ഗൂഗിള്‍ മീറ്റിലെ കൂടിക്കാഴ്ചകള്‍ ഇനി നേരിട്ട് യൂട്യൂബില്‍ സ്ട്രീം ചെയ്യാം


വീഡിയോ കോളുകള്‍ക്ക് വേണ്ടിയുള്ള സേവനമാണ് ഗൂഗിള്‍ മീറ്റ്. ഔദ്യോഗിക ആവശ്യങ്ങള്‍ക്ക് വേണ്ടി തയ്യാറാക്കിയത്.

Photo: Gettyimages

ജോലിസ്ഥലങ്ങളില്‍ വീഡിയോ കോളുകള്‍ക്ക് പ്രാധാന്യം ലഭിച്ചത് കോവിഡ് വ്യാപനത്തെ തുടര്‍ന്നുള്ള ലോക്ക്ഡൗണ്‍ ലോകവ്യാപകമായപ്പോഴാണ്. ഇന്ന് പക്ഷെ അതിന്റെ തുടര്‍ച്ചയെന്നോണം റിമോട്ട് ജോലിയും വീഡിയോ കോണ്‍ഫറന്‍സിങുമെല്ലാം ഓഫീസുകളിലെ സ്ഥിരം സമ്പ്രദായങ്ങളായി മാറിയിരിക്കുന്നു.

വീഡിയോ കോളുകള്‍ക്ക് വേണ്ടിയുള്ള സേവനമാണ് ഗൂഗിള്‍ മീറ്റ്. ഔദ്യോഗിക ആവശ്യങ്ങള്‍ക്ക് വേണ്ടി തയ്യാറാക്കിയത്. ഇപ്പോഴിതാ ഗൂഗിള്‍ മീറ്റ് വഴി നടക്കുന്ന ഔദ്യോഗിക പരിപാടികള്‍ യൂട്യൂബില്‍ എളുപ്പം ലൈവ് സ്ട്രീം ചെയ്യാന്‍ സാധിക്കുന്ന പുതിയ ഫീച്ചര്‍ അവതരിപ്പിച്ചിരിക്കുകയാണ് കമ്പനി.

ഗൂഗിള്‍ മീറ്റ് ലൈവ് സ്ട്രീം ചെയ്യാന്‍ നേരത്തെയുണ്ടായിരുന്ന സങ്കീര്‍ണമായ നടപടിക്രമങ്ങള്‍ ഇതിലൂടെ ലഘൂകരിച്ചു. പണം നല്‍കി ഗൂഗിള്‍ സേവനങ്ങള്‍ ഉപയോഗിക്കുന്ന വര്‍ക്ക്‌പ്ലേസ് അക്കൗണ്ടുകള്‍ക്കാണ് ഈ സൗകര്യം ലഭിക്കുക. വ്യവസായ സ്ഥാപനങ്ങള്‍, സ്‌കൂളുകള്‍ പോലുള്ളവരാണ് അധികവും ഇത്തരം അക്കൗണ്ടുകള്‍ ഉപയോഗിക്കുന്നത്. വര്‍ക്ക്‌പ്ലേസിന്റെ വ്യക്തിഗത അക്കൗണ്ടുള്ളവര്‍ക്കും ചില രാജ്യങ്ങളില്‍ ഗൂഗിള്‍ വണ്‍ പ്രീമിയം പ്ലാന്‍ അംഗങ്ങള്‍ക്കും ഈ സൗകര്യം ലഭിക്കും.

സ്റ്റാര്‍ട്ടര്‍, ബേസിക്, ലഗസി, എസന്‍ഷ്യല്‍സ് പാക്കേജുകള്‍ ഉപയോഗിക്കുന്നവര്‍ക്ക് ഈ സൗകര്യം ലഭിക്കില്ല.

ഗൂഗിള്‍ മീറ്റിലെ കൂടിക്കാഴ്ചകള്‍ യൂട്യൂബ് വഴി ലൈവ് സ്ട്രീം ചെയ്യുന്നതിന് ആദ്യം തന്നെ റിക്വസ്റ്റ് അയച്ച് യൂട്യബ് ചാനലിന് അംഗീകാരം നേടണം. അപ്രൂവല്‍ നടപടികള്‍ പൂര്‍ത്തിയാവാന്‍ 24 മണിക്കൂറെങ്കിലും എടുക്കും. ഇതിനായി ഗൂഗിള്‍ മീറ്റ് കോളിനിടെ താഴെയുള്ള ആക്റ്റിവിറ്റീസ് സെക്ഷനില്‍ ലൈവ് സ്ട്രീം ഓപ്ഷനുണ്ടാവും. ഇത് തിരഞ്ഞെടുത്ത് ആവശ്യമുള്ള വിവരങ്ങള്‍ നല്‍കി സ്ട്രീം ആരംഭിക്കാം.

മീറ്റ് എങ്ങനെ ലൈവ് സ്ട്രീം ചെയ്യാം എന്നത് സംബന്ധിച്ച കൂടുതല്‍ വിവരങ്ങള്‍ ഗൂഗിളിന്റെ സ്‌പോര്‍ട്ട് പേജില്‍ ലഭ്യമാണ്. മറ്റ് ചില മാറ്റങ്ങളും ഗൂഗിള്‍ മീറ്റില്‍ വന്നിട്ടുണ്ട്. ഗൂഗിള്‍ മീറ്റും വീഡിയോ കോള്‍ ആപ്പായ ഡ്യുവോയും സംയോജിപ്പിക്കുകയാണെന്ന് ഗൂഗിള്‍ കഴിഞ്ഞമാസം പ്രഖ്യാപിച്ചിരുന്നു.

2021 ജൂണില്‍ സ്‌കൂള്‍ ബോര്‍ഡ് മീറ്റിങ് പോലുള്ളവ യൂട്യൂബില്‍ സ്ട്രീം ചെയ്യുന്നതിനുള്ള ഫീച്ചര്‍ ടീച്ചര്‍മാര്‍ക്ക് വേണ്ടി അവതരിപ്പിക്കുമെന്ന് ഗൂഗിള്‍ പ്രഖ്യാപിച്ചിരുന്നു. ഇതാണ് ഇപ്പോള്‍ എല്ലാവര്‍ക്കുമായി ലഭ്യമാക്കുന്നത്. വരുന്ന ആഴ്ചകളില്‍ ഇത് യോഗ്യരായ ഉപഭോക്താക്കള്‍ക്ക് ലഭിച്ചുതുടങ്ങും.

ബ്രേക്ക് ഔട്ട് റൂം ഫീച്ചറിലെ മാറ്റങ്ങള്‍, വീഡിയോ ലോക്ക് ഫീച്ചര്‍ പോലുള്ളവയും അടുത്തിടെ അവതരിപ്പിച്ചിട്ടുണ്ട്. പിക്ചര്‍ ഇന്‍ പിക്ചര്‍ മോഡ്, ഇമോജി എന്നിവയിലും ചില മാറ്റങ്ങള്‍ കൊണ്ടുവന്നിട്ടുണ്ട്.

Content Highlights: google meet can easily livestream on YouTube

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
swathi sekhar

1 min

ഭാര്യ കിടപ്പുരോഗി, കാമുകിക്കായി സ്വന്തംവീട്ടില്‍നിന്ന് 550 പവന്‍ മോഷ്ടിച്ചു; വ്യവസായി അറസ്റ്റില്‍

Aug 9, 2022


manoram

3 min

ഭാര്യയുടെ മൃതദേഹം ചുടുകട്ടകെട്ടി കിണറ്റില്‍; ഹൃദയംപൊട്ടി ദിനരാജ്, അന്യസംസ്ഥാന തൊഴിലാളിയെ കാണാനില്ല

Aug 8, 2022


swapna suresh

2 min

നിരോധിത സാറ്റലൈറ്റ് ഫോണുമായി കേരളത്തിലെത്തിയ യുഎഇ പൗരനെ രക്ഷിക്കാന്‍ മുഖ്യമന്ത്രി ഇടപെട്ടു- സ്വപ്‌ന 

Aug 8, 2022

Most Commented