ഏറ്റവും വലിയ സാങ്കേതികവിദ്യാ പ്രദര്‍ശനം; 41-ാമത് ജൈറ്റക്സ് ഗ്ലോബലിന് തുടക്കം


ജൈറ്റക്സ് പ്രദര്‍ശനത്തില്‍ ലോകത്തെ ഏറ്റവും വലിയ ഐ.ടി കമ്പനികളടക്കം 60 രാജ്യങ്ങളില്‍ നിന്നുള്ള 700-ലേറെ കമ്പനികള്‍ ഏറ്റവും പുതിയ ഉത്പന്നങ്ങള്‍ അവതരിപ്പിക്കും

Photo: Mathrubhumi

ദുബായ്: ലോകത്തിലെ ഏറ്റവുംവലിയ വിവരസാങ്കേതികപ്രദര്‍ശനമായ ജൈറ്റക്സ് ഗ്ലോബലിന്റെ 41-ാമത് പതിപ്പിന് ദുബായ് വേള്‍ഡ് ട്രേഡ് സെന്ററില്‍ ഞായറാഴ്ച തുടക്കമായി.

ദുബായ് കിരീടാവകാശിയും എക്സിക്യുട്ടീവ് കൗണ്‍സില്‍ ചെയര്‍മാനുമായ ശൈഖ് ഹംദാന്‍ ബിന്‍ മുഹമ്മദ് ബിന്‍ റാഷിദ് അല്‍മക്തൂം ഉദ്ഘാടനം ചെയ്തു. ആഗോളസാങ്കേതികസമൂഹത്തെ പിന്തുണയ്ക്കുന്നതിനുള്ള പ്രതിബദ്ധത യു.എ.ഇ. തുടരുമെന്ന് ശൈഖ് ഹംദാന്‍ പറഞ്ഞു. ദുബായ് മീഡിയാ കൗണ്‍സില്‍ ചെയര്‍മാന്‍ ശൈഖ് അഹമ്മദ് ബിന്‍ മുഹമ്മദ് ബിന്‍ റാഷിദ് അല്‍ മക്തൂമിനൊപ്പം അദ്ദേഹം ജൈറ്റക്സ് വേദികളില്‍ പര്യടനം നടത്തി. ശൈഖ് മന്‍സൂര്‍ ബിന്‍ മുഹമ്മദ് ബിന്‍ റാഷിദ് അല്‍ മക്തൂം, ദുബായ് വേള്‍ഡ് ട്രേഡ് സെന്റര്‍ അതോറിറ്റി, ദുബായ് ഡിപ്പാര്‍ട്ട്മെന്റ് ഓഫ് ടൂറിസം ആന്‍ഡ് കൊമേഴ്സ് മാര്‍ക്കറ്റിങ് പ്രതിനിധികളും അദ്ദേഹത്തെ അനുഗമിച്ചു.

ജൈറ്റക്സ് പ്രദര്‍ശനത്തില്‍ ലോകത്തെ ഏറ്റവും വലിയ ഐ.ടി കമ്പനികളടക്കം 60 രാജ്യങ്ങളില്‍ നിന്നുള്ള 700-ലേറെ കമ്പനികള്‍ ഏറ്റവും പുതിയ ഉത്പന്നങ്ങള്‍ അവതരിപ്പിക്കും. ഇന്ത്യന്‍ ഐ.ടി. വിഭാഗം ഇത്തവണ സജീവമായി രംഗത്തുണ്ട്. യുവ ടെക് കമ്പനികള്‍ക്കായുള്ള സംരംഭകത്വം, നവീകരണം, നേതൃത്വ പരിപാടി എന്നിവയുള്‍പ്പെടുന്ന ജൈറ്റക്സ് യൂത്ത് എക്സ് യൂണിപ്രണര്‍ 2021 ആദ്യമായി അരങ്ങേറും. ശില്പശാല, സംവാദം, സമ്മേളനം തുടങ്ങിയവയാണ് മറ്റുപരിപാടികള്‍.

ഇന്ത്യന്‍കമ്പനികളും ഇന്ത്യയില്‍നിന്നുള്ള ഐ.ടി. വിദഗ്ധരും പങ്കെടുക്കുകയും പ്രഭാഷണം നടത്തുകയും ചെയ്യും. 50-ലേറെ ഇന്ത്യന്‍കമ്പനികളാണ് അവരുടെ ഉത്പന്നങ്ങളും സേവനങ്ങളുമായി ജൈറ്റക്സിലുള്ളത്. നിര്‍മിതബുദ്ധി, 5ജി, ക്ലൗഡ്, ബ്ലോക്ക് ചെയിന്‍, സൈബര്‍സുരക്ഷ, ബിഗ് ഡാറ്റ, ക്വാണ്ടം കംപ്യൂട്ടിങ്, ഇമ്മേഴ്സീവ് ടെക്നോളജീസ്, ഫിനാന്‍സ്, മറ്റ് പുതിയ സാങ്കേതികവിദ്യകള്‍ എന്നിവയ്ക്കും പ്രാധാന്യം നല്‍കിയുള്ളതാണ് ജൈറ്റക്സ്.

ടൈവുമണ്‍ പിച്ച് മത്സരത്തിന്റെ ആഗോളഫൈനല്‍ ഇവിടെ നടക്കും. ദുബായ് മുനിസിപ്പാലിറ്റി, ദുബായ് ലാന്‍ഡ് ഡിപ്പാര്‍ട്ട്മെന്റ്, ദുബായ് എയര്‍പോര്‍ട്ട്, റോഡ്സ് ആന്‍ഡ് ട്രാന്‍സ്പോര്‍ട്ട് അതോറിറ്റി, ജനറല്‍ ഡയറക്ടറേറ്റ് ഓഫ് റെസിഡന്‍സി ഫോറിനേഴ്സ് അഫയേഴ്സ് തുടങ്ങി പൊതുമേഖലാസ്ഥാപനങ്ങളും ഈ മാസം 21 വരെ നടക്കുന്ന മേളയില്‍ പങ്കെടുക്കും. എല്ലാ കോവിഡ് മാനദണ്ഡങ്ങളും പാലിച്ചുകൊണ്ടാണ് പരിപാടി.

ശാസ്ത്ര സാങ്കേതിക വിദ്യാ രംഗത്തെ കൂടുതല്‍ വാര്‍ത്തകള്‍ ടെലഗ്രാം വഴി അറിയാം ഗ്രൂപ്പില്‍ അംഗമാവൂ... ക്ലിക്ക് ചെയ്യൂ: https://t.me/technews_mbi


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
wedding

2 min

വധു ഒഴികെ ആരും ക്യാമറ കണ്ടില്ല; ആ ക്ലിക്കിന് കിട്ടിയത് രണ്ടു ലക്ഷം രൂപ സമ്മാനം

Sep 25, 2022


Police

1 min

വീട്ടിൽനിന്ന്‌ രഹസ്യ ഗോവണി, ബംഗ്ലാവില്‍ ആര്‍ഭാടജീവിതം; മുപ്പതിലധികം കവർച്ചക്കേസുകളിലെ പ്രതി കുടുങ്ങി

Sep 25, 2022


xi jinping

2 min

ചൈനയില്‍ അട്ടിമറിയോ? 9000-ലേറെ വിമാനങ്ങള്‍ റദ്ദാക്കിയെന്ന് അഭ്യൂഹം; ഹൈസ്പീഡ് ട്രെയിനുകള്‍ നിര്‍ത്തി?

Sep 25, 2022

Most Commented