ഫോണിലെ ചിത്രങ്ങള്‍ എങ്ങനെ നഷ്ടപ്പെടാതെ നോക്കാം?; ഐഫോണിലും, ആന്‍ഡ്രോയിഡിലും ചെയ്യേണ്ടത്


നീക്കം ചെയ്യപ്പെട്ടവ തിരിച്ചെടുക്കാന്‍ പ്രയാസമാണ്. ഫോണിലെ ഡാറ്റ എപ്പോള്‍ വേണമെങ്കിലും, ഏത് വിധേനയും നഷ്ടപ്പെടാം എന്ന ബോധ്യം നമുക്കുണ്ടാവേണ്ടതുണ്ട്.

Photos: Google Photos, ICloud

ഫോണില്‍ സൂക്ഷിച്ചുവെച്ച ചിത്രങ്ങള്‍ അബദ്ധത്തില്‍ ഡിലീറ്റ് ചെയ്യപ്പെട്ടുപോവുന്നത് വലിയ നിരാശയുണ്ടാക്കുന്ന കാര്യമാണ്. നല്ല ഓര്‍മകള്‍ നല്‍കുന്നവയായിരിക്കാം ആ ചിത്രങ്ങളും വീഡിയോകളും. അത് മറ്റാര്‍ക്കെങ്കിലും അയച്ചുകൊടുക്കുകയോ മറ്റെവിടെയെങ്കിലും ശേഖരിച്ചുവെക്കുകയോ ചെയ്തിട്ടില്ലെങ്കില്‍ കനത്ത നഷ്ടം തന്നെ.

അടുത്തിടെ ബംഗാളി നടിയും രാഷ്ട്രീയപ്രവര്‍ത്തകയുമായ മിമി ചക്രവര്‍ത്തിയ്ക്കും ഇതേ അനുഭവം ഉണ്ടായി. 7000 ചിത്രങ്ങളും 500 വീഡിയോകളും ഗാലറിയില്‍ നിന്നും ഡിലീറ്റ് ചെയ്യപ്പെട്ട നിരാശ അവര്‍ ട്വിറ്ററില്‍ പങ്കുവെച്ചു.

നീക്കം ചെയ്യപ്പെട്ടവ തിരിച്ചെടുക്കാന്‍ പ്രയാസമാണ്. ഫോണിലെ ഡാറ്റ എപ്പോള്‍ വേണമെങ്കിലും, ഏത് വിധേനയും നഷ്ടപ്പെടാം എന്ന ബോധ്യം നമുക്കുണ്ടാവേണ്ടതുണ്ട്. ആ തിരിച്ചറിവില്‍ ചില മുന്നൊരുക്കങ്ങള്‍ ചെയ്യാന്‍ ശ്രമിക്കുക.

ഐഫോണുകളിലെ ഐക്ലൗഡ്, ആന്‍ഡ്രോയിഡ് ഫോണുകളിലെ ഗൂഗിള്‍ ഫോട്ടോസ്, വിവിധ ഫോണ്‍ നിര്‍മാതാക്കള്‍ സ്വന്തം നിലയില്‍ വാഗ്ദാനം ചെയ്യുന്ന സൗജന്യ ക്ലൗഡ് സ്റ്റോറേജ് സൗകര്യങ്ങള്‍ എന്നിവ ഇതിനായി പ്രയോജനപ്പെടുത്താം

ആപ്പിള്‍ ഐ ക്ലൗഡ് എങ്ങനെ ഉപയോഗിക്കാം

ഐഫോണില്‍ നിന്ന് ആപ്പിള്‍ ഐഡി ലോഗിന്‍ ചെയ്യുക. സെറ്റിങ്‌സില്‍ ഫോട്ടോസ് ഓപ്ഷന്‍ തിരഞ്ഞെടുത്ത് അതില്‍ ഐക്ലൗഡ് ഫോട്ടോസ് ഓണ്‍ ചെയ്തുവെക്കുക.

ഇതുവഴി നിങ്ങളുടെ ഐഫോണിലെ എല്ലാ മീഡിയാ ഫയലുകളും ഐക്ലൗഡിലേക്ക് ബാക്ക് അപ്പ് ചെയ്യപ്പെടും. മാത്രവുമല്ല ഇതേ ആപ്പിള്‍ ഐഡിയില്‍ ലോഗിന്‍ ചെയ്താല്‍ ഏത് ആപ്പിള്‍ ഉപകരണത്തില്‍ നിന്നും ഈ ചിത്രങ്ങളും വീഡിയോകളും കാണാന്‍ സാധിക്കും. 5ജിബി സൗജന്യ സ്‌റ്റോറേജാണ് ഐക്ലൗഡില്‍ ലഭിക്കുക.

ഗൂഗിള്‍ ഫോട്ടോസ് ബാക്ക് അപ്പ് എങ്ങനെ ചെയ്യാം?

ആദ്യം പ്ലേസ്‌റ്റോറില്‍ നിന്ന് ഗൂഗിള്‍ ഫോട്ടോസ് ഇന്‍സ്റ്റാള്‍ ചെയ്യുക. ആപ്പ് തുറന്ന് ഗൂഗിള്‍ ഐഡി ലോഗിന്‍ ചെയ്യുക.

ശേഷം പ്രൊഫൈല്‍ ചിത്രത്തില്‍ ക്ലിക്ക് ചെയ്ത് ബാക്ക് അപ്പ് ആന്റ് സിങ്ക് ഓണ്‍ ചെയ്യുക.

ക്ലൗഡ് സ്‌റ്റോറേജിലേക്ക് ഗാലറി ബാക്ക് അപ്പ് ചെയ്താല്‍ നിങ്ങളുടെ ഡാറ്റ ഒരുതരത്തില്‍ സുരക്ഷിതമാണ്. ഫോണ്‍ നഷ്ടപ്പെട്ടാലും കേടുവന്നാലും ഫോട്ടോകളും വീഡിയോകളും നഷ്ടപ്പെടുന്നില്ല. 15 ജിബി സ്‌റ്റോറേജാണ് ഗൂഗിള്‍ ഫോട്ടോസ് നല്‍കുന്നത്.

അപ്പോഴും അബദ്ധത്തില്‍ ഗാലറി ഡിലീറ്റ് ചെയ്താല്‍ ഗൂഗിള്‍ ഫോട്ടോസില്‍ നിന്നും ഐക്ലൗഡില്‍ നിന്നും ചിത്രങ്ങള്‍ നീക്കം ചെയ്യപ്പെടും. എന്നാല്‍ ഈ രണ്ട് സേവനങ്ങളിലും ഡീലീറ്റ് ചെയ്ത ഫയലുകള്‍ കുറച്ചുനാള്‍ കൂടി സൂക്ഷിക്കും. ഐക്ലൗഡില്‍ 30 ദിവസവും, ഗൂഗിള്‍ ഫോട്ടോസില്‍ 60 ദിവസവും ഡിലീറ്റ് ചെയ്ത ഫയലുകള്‍ സൂക്ഷിക്കപ്പെടും.

ഐ ക്ലൗഡില്‍ 'റീസന്റ്‌ലി ഡിലീറ്റഡ്' എന്ന സെക്ഷനില്‍ നിങ്ങള്‍ റിക്കവര്‍ ചെയ്യേണ്ട ഫയലുകള്‍ കാണാം.

ഗൂഗിള്‍ ഫോട്ടോസില്‍ ലൈബ്രറി ബട്ടന്‍ തിരഞ്ഞെടുത്താല്‍ 'ട്രാഷ്' സെക്ഷന്‍ കാണാം അതില്‍ നിന്നും ചിത്രങ്ങള്‍ തിരിച്ചെടുക്കാം. ഗൂഗിള്‍ ഫോട്ടോസിലെ ട്രാഷില്‍ 1.5 ജിബി ഡാറ്റ മാത്രമേ സൂക്ഷിക്കുകയുള്ളൂ.

Content Highlights: How to recover deleted photos, Photos back up, How to Back up data to cloud, Google photos, ICloud

ശാസ്ത്ര സാങ്കേതിക വിദ്യാ രംഗത്തെ കൂടുതല്‍ വാര്‍ത്തകള്‍ ടെലഗ്രാം വഴി അറിയാം ഗ്രൂപ്പില്‍ അംഗമാവൂ... ക്ലിക്ക് ചെയ്യൂ: https://t.me/technews_mbi


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
wedding

2 min

വധു ഒഴികെ ആരും ക്യാമറ കണ്ടില്ല; ആ ക്ലിക്കിന് കിട്ടിയത് രണ്ടു ലക്ഷം രൂപ സമ്മാനം

Sep 25, 2022


Police

1 min

വീട്ടിൽനിന്ന്‌ രഹസ്യ ഗോവണി, ബംഗ്ലാവില്‍ ആര്‍ഭാടജീവിതം; മുപ്പതിലധികം കവർച്ചക്കേസുകളിലെ പ്രതി കുടുങ്ങി

Sep 25, 2022


രണ്ടരവർഷത്തെ കാത്തിരിപ്പ്; പിണക്കം മറന്ന് മടങ്ങിയെത്തിയ ഓമനപ്പൂച്ചയെ വാരിപ്പുണർന്ന് ഉടമകൾ

Sep 25, 2022

Most Commented