ഫോണുകളടക്കം ഉപകരണങ്ങള്‍ക്കെല്ലാം ഒരേ ചാര്‍ജര്‍ മതിയെന്ന് യൂറോപ്യന്‍ യൂണിയന്‍; ആപ്പിളിന് വെല്ലുവിളി


ഈ തീരുമാനത്തിന് ഏറെ പാരിസ്ഥിതിക നേട്ടമുണ്ടന്നും ഉപഭോക്താവിന് 25 കോടി യൂറോയുടെ വാര്‍ഷിക സമ്പാദ്യം നേടാനാവുമെന്നും യൂറോപ്യന്‍ കമ്മീഷന്‍ പ്രതിനിധി പറയുന്നു.

Type-C USB | Photo: Mathrubhumi

രാജ്യത്ത് വില്‍പനയ്‌ക്കെത്തുന്ന എല്ലാ മൊബൈല്‍ ഫോണുകള്‍ക്കും ടാബ് ലെറ്റുകള്‍ക്കും ഹെഡ്‌ഫോണുകള്‍ക്കും ഒരേ ചാര്‍ജിങ് പോര്‍ട്ടുകള്‍ തന്നെയാക്കാന്‍ നീക്കവുമായി യൂറോപ്യന്‍ യൂണിയന്‍. ഐഫോണ്‍ നിര്‍മാതാക്കളായ ആപ്പിളിന് കനത്ത വെല്ലുവിളിയാകുന്ന നീക്കമാണിത്.

ഈ തീരുമാനത്തിന് ഏറെ പാരിസ്ഥിതിക നേട്ടമുണ്ടന്നും യൂറോപ്യന്‍ കമ്മീഷന്‍ പ്രതിനിധി പറയുന്നു.

സ്മാര്‍ട്‌ഫോണുകള്‍, ടാബ് ലെറ്റുകള്‍, ക്യാമറകള്‍, ഹെഡ്‌ഫോണുകള്‍, പോര്‍ട്ടബിള്‍ സ്പീക്കറുകള്‍, വീഡിയോ ഗെയിം കണ്‍സോളുകള്‍ പോലുള്ള ഉപകരണങ്ങളിലെല്ലാം യുഎസ്ബി-സി പോര്‍ട്ട് മതിയെന്നാണ് പുതിയ നിര്‍ദേശം. ചാര്‍ജറുകള്‍ ഉപകരണങ്ങള്‍ക്കൊപ്പമല്ലാതെ പ്രത്യേകമായി വില്‍ക്കാം.

കഴിഞ്ഞ പത്ത് വര്‍ഷക്കാലമായി യൂറോപ്യന്‍ യൂണിയന്‍ ഇതിനായി ശ്രമിക്കുന്നുണ്ട്. ആപ്പിളിനെ ലക്ഷ്യമിട്ടുള്ള നീക്കമല്ലെന്ന് യൂറോപ്യന്‍ കമ്മീഷന്‍ വ്യക്തമാക്കുന്നു. ഒരു ദശാബ്ദം നീണ്ട ചര്‍ച്ചകള്‍ നടത്തിയിട്ടും ഇക്കാര്യത്തില്‍ കമ്പനികള്‍ക്ക് പരിഹാരം കാണാനായിട്ടില്ല.

അതേസമയം ഒരേ കണക്ടര്‍ തന്നെ നിര്‍ബന്ധിതമാക്കാനുള്ള നീക്കത്തില്‍ ആശങ്കയുണ്ടെന്ന് ആപ്പിള്‍ പ്രതികരിച്ചു. നൂതന ആശയങ്ങളെ ഇത് പിന്തുണയ്ക്കില്ലെന്നും ഈ നീക്കം യൂറോപ്യന്‍ ജനതയ്ക്കും ലോകത്താകമാനമുള്ള ഉപഭോക്താക്കള്‍ക്കും ദോഷം ചെയ്യുമെന്നും ആപ്പിള്‍ പറയുന്നു.

ഏകീകൃത ചാര്‍ജറില്‍ തീരുമാനമായാല്‍ രണ്ട് വര്‍ഷത്തിനുള്ളില്‍ തന്നെ അത് നടപ്പില്‍ വരുത്തണമെന്ന നിര്‍ദേശത്തിലും ആപ്പിള്‍ ആശങ്ക പ്രകടിപ്പിച്ചു.

എന്നാല്‍ യൂറോപ്യന്‍ കമ്മീഷന്‍ ഇന്‍ഡസ്ട്രി ചീഫ് തിയറി ബ്രെട്ടന്‍ ആപ്പിളിന്റെ വാദങ്ങളെ നിഷേധിച്ചു.

'എനിക്ക് ഈ കമ്പനികളെ വര്‍ഷങ്ങളായി അറിയാവുന്നതാണ്. ഞങ്ങള്‍ ഓരോതവണ ഒരോ നിര്‍ദേശം മുന്നോട്ടുവെക്കുമ്പോഴും അത് മാറ്റത്തിന് എതിരാണെന്ന് അവര്‍ പറഞ്ഞുതുടങ്ങും. ഇത് നൂതന ആശയങ്ങള്‍ക്ക് എതിരല്ല. ആര്‍ക്കും എതിരല്ല. കമ്മീഷന്‍ എല്ലായിപ്പോഴും ചെയ്യുന്നത് പോലെ ഉപഭോക്താക്കള്‍ക്ക് വേണ്ടിയാണ് ഇതും ചെയ്യുന്നത്.' അദ്ദേഹം പറഞ്ഞു.

അതേസമയം വ്യത്യസ്തങ്ങളായ ചാര്‍ജറുകള്‍ ഉപയോഗിക്കേണ്ടി വരുന്നതില്‍ ഉപഭോക്താക്കളില്‍ നിന്ന് നിരന്തരം പരാതികളുയരുന്നുണ്ട്. ആപ്പിള്‍ ഫോണുകളില്‍ ലൈറ്റ്‌നിങ് കേബിളാണ് ചാര്‍ജിങിനുള്ളത്. എന്നാല്‍ ആന്‍ഡ്രോയിഡ് ഫോണുകളില്‍ യുഎസ്ബി സി ടൈപ്പ് കണക്റ്ററുകളാണുള്ളത്.

നിര്‍ദേശം യൂറോപ്യന്‍ യൂണിയന്‍ അംഗീകരിച്ചാല്‍ രണ്ട് വര്‍ഷത്തിനുള്ളില്‍ ഫോണുകളിലെല്ലാം ഏകീകൃത ചാര്‍ജിങ് പോര്‍ട്ട് കൊണ്ടുവരാന്‍ കമ്പനികള്‍ നിര്‍ബന്ധിതരാവും. ഇന്ത്യയുള്‍പ്പടെയുള്ള ആഗോള വിപണിയിലും ഈ തീരുമാനത്തിന്റെ പ്രതിഫലനങ്ങളുണ്ടായേക്കും.

ശാസ്ത്ര സാങ്കേതിക വിദ്യാ രംഗത്തെ കൂടുതല്‍ വാര്‍ത്തകള്‍ ടെലഗ്രാം വഴി അറിയാം ഗ്രൂപ്പില്‍ അംഗമാവൂ... ക്ലിക്ക് ചെയ്യൂ: https://t.me/technews_mbi


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
wedding

2 min

വധു ഒഴികെ ആരും ക്യാമറ കണ്ടില്ല; ആ ക്ലിക്കിന് കിട്ടിയത് രണ്ടു ലക്ഷം രൂപ സമ്മാനം

Sep 25, 2022


Police

1 min

വീട്ടിൽനിന്ന്‌ രഹസ്യ ഗോവണി, ബംഗ്ലാവില്‍ ആര്‍ഭാടജീവിതം; മുപ്പതിലധികം കവർച്ചക്കേസുകളിലെ പ്രതി കുടുങ്ങി

Sep 25, 2022


രണ്ടരവർഷത്തെ കാത്തിരിപ്പ്; പിണക്കം മറന്ന് മടങ്ങിയെത്തിയ ഓമനപ്പൂച്ചയെ വാരിപ്പുണർന്ന് ഉടമകൾ

Sep 25, 2022

Most Commented