48 മണിക്കൂര്‍ സൗജന്യമായി ഉപയോഗിക്കാം; പുതിയ ഓഫറുമായി നെറ്റ്ഫ്‌ളിക്‌സ്


Netflix | Photo: AP

നെറ്റ്ഫ്‌ളിക്‌സ് വീഡിയോകള്‍ സൗജന്യമായി കാണാന്‍ അവസരം. 48 മണിക്കൂര്‍ നേരത്തേക്ക് സൗജന്യമായി വീഡിയോകള്‍ ആസ്വദിക്കാന്‍ ഉപയോക്താക്കള്‍ക്ക് അവസരം ഒരുക്കുകയാണ് നെറ്റ്ഫ്‌ളിക്‌സ്. സ്ട്രീംഫെസ്റ്റ് എന്ന പേരില്‍ പ്രൊമോഷണല്‍ ഓഫര്‍ എന്ന നിലയിലാണ് ഈ വാഗ്ദാനം. ഡിസംബര്‍ നാല് മുതലാണ് ഓഫര്‍ ലഭിക്കുക.

ഡിസംബര്‍ നാലിന് ശേഷം എപ്പോള്‍ വേണമെങ്കിലും 48 മണിക്കൂര്‍ സൗജന്യസമയം ഉപയോഗപ്പെടുത്താം.

നേരത്തെ 30 ദിവസത്തെ ഫ്രീ ട്രയല്‍ എന്ന പേരില്‍ നെറ്റ്ഫ്‌ളിക്‌സ് ഓഫര്‍ നല്‍കിയിരുന്നു. എന്നാല്‍. ഇപ്പോഴുള്ള ഓഫര്‍ അതുപോലെ അല്ല. 48 മണിക്കൂര്‍ വീഡിയോകള്‍ കാണാന്‍ ഉപയോക്താക്കള്‍ക്ക് രജിസ്‌ട്രേഷനില്ലാതെയും പണം ഇല്ലാതെയും സാധിക്കും. മാത്രവുമല്ല, രണ്ട് ദിവസത്തെ ഉപയോഗം കഴിഞ്ഞാല്‍ നെറ്റ്ഫ്‌ളിക്‌സ് നിങ്ങളില്‍നിന്ന് പണം ഈടാക്കില്ല.

ഇന്ത്യന്‍ ഉപയോക്താക്കള്‍ക്കിടയില്‍ സ്വീകാര്യത ലഭിക്കാന്‍ നെറ്റ്ഫ്‌ളിക്‌സ് നടത്തുന്ന പരീക്ഷണങ്ങളില്‍ ഒന്നാണ് 48 മണിക്കൂര്‍ നേരത്തെ ഈ ഓഫര്‍. നേരത്തെ ഇന്ത്യന്‍ ഉപയോക്താക്കള്ക്ക് വേണ്ടി മൊബൈലില്‍ മാത്രം ലഭ്യമായ കുറഞ്ഞ ചിലവിലുള്ള പ്ലാന്‍ അവതരിപ്പിച്ചിരുന്നു. 199 രൂപയിലാണ് നെറ്റ്ഫ്‌ളിക്‌സിന്റെ പ്ലാനുകള്‍ ആരംഭിക്കുന്നത്.

48 മണിക്കൂര്‍ നേരത്തെ സ്ട്രീം ഫെസ്റ്റ് ഓഫര്‍ ഇന്ത്യയില്‍ വിജയകരമായാല്‍ മറ്റ് വിപണികളിലേക്കും അത് അവതരിപ്പിക്കും.

നേരത്തെ ഉണ്ടായിരുന്ന ഒരു മാസത്തെ സൗജന്യ ട്രയല്‍ ഓഫര്‍ നെറ്റ്ഫ്‌ളിക്‌സ് പിന്‍വലിച്ചിട്ടുണ്ട്. നെറ്റ്ഫ്‌ളിക്‌സില്‍ വരിക്കാരാകാന്‍ ആഗ്രഹിക്കുന്നവര്‍ക്ക് ഒരുമാസത്തേക്ക് സൗജന്യമായി ഉപയോഗിക്കാന്‍ അവസരം നല്‍കുകയാണ് ഇതില്‍ ചെയ്തിരുന്നത്. ഇതിന് രജിസ്റ്റര്‍ ചെയ്ത് പേമെന്റ് വിവരങ്ങള്‍ നല്‍കേണ്ടതുണ്ട്. ഒരു മാസത്തെ സൗജന്യ സമയം കഴിഞ്ഞാല്‍ അടുത്ത മാസം തൊട്ട് നെറ്റ് ഫ്‌ളിക്‌സ് പണം ഇടാക്കും. എന്നാല്‍, ഒരുമാസം പൂര്‍ത്തിയാവുന്നതിന് മുമ്പ് സബ്‌സ്‌ക്രിപ്ഷന്‍ പിന്‍വലിക്കാനും അവസരം നല്‍കിയിരുന്നു.

Content Highlights: netflix is free for two days from december 4

ശാസ്ത്ര സാങ്കേതിക വിദ്യാ രംഗത്തെ കൂടുതല്‍ വാര്‍ത്തകള്‍ ടെലഗ്രാം വഴി അറിയാം ഗ്രൂപ്പില്‍ അംഗമാവൂ... ക്ലിക്ക് ചെയ്യൂ: https://t.me/technews_mbi


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Joe Biden

01:00

ബൈഡന് എന്തുപറ്റി ? വൈറലായി വീഡിയോകൾ

Oct 1, 2022


05:02

ഭാര്യയുമായി പിണങ്ങി താമസിച്ച 65-കാരന്‍ മരിച്ചു; തെളിഞ്ഞത് ദാരുണമായ കൊലപാതകം

Sep 30, 2022


Kodiyeri Balakrishnan

2 min

കോടിയേരി ബാലകൃഷ്ണന്‍  അന്തരിച്ചു

Oct 1, 2022

Most Commented