.jpg?$p=31e08d7&f=16x10&w=856&q=0.8)
റെഡ്മി നോട്ട് 12 | PHOTO: TWITTER/@91mobiles
സ്മാര്‍ട്ട്‌ഫോണ്‍ പ്രേമികള്‍ ആകാംക്ഷയോടെ കാത്തിരുന്ന റെഡ്മി നോട്ട് 12 സീരിസ് ഉടന്‍ ഇന്ത്യയിലെത്തും. ട്വിറ്റര്‍ പേജിലൂടെ റെഡ്മി ഇന്ത്യയാണ് പ്രഖ്യാപനം നടത്തിയത്. നേരത്തെതന്നെ ചൈനയില്‍ പുറത്തിറക്കിയ ഈ മോഡലിന്റെ ഇന്ത്യയിലെ റിലീസിനായി ഏറെ നാളായി ടെക് ലോകം കാത്തിരിക്കുകയായിരുന്നു.
കൃത്യമായ തീയതി അറിയിച്ചില്ലെങ്കിലും 2023 ന്റെ പകുതിയോടെ റെഡ്മി നോട്ട് 12 വിപണിയിലെത്തുമെന്നാണ് സൂചനകള്‍. ചൈനയില്‍ ഇറങ്ങിയ ഫോണില്‍ നിന്നും ഒട്ടേറെ മാറ്റങ്ങള്‍ ഇന്ത്യന്‍ മോഡലിന് പ്രതീക്ഷിക്കാമെന്നാണ് വിവരങ്ങള്‍. റെഡ്മി നോട്ട് 12, റെഡ്മി നോട്ട് 12 പ്രോ, റെഡ്മി നോട്ട് പ്രോ പ്ലസ് എന്നീ വേരിയന്റുകളാകും ഇന്ത്യയില്‍ പുറത്തിറങ്ങുക.
ചൈനയില്‍ പുറത്തിറങ്ങിയ റെഡ്മി നോട്ട് 12 5ജി യുടെ സവിശേഷതകള്‍
120 ഹെട്‌സ് റീഫ്രെഷ് റേറ്റുള്ള 6.67 ഇഞ്ചിന്റെ ഒഎല്‍ഇഡി ഡിസ്‌പ്ലേ. സ്‌നാപ്ഡ്രാഗണ്‍ പ്രോസസര്‍. എട്ട് മെഗാ പിക്‌സലിന്റെ സെല്‍ഫി ക്യാമറ. 33W ഫാസ്റ്റ് ചാര്‍ജിംഗ് സപ്പോര്‍ട്ടുള്ള 5,000mAh ബാറ്ററിയും പ്രത്യേകതയാണ്. 200 എം.പിയുടെ പ്രൈമറി ക്യാമറ ഫോണിലുണ്ടാകുമെന്നും വിവരങ്ങളുണ്ട്.
റെഡ്മി നോട്ട് 12 പ്ലസിന്റെ 8 ജിബി + 256 ജിബിയും 12ജിബി + 256 ജിബിയും ലഭ്യമാണ്. യഥാക്രമം 25,000 രൂപ, 27,300 രൂപ എന്നിങ്ങനെയാണ് ചൈനയിലെ ഏകദേശ വില. നീല, വെള്ള, കറുപ്പ് നിറങ്ങളില്‍ ഫോണ്‍ ലഭിക്കും. ഇന്ത്യയിലെ വില പ്രഖ്യാപിച്ചിട്ടില്ല.
റെഡ്മി നോട്ട് 12 5ജിയുടെ 4ജിബി + 128ജിബി മോഡലിന്റെ ചൈനയിലെ വില ഏകദേശം 13,600 രൂപയാണ്. റെഡ്മി നോട്ട് 12 5ജിയുടെ 6ജിബി + 128ജിബി മോഡലിന്റെ ചൈനയിലെ വില ഏകദേശം 14,600 രൂപയാണ്. 8ജിബി + 128ജിബി മോഡലിന്റെ ചൈനയിലെ വില ഏകദേശം 17,000 രൂപയാണ്. റെഡ്മി നോട്ട് 12 5ജിയുടെ 8ജിബി + 256ജിബി മോഡലിന്റെ ചൈനയിലെ വില ഏകദേശം 19,300 രൂപയുമാണ്.
റെഡ്മി നോട്ട് 12 പ്രോയുടെ 6ജിബി + 128ജിബി മോഡലിന്റെ ചൈനയിലെ വില ഏകദേശം 19,300 രൂപയാണ്. റെഡ്മി നോട്ട് 12 പ്രോയുടെ 8ജിബി + 128ജിബി മോഡലിന്റെ ചൈനയിലെ വില ഏകദേശം 20,400 രൂപയാണ്. 8ജിബി + 256ജിബി മോഡലിന്റെ ചൈനയിലെ വില ഏകദേശം 22,700 രൂപയാണ്. റെഡ്മി നോട്ട് 12 5ജിയുടെ 12ജിബി + 256ജിബി മോഡലിന്റെ ചൈനയിലെ വില ഏകദേശം 24,900 രൂപയുമാണ്.
Content Highlights: redmi note 12 series will launch in india soon
ശാസ്ത്ര സാങ്കേതിക വിദ്യാ രംഗത്തെ കൂടുതല്‍ വാര്‍ത്തകള്‍ ടെലഗ്രാം വഴി അറിയാം ഗ്രൂപ്പില്‍ അംഗമാവൂ... ക്ലിക്ക് ചെയ്യൂ: https://t.me/technews_mbi
Also Watch
RELATED STORIES
.jpg?$p=74dd70a&f=1x1&w=100&q=0.8)
IN CASE YOU MISSED IT
Premium
.jpg?$p=0040ee1&f=1x1&w=100&q=0.8)
.jpg?$p=4798dc7&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..