Photo: Twitter@tim_cook
ന്യൂയോര്‍ക്ക്: ഐഫോണ്‍ 14 പരമ്പര ഫോണുകള്‍ വാങ്ങാനെത്തിയ ഉപഭോക്താക്കളെ കടയില്‍ നേരിട്ടെത്തി ആശംസിച്ച് ആപ്പിള്‍ മേധാവി ടിം കുക്ക്. ന്യൂയോര്‍ക്കിലെ പ്രശ്‌സ്തമായ ഫിഫ്ത് അവന്യൂ സ്റ്റോറിലാണ് വെള്ളിയാഴ്ച ടിം കുക്ക് സന്ദര്‍ശനം നടത്തിയത്.
പുതിയ റഗ്ഗ്ഡ് ആപ്പിള്‍ വാച്ച് അള്‍ട്രയും ധരിച്ചെത്തിയ ടിം കുക്കിനൊപ്പം ആപ്പിളിന്റെ ആഗോള മാര്‍ക്കറ്റിങ് സീനിയര്‍ വൈസ് പ്രസിഡന്റ് ഗ്രെഗ് ജോസ്‌വൈയ്കും ഉണ്ടായിരുന്നു.
ജീവനക്കാരുമായി സംസാരിച്ചുകൊണ്ടാണ് ടിം കുക്ക് കടയിലേക്ക് പ്രവേശിച്ചത്. ആപ്പിളോ, ടിം കുക്കോ ഈ സന്ദര്‍ശനം മുന്‍കൂട്ടി അറിയിച്ചിരുന്നില്ല.
കോവിഡ് വ്യാപന കാലത്തിന് ശേഷം ആദ്യമായാണ് ടിം കുക്ക് ഫോണ്‍ വില്‍പനയാരംഭിക്കുന്നതിന്റെ ഭാഗമായി നേരിട്ടെത്തുന്നത്. 2019 ല്‍ രണ്ട് വര്‍ഷത്തെ ഇടവേളയ്ക്ക് ശേഷം വീണ്ടും തുറന്ന ഈ കടയില്‍ ഐഫോണ്‍ 11 അവതരിപ്പിക്കുന്നതിനായി ടിം കുക്ക് എത്തിയിരുന്നു.
ലോകത്തെല്ലായിടത്തും ഇന്ത്യയുള്‍പ്പടെ ആദ്യമായി ഐഫോണ്‍ 14 പരമ്പര ഫോണുകള്‍ സ്വന്തമാക്കിയ ആളുകളെ ആപ്പിള്‍ അഭിനന്ദിച്ചുകൊണ്ടിരിക്കുകയാണ്.
പുതിയ ഐഫോണ്‍ 14 പരമ്പരയ്‌ക്കൊപ്പം ആപ്പിള്‍ വാച്ച് സീരീസ് 8 ഉം വാച്ച് എസ്ഇയും വില്‍പനയ്‌ക്കെത്തിയിട്ടുണ്ട്.
Content Highlights: Tim Cook greets first iPhone 14 buyers at iconic NY fifth avenue store
ശാസ്ത്ര സാങ്കേതിക വിദ്യാ രംഗത്തെ കൂടുതല്‍ വാര്‍ത്തകള്‍ ടെലഗ്രാം വഴി അറിയാം ഗ്രൂപ്പില്‍ അംഗമാവൂ... ക്ലിക്ക് ചെയ്യൂ: https://t.me/technews_mbi
Also Watch
RELATED STORIES
IN CASE YOU MISSED IT
.jpg?$p=475b0a5&f=1x1&w=100&q=0.8)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..