ഒരു ട്വീറ്റില്‍ തന്നെ ചിത്രങ്ങളും വീഡിയോകളും ജിഫുകളും പങ്കുവെക്കാവുന്ന ഫീച്ചര്‍ വരുന്നൂ


ചിത്രങ്ങള്‍ക്കൊപ്പം വീഡിയോകളും ജിഫും ഒന്നിച്ച് ഒരേ ട്വീറ്റില്‍ പങ്കുവെക്കാന്‍ സാധിച്ചിരുന്നില്ല. ഈ രീതി മാറ്റാനൊരുങ്ങുകയാണ് ട്വിറ്റര്‍. 

Photo:AFP

കൂടുതല്‍ ഉപഭോക്താക്കളെ ആകര്‍ഷിക്കാനുള്ള ശ്രമത്തിലാണ് ട്വിറ്റര്‍. 280 അക്ഷരങ്ങള്‍ ടൈപ്പ് ചെയ്യാന്‍ അനുവദിക്കുന്നതിന് പുറമെ ജിഫുകളും ചിത്രങ്ങളും വീഡിയോകളും പങ്കുവെക്കാന്‍ ട്വിറ്റര്‍ അനുവദിക്കുന്നുണ്ട്. എന്നാല്‍ ഒരു ട്വീറ്റില്‍ ഒരു വിഭാഗത്തില്‍ പെട്ട ഫയലുകള്‍ മാത്രമേ അനുവദിച്ചിരുന്നുള്ളൂ.

അതായത് നിങ്ങള്‍ ട്വീറ്റില്‍ ചിത്രമാണ് പങ്കുവെക്കുന്നത് എങ്കില്‍ ആ ട്വീറ്റില്‍ ചിത്രങ്ങള്‍ മാത്രമേ പങ്കുവെക്കാനാവൂ. ചിത്രങ്ങള്‍ക്കൊപ്പം വീഡിയോകളും ജിഫും ഒന്നിച്ച് ഒരേ ട്വീറ്റില്‍ പങ്കുവെക്കാന്‍ സാധിച്ചിരുന്നില്ല. ഈ രീതി മാറ്റാനൊരുങ്ങുകയാണ് ട്വിറ്റര്‍.

ചിത്രങ്ങള്‍, വീഡിയോകള്‍, ജിഫ് എന്നിവ ഒരേ ട്വീറ്റില്‍ തന്നെ ഒന്നിച്ച് പങ്കുവെക്കാന്‍ സാധിക്കുന്ന സൗകര്യം അവതരിപ്പിക്കുന്നതിനുള്ള ശ്രമത്തിലാണ് ട്വിറ്റര്‍ എന്ന് ടിപ്പ്സ്റ്ററായ അലെസാന്‍ട്രോ പലുസി (@alex193a) പറയുന്നു.

നിലവില്‍ പരീക്ഷണ ഘട്ടത്തിലാണിത്. ചില ഉപഭോക്താക്കള്‍ക്ക് മാത്രമേ ഈ സൗകര്യം ലഭ്യമാക്കിയിട്ടുള്ളൂ. പരീക്ഷണ ഘട്ടം കഴിഞ്ഞാല്‍ താമസിയാതെ തന്നെ ഒരു അപ്‌ഡേറ്റിലൂടെ ഇത് എല്ലാവരിലും എത്തിയേക്കും.

ഈ സൗകര്യം ലഭിച്ചാലും നാല് മള്‍ട്ടിമീഡിയ ഫയലുകള്‍ മാത്രമേ ഈ രീതിയില്‍ പങ്കുവെക്കാനാവൂ.

ട്വിറ്ററില്‍ ആളുകള്‍ ദൃശ്യാത്മക ആശയവിനിമയങ്ങളില്‍ കൂടുതലായി ഏര്‍പ്പെടുന്നുണ്ട്. ചിത്രങ്ങള്‍,ജിഫുകള്‍, വീഡിയോകള്‍ എന്നിവയെല്ലാം ആശയവിനിമയം ആവേശകരമാക്കാന്‍ അവര്‍ ഉപയോഗിക്കുന്നു. 280 അക്ഷരങ്ങള്‍ക്കപ്പുറം ട്വിറ്ററില്‍ കൂടുതല്‍ ക്രിയാത്മകമായി ആശയങ്ങളും വികാരവും പ്രകടിപ്പിക്കാന്‍ ഈ വ്യത്യസ്ത മീഡിയ ഫോര്‍മാറ്റുകള്‍ ആളുകള്‍ എങ്ങനെ ഒന്നിപ്പിക്കുമെന്നറിയാനാകുമെന്ന് ഈ ടെസ്റ്റിലൂടെ ഞങ്ങള്‍ പ്രതീക്ഷിക്കുന്നു. ട്വിറ്റര്‍ ടെക്ക് ക്രഞ്ചിന് നല്‍കിയ ഒരു പ്രസ്താവനയില്‍ പറഞ്ഞു.

മീഡിയാ ഉള്ളടക്കങ്ങള്‍ പങ്കുവെക്കുന്ന ക്രിയേറ്റര്‍മാര്‍ക്ക് ഈ സൗകര്യം ഏറെ പ്രയോജനകരമാവുമെന്നാണ് പ്രതീക്ഷിക്കുന്നത്. ഇപ്പോഴത്തെ സ്ഥിതിയില്‍ ഒന്നിലധികം ഫോര്‍മാറ്റിലുള്ള മീഡിയാ ഫയലുകള്‍ പങ്കുവെക്കണമെങ്കില്‍ വീഡിയോകള്‍ ഒരു ട്വീറ്റില്‍, ചിത്രങ്ങള്‍ മറ്റൊരു ട്വീറ്റില്‍ എന്നിങ്ങനെ ഒരോന്നും വ്യത്യസ്ത ട്വീറ്റുകളായി പങ്കുവെക്കണം.

Content Highlights: twitter may soon enable adding photos videos and GIFs in single tweet

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
swathi sekhar

1 min

ഭാര്യ കിടപ്പുരോഗി, കാമുകിക്കായി സ്വന്തംവീട്ടില്‍നിന്ന് 550 പവന്‍ മോഷ്ടിച്ചു; വ്യവസായി അറസ്റ്റില്‍

Aug 9, 2022


AKHIL

1 min

വിവാഹിതയായ വീട്ടമ്മ ഒപ്പം വരാത്തതില്‍ പ്രതികാരം, വെട്ടുകത്തിയുമായി വീട്ടിലെത്തി ആക്രമിച്ചു

Aug 10, 2022


higher secondary exam

1 min

ഗുജറാത്ത് കലാപം പാഠപുസ്തകത്തിൽ നിന്ന് ഒഴിവാക്കില്ല; കേന്ദ്രനിർദ്ദേശം കേരളത്തിൽ അതേപടി നടപ്പാക്കില്ല

Aug 10, 2022

Most Commented