ഗൂഗിള്‍ തകരാര്‍: സേവനങ്ങള്‍ മുടങ്ങിയതിന് കാരണം വ്യക്തമാക്കി ഗൂഗിള്‍


തിങ്കളാഴ്ച ഇന്ത്യന്‍ സമയം വൈകീട്ട് അഞ്ച് മണിയോടെയാണ് ഗൂഗിളിന്റെ വിവിധ സേവനങ്ങളില്‍ തടസം നേരിട്ടത്.

GOOGLE | Photo: AFP

കാലിഫോര്‍ണിയ: വ്യക്തികളെ തിരിച്ചറിയുന്ന ഐ.ഡി. സംവിധാനത്തിന്റെ തകരാറാണ് ജി-മെയില്‍, യുട്യൂബ്, ഗൂഗിള്‍ ഡോക് അടക്കമുള്ള ഗൂഗിള്‍ സേവനങ്ങള്‍ക്ക് ലോകവ്യാപകമായി തടസപ്പെട്ടതിന് കാരണമെന്ന്‌ ഗൂഗിള്‍.

ലോഗിന്‍ ചെയ്യുന്ന ഉപയോക്താക്കളെ സ്ഥിരീകരിക്കുന്നതിനും ട്രാക്ക് ചെയ്യുന്നതിനും നിരവധി ടൂളുകള്‍ ഗൂഗിള്‍ ഉപയോഗിക്കുന്നുണ്ട്. ഒക്ടോബറില്‍ ഈ ടൂളുകളെയെല്ലാം പുതിയ ഫയല്‍ സ്റ്റോറേജ് സിസ്റ്റത്തിലേക്ക് മാറ്റുന്ന പ്രക്രിയ കമ്പനി ആരംഭിച്ചിരുന്നു. ഈ പ്രക്രിയയില്‍ പിഴവുകളുണ്ടായെന്ന് ഗൂഗിള്‍ വെള്ളിയാഴ്ച പങ്കുവെച്ച ബ്ലോഗ് ‌പോസ്റ്റില്‍ പറഞ്ഞു.

തിങ്കളാഴ്ച ഇന്ത്യന്‍ സമയം വൈകീട്ട് അഞ്ച് മണിയോടെയാണ് ഗൂഗിളിന്റെ വിവിധ സേവനങ്ങളില്‍ തടസം നേരിട്ടത്. ഗൂഗിള്‍ ക്ലൗഡ് സ്റ്റോറേജ് സേവനങ്ങളിലേക്ക് വന്ന 15 ശതമാനം റിക്വസ്റ്റുകളും നിരസിക്കപ്പെട്ടു. 47 മിനിറ്റിന് ശേഷമാണ് പ്രവര്‍ത്തനം സാധാരണ ഗതിയിലായത്. ഗൂഗിള്‍ ഡ്രൈവ്, ഗൂഗിള്‍ കോണ്‍ടാക്ട്സ്, ഗൂഗിള്‍ പേ അടക്കമുള്ളവയും തടസ്സപ്പെട്ടു. പ്രവര്‍ത്തനരഹിതമെന്ന സന്ദേശമാണ് ഉപഭോക്താക്കള്‍ക്ക് ലഭിച്ചത്.

സോളാര്‍ വിന്‍ഡ്‌സ് എന്ന സോഫ്റ്റ് വെയര്‍ കമ്പനിയ്ക്ക് നേരെയുണ്ടായ സൈബര്‍ ആക്രമണം ഗൂഗിള്‍, മൈക്രോസോഫ്റ്റ് ഉള്‍പ്പടെയുള്ള കമ്പനികളെയും ചില അമേരിക്കന്‍ സര്‍ക്കാര്‍ ഏജന്‍സികളെയും സുരക്ഷാഭീഷണിയിലാക്കിയെന്ന റിപ്പോര്‍ട്ടുകളുടെ പശ്ചാത്തലത്തിലാണ് ഗൂഗിളിന്റെ വെളിപ്പെടുത്തല്‍. സോളാര്‍ വിന്‍ഡിന് നേരെയുണ്ടായ ഹാക്കിങ് ശ്രമം ആല്‍ഫബെറ്റിന്റേയോ ഗൂഗിളിന്റേയോ സംവിധാനങ്ങളെ ബാധിച്ചിട്ടില്ലെന്ന് കമ്പനി വ്യക്തമാക്കി.

Content Highlights: google blames data migration isses on global

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Nambi, Sasikumar

9 min

നമ്പി നാരായണൻ അപമാനിക്കുന്നത് ഐ.എസ്.ആർ.ഒയെ- ശശികുമാർ

Aug 10, 2022


higher secondary exam

1 min

ഗുജറാത്ത് കലാപം പാഠപുസ്തകത്തിൽ നിന്ന് ഒഴിവാക്കില്ല; കേന്ദ്രനിർദ്ദേശം കേരളത്തിൽ അതേപടി നടപ്പാക്കില്ല

Aug 10, 2022


swathi sekhar

1 min

ഭാര്യ കിടപ്പുരോഗി, കാമുകിക്കായി സ്വന്തംവീട്ടില്‍നിന്ന് 550 പവന്‍ മോഷ്ടിച്ചു; വ്യവസായി അറസ്റ്റില്‍

Aug 9, 2022

Most Commented