തഗി പറഞ്ഞു. ടെലികോം വകുപ്പിന് 53,000 കോടി രൂപ കുടിശ്ശിക വരുത്തിയ കമ്പനിയ്ക്ക് കനത്ത പ്രഹരമേല്‍പ്പിച്ചാണ് ജസ്റ്റിസ് അരുണ്‍ മിശ്ര അധ്യക്ഷനായ ബെഞ്ച് നിര്‍ദേശം നിരസിച്ചത്.

എജിആര്‍ കുടിശികയായി ഏറ്റവും കൂടുതല്‍ തുക നല്‍കാനുള്ളത് വോഡഫോണ്‍ ഐഡിയയാണ്. കമ്പനി നല്‍കിയ ബാങ്ക് ഗാരന്റികള്‍ പണമാക്കാന്‍ സര്‍ക്കാര്‍ തീരുമാനിച്ചാല്‍ കമ്പനി അടച്ചുപൂട്ടേണ്ടി വരും. കോടതി ഇനി വാദം കേള്‍ക്കുന്ന മാര്‍ച്ച് 17 ന് മുമ്പ് ബാങ്ക് ഗാരന്റി പണമാക്കുന്നത് സംബന്ധിച്ച് ടെലികോം വകുപ്പ് നിയമ മന്ത്രാലയത്തോട് അഭിപ്രായമാരാഞ്ഞു.

കോടികള്‍ വരുന്ന ടെലികോം കമ്പനികളുടെ കടബാധ്യത തിരിച്ചെടുക്കുന്നതിന് ജനുവരി 23 വരെയാണ് കോടതി സമയം അനുവദിച്ചിരുന്നത്. എന്നാല്‍ ഈ സമയ പരിധി കഴിഞ്ഞിട്ടും കുടിശിക തിരിച്ചെടുക്കാത്തതിന് ടെലികോം മന്ത്രാലയത്തിനെതിരെ ശക്തമായ വിമര്‍ശനമാണ് ദിവസങ്ങള്‍ക്ക് മുമ്പ് സുപ്രീം കോടതി നടത്തിയത്.

കോടതി നിലപാട് കടുപ്പിച്ചതോടെ ഭാരതി എയര്‍ടെല്‍ കൂടുതല്‍ സമയം ചോദിച്ചിട്ടുണ്ട്. ടാറ്റ സര്‍വീസസ് 2197 കോടി രൂപ നല്‍കി. വോഡഫോണ്‍ 2500 രൂപയും നല്‍കിയിട്ടുണ്ട്.

Content Highlights: vodafone idea agr dues supreme court order

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Gopi Sunder Music Director, Amritha suresh in love? Viral Instagram post

1 min

അനുഭവങ്ങളുടെ കനല്‍വരമ്പു കടന്ന് പുതിയ വഴികളിലേക്ക്; അമൃതയ്‌ക്കൊപ്പം ഗോപി സുന്ദര്‍

May 26, 2022


Representative Image

1 min

നവജാതശിശുവിനെ അമ്മ പ്ലാസ്റ്റിക് കൂടിലാക്കി തോട്ടിലെറിഞ്ഞു; ബന്ധു കണ്ടതിനാല്‍ കുഞ്ഞ് രക്ഷപ്പെട്ടു

May 27, 2022


anu facebook post

5 min

'ഞങ്ങള്‍ക്ക് ഒരു തൂവാല പോലും മേടിച്ചു തരാത്ത ചാച്ചന്‍, 4 കൊല്ലം കഴിഞ്ഞു വേറെ കല്യാണം കഴിച്ചു'

May 25, 2022

Most Commented