ചരക്കുകളുമായി പോയ ഡ്രാഗൺ കാപ്‌സ്യൂൾ ബഹിരാകാശ നിലയവുമായി ബന്ധിപ്പിക്കപ്പെട്ടപ്പോൾ | Photo: NASA
സ്‌പേസ് എക്‌സിന്റെ രണ്ടാമത് ഡ്രാഗണ്‍ സപ്ലൈ കാപ്‌സ്യൂള്‍ വിക്ഷേപിച്ചു. നാസയുടെ കെന്നഡി സ്‌പേസ് സെന്ററില്‍ നിന്ന് ഞായറാഴ്ചയായിരുന്നു വിക്ഷേപണം. തിങ്കളാഴ്ച പേടകം ബഹിരാകാശ നിലയവുമായി ബന്ധിപ്പിക്കപ്പെട്ടു.
അന്താരാഷ്ട്ര ബഹിരാകാശ നിലയത്തിലേക്ക് വിക്ഷേപിക്കുന്ന രണ്ടാമത്തെ ഡ്രാഗണ്‍ കാപ്‌സ്യൂള്‍ ആണിത്. മുമ്പ് നവംബര്‍ 15-ന് നടത്തിയ വിക്ഷേപണത്തില്‍ നാല് ബഹിരാകാശ സഞ്ചാരികളെ നിലയത്തില്‍ എത്തിച്ചിരുന്നു.
അപ്‌ഗ്രേഡ് ചെയ്ത ഡ്രാഗണ്‍ കാപ്‌സ്യൂള്‍ ആണ് ഇത്തവണ സ്‌പേസ് എക്‌സ് വിക്ഷേപിച്ചത്. ശാസ്ത്ര പരീക്ഷണങ്ങള്‍ക്കായുള്ള സാധന സാമഗ്രികള്‍ ഉള്‍പ്പടെ 2903 കിലോ ഗ്രാം ഭാരമുള്ള ചരക്കുകളാണ് ഇത്തവണ പേടകത്തില്‍ അയച്ചത്. പേടകം ആദ്യമായി ഓട്ടോണമസ് ഡോക്കിങ് നടത്തുകയും ചെയ്തു.
ക്രിസ്മസ്‌ ആഘോഷങ്ങള്‍ക്കായി റോസ്റ്റ് ചെയ്ത ടര്‍ക്കി, കോണ്‍ബ്രെഡ് ഡ്രെസിങ്, ക്രാന്‍ബെറി സോസ്, ഷോര്‍ട്ട് ബ്രെഡ് കുക്കീസ്, ഐസിങ് ട്യൂബ്‌സ് പോലുള്ള സാധനങ്ങള്‍ ബഹിരാകാശ നിലയത്തിലെ ഗവേഷകര്‍ക്കായി അയച്ചിട്ടുണ്ട്.
കോവിഡ്-19 മരുന്ന് ഗവേഷണ പരീക്ഷണത്തിനായുള്ള സാമഗ്രികള്‍ ഇത്തവണ അയച്ച ചരക്കുകളില്‍ ഉള്‍പ്പെടുന്നു. ആദ്യമായാണ് ബഹിരാകാശത്ത് വെച്ച് കോവിഡ്-19 പരീക്ഷണം നടത്തുന്നത്.
2012 മുതല്‍ ബഹിരാകാശ നിലയത്തിലേക്കുള്ള ചരക്കുകള്‍ അയക്കുന്നതിന് സ്‌പേസ് എക്‌സ് പങ്കാളിയാണ്. പരിഷ്‌കരിച്ച ഡ്രാഗണ്‍ കാപ്‌സ്യൂള്‍ ഉപയോഗിക്കുന്നു എന്നതാണ് ഇത്തവണത്തെ വിക്ഷേപണത്തിന്റെ പ്രത്യേകത.
പഴയ ഡ്രാഗണ്‍ കാപ്‌സ്യൂള്‍ പതിപ്പുകളില്‍ നിന്ന് വ്യത്യസ്തമായി 50 ശതമാനം അധികം ഭാരം വഹിക്കാന്‍ പുതിയ കാപ്‌സ്യൂളിന് ശേഷിയുണ്ട്. മനുഷ്യ സഹായമില്ലാതെ ബഹിരാകാശ നിലയവുമായി സ്വയം ഡോക്ക് ചെയ്യാനുള്ള ശേഷിയും ഇതിനുണ്ട്.
Content Highlights: space X second gragon capsule launched
Also Watch
RELATED STORIES
IN CASE YOU MISSED IT
.jpg?$p=37b052a&f=1x1&w=100&q=0.8)
.jpg?$p=8a6554b&f=1x1&w=100&q=0.8)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..