വാവേയുടെ 5ജി ഉപകരണങ്ങള്‍ സ്ഥാപിക്കുന്നതിന് നിരോധനമേര്‍പ്പെടുത്തി യു.കെ.


നേരത്തെ എടുത്ത തീരുമാനമനുസരിച്ച് യുകെയിലെ ടെലികോം കമ്പനികള്‍ക്ക് വാവേയുടെ ഉപകരണങ്ങള്‍ 2021 സെപ്റ്റംബര്‍ മുതല്‍ സ്ഥാപിക്കാന്‍ സാധിക്കില്ല.

Huawei , Photo| AP

ചൈനീസ് ടെലികോം കമ്പനിയായ വാവേയ്ക്ക് അടുത്തവര്‍ഷം സെപ്റ്റംബര്‍ മുതല്‍ ബ്രിട്ടനില്‍ 5ജി ഉപകരണങ്ങള്‍ സ്ഥാപിക്കാന്‍ സാധിക്കില്ല. ഇക്കാര്യം യു.കെ. സര്‍ക്കാര്‍ ഔദ്യോഗികമായി പ്രഖ്യാപിച്ചു. തീരുമാനമനുസരിച്ച് യു.കെയിലെ ടെലികോം കമ്പനികള്‍ക്ക് വാവേയുടെ ഉപകരണങ്ങള്‍ 2021 സെപ്റ്റംബര്‍ മുതല്‍ സ്ഥാപിക്കാന്‍ സാധിക്കില്ല.

വാവേ ഉള്‍പ്പടെയുള്ള ചില കമ്പനികളെ രാജ്യത്തിന് ഭീഷണി ഉയര്‍ത്തുന്ന സ്ഥാപനങ്ങളുടെ ഗണത്തിലാണ് ഇപ്പോള്‍ യു.കെ. ഉള്‍പ്പെടുത്തിയിരിക്കുന്നത്. നേരത്തെ രാജ്യത്തെ 5ജി വിന്യാസത്തിന് വാവേയ്ക്ക് യുകെ അനുമതി നല്‍കിയിരുന്നു. എന്നാല്‍, അമേരിക്ക വാവേയ്ക്ക് നിരോധനം ഏര്‍പ്പെടുത്തിയതിന് പിന്നാലെ യു.കെ. മുന്‍നിലപാടില്‍നിന്ന് പിന്നോട്ട് പോയി.

ഇതോടെ യു.കെയിലെ 5ജി വിന്യാസത്തിന് വലിയ പങ്കുവഹിച്ച വാവേയെ പൂര്‍ണമായും ഒഴിവാക്കാന്‍ രാജ്യം തീരുമാനിക്കുകയായിരുന്നു. വാവെ ഉള്‍പ്പടെയുള്ള കമ്പനികള്‍ യു.കെയില്‍ സ്ഥാപിച്ച ഉപകരണങ്ങള്‍ 2027-ഓടെ പൂര്‍ണമായി ഒഴിവാക്കാനാണ് യു.കെയുടെ പ്ലാന്‍. ഇതിന് കൃത്യമായ സമയ ക്രമവും യു.കെ. സര്‍ക്കാര്‍ തയ്യാറാക്കിയിട്ടുണ്ട്.

അടുത്തവര്‍ഷം മുതല്‍ വാവേയില്‍നിന്ന് പുതിയ ഉപകരണങ്ങള്‍ വാങ്ങുന്നതിന് ജൂലായില്‍ യു.കെ. നിരോധനം പ്രഖ്യാപിച്ചിരുന്നു. ഇതിനകം 5ജി സേവനം നല്‍കുന്നതിനായി വാവെയുടെ ഉപകരണങ്ങള്‍ വാങ്ങി സ്ഥാപിച്ചിട്ടുള്ള ടെലികോം സേവനദാതാക്കള്‍ക്ക് അവ നീക്കം ചെയ്യാന്‍ ഏഴ് വര്‍ഷമാണ് സമയം നല്‍കിയിരിക്കുന്നത്. ഇതിന് 20 കോടി പൗണ്ട് (1974 കോടിയിലധികം രൂപ) ചെലവ്‌ വരും.

അമേരിക്കന്‍ നിരോധനത്തിലെ കര്‍ശന വ്യവസ്ഥകളെ തുടര്‍ന്ന് അമേരിക്കയിലും അമേരിക്കയ്ക്ക് പുറത്തും പ്രവര്‍ത്തിക്കാന്‍ സാധിക്കാതെ വന്നതോടെ നഷ്ടത്തിലായ കമ്പനി തങ്ങളുടെ ഓണര്‍ സ്മാര്‍ട്‌ഫോണ്‍ വ്യവസായം ഷെന്‍സെന്‍ ഷിക്‌സിന്‍ എന്ന ചൈനീസ് കമ്പനിക്ക് വില്‍ക്കുന്നതുവരെ കാര്യങ്ങള്‍ എത്തിനില്‍ക്കുകയാണ്.

Content Highlights: huawei banned installation of Huawei 5G telecom equipment

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Nupur Sharma

1 min

ഉത്തരവാദി നിങ്ങളാണ്, രാജ്യത്തോട് മാപ്പ് പറയണം: നൂപുര്‍ ശര്‍മയോട് സുപ്രീംകോടതി

Jul 1, 2022


veena vijayan

2 min

പിണറായിയുടെ മകളായിപ്പോയെന്ന ഒറ്റകാരണത്താല്‍ വേട്ടയാടപ്പെടുന്ന സ്ത്രീ; പിന്തുണച്ച് ആര്യ രാജേന്ദ്രന്‍

Jun 30, 2022


Rahul Dravid jumps with delight as Rishabh Pant scored hundred

1 min

ഋഷഭ് പന്തിന്റെ സെഞ്ചുറിയില്‍ സന്തോഷത്താല്‍ മതിമറന്ന് ദ്രാവിഡ്; ദൃശ്യങ്ങള്‍ വൈറല്‍

Jul 1, 2022

Most Commented