എഫ്ബിഐ സെര്‍വറില്‍ സൈബറാക്രമണം; നിരവധി പേര്‍ക്ക് വ്യാജ ഇമെയിലുകള്‍ അയച്ച് ഹാക്കര്‍


അമേരിക്കന്‍ രജിസ്ട്രി ഫോര്‍ ഇന്റര്‍നെറ്റ് നമ്പേഴ്‌സില്‍ നിന്നെടുത്ത ഇമെയില്‍ ഐഡികളിലേക്കാണ് സന്ദേശങ്ങള്‍ പോയത്.

Photo: Gettyimages

വാഷിങ്ടണ്‍: അമേരിക്കയുടെ നിയമപാലന ഏജന്‍സിയായ എഫ്ബിഐയ്ക്ക് നേരെ ഗുരുതരമായ സൈബറാക്രമണം. എഫ്ബിഐയുടെ ഇമെയില്‍ സെര്‍വറുകള്‍ കയ്യടക്കിയ ഹാക്കര്‍ ആയിരക്കണക്കിനാളുകള്‍ക്ക് ഇമെയിലുകള്‍ അയക്കുകയായിരുന്നു. 'നിങ്ങള്‍ ഒരു സൈബറാക്രമണത്തിന് ഇരയായിരിക്കുന്നു' എന്ന് അറിയിച്ചുകൊണ്ടുള്ളതായിരുന്നു ആ ഇമെയിലുകള്‍. ഒരു ഔദ്യോഗിക പ്രസ്താവനയിലാണ് എഫ്ബിഐ ഇക്കാര്യം വ്യക്തമാക്കിയത്.

ഒരു ലക്ഷത്തോളം ഇമെയില്‍ ഐഡികളിലേക്ക് വ്യാജ ഇമെയില്‍ സന്ദേശം അയക്കപ്പെട്ടിട്ടുണ്ടെന്ന് ദി സ്പാംഹോസ് പ്രൊജക്ട് എന്ന എൻ.ജി.ഒ പറയുന്നു. എഫ്ബിഐയുടെ നിയമപരമായ ഇമെയില്‍ സംവിധാനങ്ങളാണ് ഹാക്കര്‍മാര്‍ ദുരുപയോഗം ചെയ്തത്. അമേരിക്കന്‍ രജിസ്ട്രി ഫോര്‍ ഇന്റര്‍നെറ്റ് നമ്പേഴ്‌സില്‍ നിന്നെടുത്ത ഇമെയില്‍ ഐഡികളിലേക്കാണ് സന്ദേശങ്ങള്‍ പോയത്.

എന്നാല്‍ ഇമെയിലുകളില്‍ അപകടകരമായ ലിങ്കുകളൊന്നും ചേര്‍ത്ത് അയക്കാനുള്ള ഉദ്ദേശം ഹാക്കര്‍മാര്‍ക്ക് ഉണ്ടായിരുന്നില്ല എന്നും ആളുകളെ ഭയപ്പെടുത്താന്‍ വേണ്ടിയുള്ള ശ്രമമായിരിക്കാം ഇതെന്നും സ്പാംഹോസ് സീനിയര്‍ ത്രെട്ട് അനലിസ്റ്റ് അലെക്‌സ് ഗ്രോസ്ജീന്‍ പറഞ്ഞു.

സൈബറാക്രമണത്തിന് പിന്നില്‍ പോംപോംപുരിന്‍ എന്ന പേരിലുള്ളയാളാണെന്ന് ക്രെബ്‌സ് ഓണ്‍ സെക്യൂരിറ്റി റിപ്പോര്‍ട്ട് ചെയ്യുന്നു. ഇമെയിലുകള്‍ അയച്ചതിന് ശേഷം ഹാക്കര്‍ ക്രെബ്‌സ് ഓണ്‍ സെക്യൂരിറ്റിയെ ബന്ധപ്പെട്ടിരുന്നു. എഫ്ബിഐയുടെ ഇമെയില്‍ സംവിധാനത്തിലെ പ്രശ്‌നങ്ങള്‍ ബോധ്യപ്പെടുത്താന്‍ വേണ്ടിയാണ് ഇത് ചെയ്തത് എന്ന് അയാള്‍ പറഞ്ഞതായും ക്രെബ്‌സ് ഓണ്‍ സെക്യൂരിറ്റി റിപ്പോര്‍ട്ട് ചെയ്യുന്നു.

സോഫ്റ്റ് വെയറിലെ പ്രശ്‌നം മൂലം ഹാക്കര്‍ക്ക് താല്‍കാലികമായി ലോ എന്‍ഫോഴ്‌സ്‌മെന്റ് എന്റര്‍പ്രൈസ് പോര്‍ട്ടലില്‍ (ലീപ്പ്) പ്രവേശിക്കാന്‍ സാധിച്ചുവെന്ന് എഫ്ബിഐ പ്രസ്താവനയില്‍ പറഞ്ഞു. പ്രാദേശിക നിയമ പരിപാലന ഏജന്‍സികളുമായും സംസ്ഥാനങ്ങളുമായും ബന്ധപ്പെടുന്നതിന് വേണ്ടി ഉപയോഗിക്കുന്ന സംവിധാനമാണിത്.

ലീപ്പിന് വേണ്ടിയുള്ള സെര്‍വറിലാണ് ഹാക്കര്‍ നുഴഞ്ഞുകയറിയത്. എഫ്ബിഐയുടെ കോര്‍പ്പറേറ്റ് ഇമെയില്‍ സേവനത്തിന്റെ ഭാഗമല്ല അത്. എഫ്ബിഐ നെറ്റ് വര്‍ക്കിലെ വിവരങ്ങള്‍ കൈക്കലാക്കാന്‍ ആര്‍ക്കും സാധിച്ചിട്ടില്ല. സംഭവത്തെ കുറിച്ച് അറിഞ്ഞ ഉടനെ പ്രശ്‌നം പരിഹരിക്കുകയും വ്യജ സന്ദേശങ്ങള്‍ ലഭിച്ചവരെ അറിയിക്കുകയും ചെയ്തിട്ടുണ്ട്. എന്നും എഫ്ബിഐ പറഞ്ഞു.

ശാസ്ത്ര സാങ്കേതിക വിദ്യാ രംഗത്തെ കൂടുതല്‍ വാര്‍ത്തകള്‍ ടെലഗ്രാം വഴി അറിയാം ഗ്രൂപ്പില്‍ അംഗമാവൂ... ക്ലിക്ക് ചെയ്യൂ: https://t.me/technews_mbi


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

05:02

ഭാര്യയുമായി പിണങ്ങി താമസിച്ച 65-കാരന്‍ മരിച്ചു; തെളിഞ്ഞത് ദാരുണമായ കൊലപാതകം

Sep 30, 2022


05:23

രാജകുടുംബത്തിന്റെ ഉറക്കം കെടുത്തുന്ന ടെലിവിഷന്‍ സിനിമ; അറം പറ്റുമോ 'King Charles III'

Sep 29, 2022


drug

1 min

തണ്ണിമത്തനില്‍ ഒളിപ്പിച്ച് മയക്കുമരുന്ന് കടത്താൻ ശ്രമം; അഞ്ചംഗ സംഘം സൗദിയിൽ അറസ്റ്റിൽ

Sep 29, 2022

Most Commented