ഫ്‌ളിപ്കാര്‍ട്ടിന്റെ ബിഗ് ബില്യണ്‍ ഡേ സേയ്ല്‍ ഒക്ടോബര്‍ ഏഴിന് ആരംഭിക്കുകയാണ്. ഒക്ടോബര്‍ 12 വരെയാണ് വില്‍പന നടക്കുക. ആറ് ദിവസം നീണ്ട വില്‍പനമേളയില്‍ സ്മാര്‍ട്‌ഫോണുകള്‍, സ്മാര്‍ട് വാച്ചുകള്‍, ലാപ്‌ടോപ്പുകള്‍ ഉള്‍പ്പടെ നിരവധി ഉല്‍പ്പന്നങ്ങള്‍ ആകര്‍ഷകമായ ഡീലുകളും ഓഫറുകളുമാണ് ഫ്‌ളിപ്കാര്‍ട്ട് വാഗ്ദാനം ചെയ്യുന്നത്. 

ആക്‌സിസ് ബാങ്ക്, ഐസിഐസിഐ കാര്‍ഡുകള്‍ക്ക് 10 ശതമാനം ഡിസ്‌കൗണ്ടും പേടിഎം കാഷ്ബാക്കും ഉപഭോക്താക്കള്‍ക്ക് ലഭിക്കും. 

ടിവിയ്ക്കും മറ്റ് ഗൃഹോപകരണങ്ങള്‍ക്കും 80 ശതമാനം വരെ വിലക്കിഴിവാണ് ബിഗ്ബില്യണ്‍ഡേ സെയില്‍ വാഗ്ദാനം ചെയ്യുന്നത്. 

ഇന്ത്യയിലെ മുന്‍നിര ടിവികള്‍ 70 ശതമാനവും റഫ്രിജറേറ്ററുകള്‍ക്ക് 50 ശതമാനവും വിലക്കിഴിവില്‍ വാങ്ങാനാവും. അടുക്കള ഉപകരണങ്ങള്‍ക്ക് 299 രൂപ മുതലാണ് വില. 

മുന്‍നിര ബ്രാന്റുകളുടെ ഷൂകള്‍, വാച്ചുകള്‍, ടി ഷര്‍ട്ടുകള്‍, സ്ത്രീകളുടെ വസ്ത്രങ്ങള്‍ എന്നിവയ്ക്ക് 50 മുതല്‍ 90 ശതമാനം വരെ ലഭിക്കും. 

സ്മാര്‍ട്‌ഫോണുകളുടെയും ടാബുകളുടേയും ഡീലുകളും പുറത്തുവിട്ടിട്ടുണ്ട്.

ഓപ്പോ എ53 എസ് 5ജി ഫോണ്‍ 4000 രൂപ വിലക്കിഴിവില്‍ 12990 രൂപയ്ക്ക് ലഭിക്കും. ഓപ്പോ എ33 8990 രൂപയ്ക്ക് വാങ്ങാം. 15990 രൂപയുടെ ഓപ്പോ എ53 ഫോണ്‍ 10990 രൂപയ്ക്കാണ് വില്‍ക്കുന്നത്. ഓപ്പോ എ12 ന് 8490 രൂപയാണ് വില. 

46990 രൂപയുടെ ഓപ്പോ റെനോ6 പ്രോ ഫോണിന് 35990 രൂപയും  35990 രൂപ വിലയുള്ള ഓപ്പോ റെനോ 6 ന് 26990 രൂപയും ആണ് വില.

ഐഫോണ്‍ 12, ഐഫോണ്‍ 12 മിനി, ഐഫോണ്‍ എസ്ഇ ഫോണുകള്‍ക്കും ഓഫറുണ്ട്. എന്നാല്‍ ഡീലുകള്‍ ഇതുവരെ പ്രഖ്യാപിച്ചിട്ടില്ല. സെപ്റ്റംബര്‍ 27ന് ഇത് വെളിപ്പെടുത്തും. 

ഇന്‍ഫിനികസ്, മോട്ടോറോള, മൈക്രോമോകാസ് തുടങ്ങിയ ബ്രാന്റുകളുടെ ഫോണുകളും വിലക്കുറവില്‍ വില്‍പനയ്ക്കുണ്ട്. 

റിയല്‍മി 8ഐ സ്മാര്‍ട്‌ഫോണും ആദ്യമായി ഓഫര്‍ വിലയില്‍ ലഭിക്കും. 

23999 രൂപ വിലയുള്ള പോകോ എക്‌സ്3 പ്രോ 16999 രൂപയ്ക്കാണ് ഫ്‌ളിപ്കാര്‍ട്ട് സെയ്‌ലില്‍ ലഭിക്കുക. മോട്ടോ എഡ്ജ് 20 ഫ്യൂഷന്‍ സ്മാര്‍ട്‌ഫോണ്‍ 5000 രൂപ വിലക്കുറവില്‍ 1999 രൂപയ്ക്ക് വാങ്ങാം. 

55999 രൂപയുടെ അസുസ് റോഗ്3 34999 രൂപയ്ക്കും വില്‍പനയ്‌ക്കെത്തും. ഒക്ടോബര്‍ രണ്ടിനാണ് ഷാവോമി ഫോണുകളുടെ ഓഫര്‍ വ്യക്തമാവുക.