-
ഇന്‍സ്റ്റഗ്രാമിലേയും മെസഞ്ചറിന്റേയും ചാറ്റിങ് സേവനങ്ങള്‍ തമ്മില്‍ ലയിപ്പിക്കുന്ന നടപടികള്‍ ആരംഭിച്ചിരിക്കുകയാണ് ഫെയ്‌സ്ബുക്ക്. ഐഓഎസിലും, ആന്‍ഡ്രോയിഡിലുമുള്ള ഇന്‍സ്റ്റാഗ്രാം ആപ്ലിക്കേഷനില്‍ പുതിയ അപ്‌ഡേറ്റ് സ്‌ക്രീന്‍ പ്രത്യക്ഷപ്പെട്ടതായി ദി വെര്‍ജ് റിപ്പോര്‍ട്ട് ചെയ്തു.
ഇന്‍സ്റ്റഗ്രാമില്‍ സന്ദേശമയക്കാന്‍ പുതിയ വഴി എന്ന തലക്കെട്ടോടുകൂടിയുള്ള പോപ്പ് അപ്പ് സ്‌ക്രീനില്‍ പുതിയ സംവിധാനത്തിലെ ഫീച്ചറുകള്‍ എന്തെല്ലാം ആണെന്നും വ്യക്തമാക്കിയിട്ടുണ്ട്.
കാഴ്ചയില്‍ കൂടുതല്‍ വര്‍ണാഭമായിരിക്കും. കൂടുതല്‍ ഇമോജി റിയാക്ഷനുകള്‍ ഉണ്ട്. സൈ്വപ്പ് റ്റു റിപ്ലൈ ഓപ്ഷന്‍, ഇന്‍സ്റ്റാഗ്രാമില്‍ നിന്ന് തന്നെ ഫെയ്‌സ്ബുക്ക് ഉപയോഗിക്കുന്ന സുഹൃത്തുക്കളുമായി ചാറ്റ് ചെയ്യാനുള്ള സൗകര്യം എന്നിവയുണ്ടാവും.
ഇന്‍സ്റ്റാഗ്രാം അപ്‌ഡേറ്റ് ചെയ്ത് കഴിഞ്ഞാല്‍ ആപ്പിന് വലത് ഭാഗത്ത് മുകളിലുള്ള ഡയറക്ട് മെസേജിന്റെ ലോഗോ മാറി പകരം മെസഞ്ചര്‍ ലോഗോ വരും. ഇന്‍സ്റ്റാഗ്രാം രൂപകല്‍പനയില്‍ മാറ്റം വന്നുവെങ്കിലും. നിലവില്‍ ഇന്‍സ്റ്റാഗ്രാമില്‍ നിന്നും ഫെയ്‌സ്ബുക്ക് ഉപയോക്താക്കളുമായി ചാറ്റ് ചെയ്യാനുള്ള സൗകര്യം ഉള്‍പ്പെടുത്തിയിട്ടില്ല.
ഇന്‍സ്റ്റഗ്രാം, മെസഞ്ചര്‍, വാട്‌സാപ്പ് എന്നിവയെ പരസ്പരം ബന്ധിപ്പിക്കുകയും ഒന്നില്‍ നിന്ന് മറ്റൊന്നിലേക്കും തിരിച്ചും സന്ദേശങ്ങള്‍ അയക്കാന്‍ സൗകര്യമൊരുക്കുകയും ചെയ്യുമെന്ന് ഫെയ്‌സ്ബുക്ക് നേരത്തെ വ്യക്തമാക്കിയിരുന്നു. ഇതുവഴി ഇന്‍സ്റ്റഗ്രാം, വാട്‌സാപ്പ്, മെസഞ്ചര്‍ എന്നിവയില്‍ ഏതെങ്കിലും ഒരു ആപ്പ് ഉണ്ടെങ്കില്‍ ഈ മൂന്ന് സേവനങ്ങളുടെ ഉപയോക്താക്കളുമായും ആശയവിനിമയം നടത്താന്‍ സാധിക്കും.
ഈ സൗകര്യം ഒരുക്കുന്നതിനായി മൂന്ന് സേവനങ്ങളുടെയും നിര്‍മിതിയില്‍ കാര്യമായ മാറ്റങ്ങള്‍ വരുത്തേണ്ടിവരും. ഇങ്ങനെ ഒരുക്കുന്ന പരസ്പര ബന്ധതമായ മെസേജിങ് സംവിധാനം എന്റ് റ്റു എന്റ് എന്ക്രിപ്റ്റഡ് ആയിരിക്കുമെന്നാണ് ഫെയ്‌സ്ബുക്ക് വാഗ്ദാനം ചെയ്യുന്നത്. ലോകത്തെ ജനപ്രിയങ്ങളായ മൂന്ന് പ്ലാറ്റ്‌ഫോമുകളെ ബന്ധിപ്പിക്കുന്നതിലൂടെ ആപ്പിളിന്റെ ഐമെസേജ് സേവനവുമായി നേരിട്ട് മത്സരിക്കാന്‍ ഫെയ്‌സ്ബുക്കിനാവും.
2012 ല്‍ നൂറ് കോടി ഡോളറിനാണ് ഫെയ്‌സ്ബുക്ക് ഇന്‍സ്റ്റഗ്രാമിനെ സ്വന്തമാക്കിയത്. 2014 ല്‍ 1900 ഡോളറിന് വാട്‌സാപ്പിനേയും ഏറ്റെടുത്തു.
RELATED STORIES
.jpg?$p=a3c1fa2&f=1x1&w=100&q=0.8)
.jpg?$p=fad68fb&f=1x1&w=100&q=0.8)
.jpg?$p=09e9aed&f=1x1&w=100&q=0.8)
IN CASE YOU MISSED IT
.jpg?$p=246738b&f=1x1&w=100&q=0.8)
.jpg?$p=f67c2a2&f=1x1&w=100&q=0.8)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..