.jpg?$p=c0dff4c&f=16x10&w=852&q=0.8)
പ്രതീകാത്മ ചിത്രം | photo: afp,canva
ഫെയ്‌സ്ബുക്ക്, ഇന്‍സ്റ്റഗ്രാം, വാട്‌സാപ്പ് തുടങ്ങിയ സാമൂഹികമാധ്യമങ്ങളുടെ മാതൃകമ്പനിയായ മെറ്റ ഈയടുത്ത് നിരവധി ജീവനക്കാരെ പിരിച്ചുവിട്ടിരുന്നു. വരുമാനത്തിലെ ഇടിവും ഡിജിറ്റല്‍ വ്യവസായമേഖലയില്‍ വര്‍ധിച്ചുവരുന്ന വെല്ലുവിളികളുമാണ് തീരുമാനത്തിനു കാരണമെന്നാണ് സി.ഇ.ഒ. മാര്‍ക്ക് സക്കര്‍ബര്‍ഗ് അറിയിച്ചത്.
11,000 ജീവനക്കാരെയാണ് ഫെയ്‌സ്ബുക്കിന്റെ പിരിച്ചുവിടല്‍ തീരുമാനം ബാധിച്ചത്. ഇപ്പോഴിതാ കൂട്ടപ്പിരിച്ചുവിടലിന് വിധേയരായവരുടെ കൂട്ടത്തിലുള്ള ഷെല്ലി കാലിഷ് എന്ന യുവതിയുടെ പ്രതികരണം ശ്രദ്ധ നേടുകയാണ്. ജോലി നഷ്ടമാകുന്നത് പ്രയാസകരമാണെന്നും എന്നാല്‍ തന്റെ മകളുടെ പ്രതികരണം മറ്റൊരു രീതിയില്‍ ചിന്തിക്കാന്‍ പ്രേരിപ്പിച്ചുവെന്ന് ഷെല്ലി പറഞ്ഞു.
തന്റെ ജോലി നഷ്ടമായതില്‍ ആറുവയസുകാരിയായ മകള്‍ അതീവ സന്തോഷവതിയായിരുന്നുവെന്ന് ഷെല്ലി പറഞ്ഞു. അമ്മയ്ക്ക് ജോലിക്ക് പോകേണ്ടാത്തതിനാല്‍ ഒരുപാട് സമയം ഒരുമിച്ച് കഴിയാനാകും എന്നതാണ് ആറുവയസുകാരിയെ സന്തോഷിപ്പിച്ചത്.
'വെളുപ്പിനെ ആറരയ്ക്ക് ഞാന്‍ വേഗം മെയില്‍ നോക്കി. ഒരു നീണ്ട മെയിലായിരുന്നു വന്നത്. ആദ്യത്തെ കുറച്ച് വരികള്‍ക്കപ്പുറം വായിക്കാന്‍ എനിക്ക് സാധിച്ചില്ല. കാരണം അപ്പോഴേക്കും പിരിച്ചുവിടുന്നവരില്‍ ഞാനുമുണ്ടെന്ന് മനസിലായി. പെട്ടെന്ന് ഭര്‍ത്താവിനെ വിളിച്ചു. അദ്ദേഹവും മക്കളും വന്ന് എന്നെ കെട്ടിപ്പിടിച്ചു. ജോലി നഷ്ടമായ കാര്യം മകളോട് പറഞ്ഞപ്പോള്‍ അവള്‍ക്ക് സന്തോഷമായി. ഇനി അമ്മയ്ക്ക് എന്നോടൊപ്പം കൂടുതല്‍ സമയം ചെലവിടാമല്ലോയെന്ന് മകള്‍ പറഞ്ഞു. മകളുടെ പ്രതികരണം എന്നെ മറ്റൊരു തരത്തില്‍ ചിന്തിക്കാന്‍ പ്രേരിപ്പിച്ചു', ഷെല്ലി പറഞ്ഞു.
അതേസമയം, മെറ്റയിലെ ഭൂരിഭാഗം ജീവനക്കാര്‍ക്കും ജോലി നഷ്ടമായതിന്റെ കാരണം വ്യക്തമല്ല. മെറ്റയുള്‍പ്പടെയുള്ള ടെക് ഭീമന്മാര്‍ ജീവനക്കാരെ വെട്ടിക്കുറക്കുകയാണ്. കോവിഡ് സമയത്ത് ആളുകള്‍ വീട്ടില്‍ അടച്ചിരുന്നതിനാല്‍ സാമൂഹിക മാധ്യമങ്ങളുടെ ഉപയോഗം വര്‍ധിക്കുകയും വരുമാനം കുത്തനെ കൂടുകയും ചെയ്തിരുന്നു. എന്നാല്‍, അടച്ചിടലിനുശേഷം ആളുകള്‍ മറ്റുകാര്യങ്ങളില്‍ ഏര്‍പ്പെടാന്‍ തുടങ്ങിയതോടെ വരുമാനം കുറഞ്ഞു. ആപ്പിള്‍ പോലെയുള്ള കമ്പനികളുടെ കര്‍ക്കശമായ സ്വകാര്യതാ നയങ്ങളും തിരിച്ചടിയായി. ഉപയോക്താക്കളുടെ സമ്മതമില്ലാതെ വിവരങ്ങള്‍ ശേഖരിച്ച് പരസ്യവിതരണം നടത്താനുള്ള സാമൂഹികമാധ്യമങ്ങളുടെ ശേഷിയെ ഇത് ബാധിച്ചു. ഇതൊക്കെയാണ് പിരിച്ചുവിടലിന് കാരണമായി മെറ്റ ഉള്‍പ്പടെയുള്ള സ്ഥാപനങ്ങള്‍ ചൂണ്ടിക്കാട്ടുന്നത്.
Content Highlights: mother lost her job at Meta and six year old daughter was happy
ശാസ്ത്ര സാങ്കേതിക വിദ്യാ രംഗത്തെ കൂടുതല്‍ വാര്‍ത്തകള്‍ ടെലഗ്രാം വഴി അറിയാം ഗ്രൂപ്പില്‍ അംഗമാവൂ... ക്ലിക്ക് ചെയ്യൂ: https://t.me/technews_mbi
Also Watch
RELATED STORIES
.jpg?$p=6df998d&f=1x1&w=100&q=0.8)
IN CASE YOU MISSED IT
Premium
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..