വന്‍ സെറ്റപ്പായി ബഹിരാകാശ നിലയം, ഗവേഷകര്‍ക്ക് വിര്‍ച്വല്‍ റിയാലിറ്റി ഗ്ലാസുകളെത്തിച്ച് നാസ


അന്താരാഷ്ട്ര ബഹിരാകാശ നിലയത്തിലെ അറ്റകുറ്റപ്പണികള്‍ക്കായി എആര്‍ സാങ്കേതിക വിദ്യ പ്രയോജനപ്പെടുത്താനാണ് നാസയുടെ ശ്രമം

Photo: NASA

വികസിച്ചുകൊണ്ടിരിക്കുന്നൊരു സാങ്കേതിക വിദ്യയാണ് ഓഗ്മെന്റഡ് റിയാലിറ്റി. ഈ സാങ്കേതിക വിദ്യ ഇനിയും അതിന്റെ പൂര്‍ണതയില്‍ എത്തിയിട്ടില്ലെങ്കിലും മുന്നേറിക്കൊണ്ടിരിക്കുകയാണ്. ഇപ്പോഴിതാ ബഹിരാകാശത്തും ഓഗ്മെന്റഡ് റിയാലിറ്റി സാധ്യതകള്‍ പരീക്ഷിക്കുകയാണ് സാങ്കേതികരംഗം.

അന്താരാഷ്ട്ര ബഹിരാകാശ നിലയത്തിലെ അറ്റകുറ്റപ്പണികള്‍ക്കും പരിപാലനത്തിനുമായി എആര്‍ സാങ്കേതിക വിദ്യ പ്രയോജനപ്പെടുത്താനാണ് നാസയുടെ ശ്രമം. ഇതുവഴി ബഹിരാകാശഗവേഷകര്‍ക്ക് ഗ്രൗണ്ട് കണ്‍ട്രോളുമായി നിരന്തരം ബന്ധപ്പെടേണ്ടി വരുന്നത് ഒഴിവാക്കാമെന്നും തങ്ങളുടെ ജോലിയില്‍ ശ്രദ്ധിക്കാനാവുമെന്നും നാസ പറയുന്നു.

ഈ രീതിയിലുള്ള സാങ്കേതിക വിദ്യകളുടെ പ്രയോജനം ഏറെയാണ്. പ്രത്യേകിച്ചും ബഹിരാകാശ യാത്രകളില്‍ അറ്റകുറ്റപ്പണികളും പരിപാലനവും ഒഴിച്ചുകൂടാനാവത്തതാണ്. പരിമിതമായ വിഭവങ്ങളുടെ പിന്തുണയിലാണ് ബഹിരാകാശ നിലയത്തില്‍ യാത്രികര്‍ കഴിയുന്നത്. അതുകൊണ്ടുതന്നെ നിലയത്തിന്റെ പ്രവര്‍ത്തനം നിലയ്ക്കാതെ നോക്കേണ്ടതുണ്ട്. നിരന്തര അറ്റകുറ്റപ്പണികള്‍ അനിവാര്യമാണ്.

Nasa
നാസയുടെ ടി2 ഓഗ്മെന്റഡ് റിയാലിറ്റി പ്രൊജക്ടിന്റെഭാഗമായി ബഹിരാകാശ നിലയത്തിലെ ഗവേഷകര്‍ക്കെല്ലാം എആര്‍ ഗ്ലാസുകള്‍ നല്‍കും. ഈ ഗ്ലാസിലൂടെയാണ് ഇവര്‍ക്ക് വേണ്ട മാര്‍ഗനിര്‍ദേശങ്ങള്‍ നല്‍കുക. ചെയ്യേണ്ട ജോലികളുടെ ക്രമവും, ബ്ലൂ പ്രിന്റുകളും ഈ ഗ്ലാസുകളിലൂടെ ബഹിരാകാശ ഗവേഷകര്‍ക്ക് കാണാം.

ഇതുവഴി ഗ്രൗണ്ട് കണ്‍ട്രോളുമായി ആശയവിനിമയം നടത്താതെ ഈ പരിപാലന ജോലികളില്‍ ഏര്‍പ്പെടുമ്പോള്‍ ബഹിരാകാശ സഞ്ചാരികള്‍ക്ക് തീരുമാനങ്ങള്‍ എടുക്കുന്നത് എളുപ്പമാവും.

ഇന്ന് നമ്മള്‍ സാധാരണമായി ഉപയോഗിക്കുന്ന പല സാങ്കേതിക വിദ്യകളും ആദ്യമായി പ്രയോഗിക്കപ്പെടുന്ന ഇടമാണ് ബഹിരാകാശനിലയം. ഓഗ്മെന്റഡ് റിയാലിറ്റി വെര്‍ച്വല്‍ റിയാലിറ്റി സാധ്യതകള്‍ കൂടുതല്‍ പ്രയോജനപ്പെടുത്താനുള്ള പദ്ധതികളിലാണ് നാസ.

ശാസ്ത്ര സാങ്കേതിക വിദ്യാ രംഗത്തെ കൂടുതല്‍ വാര്‍ത്തകള്‍ ടെലഗ്രാം വഴി അറിയാം ഗ്രൂപ്പില്‍ അംഗമാവൂ... ക്ലിക്ക് ചെയ്യൂ: https://t.me/technews_mbi


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

'ഷർട്ട് വാങ്ങാൻ 1500 രൂപ കൊടുത്തു, ലോണടയ്ക്കാൻ 1000 തിരികെ തന്നു'

Oct 6, 2022


anas

2 min

പോയത് നാലുകോടി രൂപ; ജീവിതം അവസാനിപ്പിക്കുമെന്ന് പറഞ്ഞ് മുഖ്യമന്ത്രിക്ക് കത്തയച്ച് സംരംഭകന്‍

Oct 7, 2022


06:50

വിമാനലോകത്തിലെ ഭീമന്‍, എയര്‍ബസ് A 380 സീരീസിന്  മരണമണി മുഴങ്ങുന്നു

Oct 6, 2022

Most Commented