Photo: Twitter
ട്വിറ്ററിന്റെ ആപ്ലിക്കേഷന്‍ പ്രോഗ്രാമിങ് ഇന്റര്‍ഫെയ്‌സ് (എപിഐ) സൗജന്യമായി ലഭ്യമാക്കുന്നത് നിര്‍ത്തലാക്കിക്കൊണ്ട് കഴിഞ്ഞയാഴ്ച കമ്പനി തീരുമാനമെടുത്തിരുന്നു. എന്നാല്‍ ഈ തീരുമാനത്തില്‍ ഡെവലപ്പര്‍മാരില്‍ നിന്നുള്ള പ്രതികരണം അറിഞ്ഞതിന് ശേഷം ഒരു ഇളവ് നല്‍കിയിരിക്കുകയാണ് കമ്പനി.
മികച്ച ഉള്ളടക്കങ്ങള്‍ നല്‍കുന്ന ബോട്ടുകള്‍ക്ക് വേണ്ടി റൈറ്റ് ഓണ്‍ലി എപിഐ സൗജന്യമായി ലഭ്യമാക്കുമെന്ന് ട്വിറ്റര്‍ പറഞ്ഞു. അതേസമയം, എന്താണ് ഈ 'നല്ല ഉള്ളടക്കങ്ങള്‍' എന്ന് ട്വിറ്റര്‍ വ്യക്തമാക്കിയില്ല.
ട്വിറ്ററിന്റെ നിയമങ്ങള്‍ ലംഘിച്ചുവെന്നാരോപിച്ചാണ് തേഡ് പാര്‍ട്ടി ഡെവലപ്പര്‍മാര്‍ക്ക് എപിഐ സൗജന്യമായി ലഭ്യമാക്കുന്നത് അവസാനിപ്പിക്കുകയാണെന്ന് ട്വിറ്റര്‍ പ്രഖ്യാപിച്ചത്. ഇതോടെ ട്വിറ്റര്‍ ആപ്ലിക്കേഷനുകള്‍ക്ക് പകരം ഉപയോഗിക്കാനാവുന്നതോ, സമാനമായ സേവനങ്ങള്‍ നല്‍കുന്നതോ ആയവ നിര്‍മിക്കുന്നതിന് എപിഐ ഉപയോഗിക്കാന്‍ സാധിക്കാതെ വന്നു.
എന്നാല്‍ ഇതിനെതിരെ വിവിധ ബോട്ട് നിര്‍മാതാക്കള്‍ രംഗത്തുവരികയായിരുന്നു. ട്വിറ്ററിന്റെ എപിഐ ഉപയോഗിച്ച് ഉപഭോക്താക്കള്‍ക്ക് ഗുണകരമായ ഉള്ളടക്കങ്ങള്‍ എത്തിക്കുന്നതിന് സഹായിച്ച ബോട്ടുകളുടെ നിര്‍മാതാക്കളാണ് പ്രധാനമായും ഈ നീക്കത്തെ വിമര്‍ശിച്ചത്.
എപിഐയ്ക്ക് പണമീടാക്കാന്‍ ആരംഭിക്കുന്നതോടെ ട്വിറ്റര്‍ സേവനങ്ങള്‍ ഓട്ടോമേറ്റ് ചെയ്യുന്ന ബോട്ടുകള്‍ സൗജന്യമായി നല്‍കാന്‍ സാധിക്കാതെ വന്നേക്കും.
ട്വിറ്ററില്‍ നിന്നും പരമാവധി വരുമാന സ്രോതസുകള്‍ കണ്ടെത്താനുള്ള ശ്രമത്തിലാണ് ഇലോണ്‍ മസ്‌ക്. എപിഐയ്ക്ക് പണം ഇടാക്കാനുള്ള നീക്കം ബോട്ട് ഡെവലപ്പര്‍മാരെ മാത്രമല്ല ബാധിക്കുക. എപിഐയ്ക്ക് പ്രതിദിന ഫീസ് നല്‍കാന്‍ സാധിക്കാത്ത സ്റ്റുഡന്റ് ഡെവലപ്പര്‍മാരും വിദ്വേഷ പ്രചാരണം, വ്യാജ വിവര പ്രചാരണം എന്നിവയില്‍ ഗവേഷണം നടത്തുന്നവരും ഉള്‍പ്പടെയുള്ളവരെ ഇത് ബാധിക്കും. അക്കാദമിക രംഗങ്ങളില്‍ നിന്നുള്ളവര്‍ക്ക് ട്വിറ്റര്‍ എപിഐയില്‍ പ്രത്യേക പ്രവേശനം നല്‍കിയിരുന്നു.
അതേസമയം വ്യാജ വാര്‍ത്താ പ്രചാരണത്തിന് ആക്കം കൂട്ടുന്ന ബോട്ടുകളും പ്രവര്‍ത്തിക്കുന്നുണ്ട്. എന്നാല്‍ ഇവയില്‍ പലതും ട്വിറ്ററിന്റെ ഔദ്യോഗിക എപിഐ അല്ല ഉപയോഗിക്കുന്നത് എന്നും ഡെവലപ്പര്‍മാര്‍ ചൂണ്ടിക്കാട്ടുന്നുണ്ട്. അതുകൊണ്ടുതന്നെ സ്പാം ഒഴിവാക്കാനാണ് എപിഐ നിയന്ത്രണം എങ്കില്‍ അത് ഫലപ്രദമാവില്ലെന്ന് ഡെവലപ്പര്‍മാര്‍ ചൂണ്ടിക്കാണിക്കുന്നു.
Content Highlights: twitter, elon musk, twitter bots
ശാസ്ത്ര സാങ്കേതിക വിദ്യാ രംഗത്തെ കൂടുതല്‍ വാര്‍ത്തകള്‍ ടെലഗ്രാം വഴി അറിയാം ഗ്രൂപ്പില്‍ അംഗമാവൂ... ക്ലിക്ക് ചെയ്യൂ: https://t.me/technews_mbi
Also Watch
RELATED STORIES
.jpg?$p=08c24b9&f=1x1&w=100&q=0.8)
IN CASE YOU MISSED IT
.jpg?$p=e1effa9&f=1x1&w=100&q=0.8)
.jpg?$p=1990e2a&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..