ഇ-ഗ്രാന്റ്‌സ് വെബ്‌സൈറ്റിലെ വിവരച്ചോര്‍ച്ച ഗൗരവമേറിയത്: പ്രശ്‌നം പരിഹരിച്ചെന്ന് സി-ഡിറ്റ്


അഫീഫ് മുസ്തഫ

ഇ-ഗ്രാന്റ്‌സ് വെബ്‌സൈറ്റിൽ വന്ന വിവരച്ചോർച്ച | കൊളാഷ്: മാതൃഭൂമി

തിരുവനന്തപുരം: സംസ്ഥാന സർക്കാരിന്റെ ഇ-ഗ്രാന്റ്സ് വെബ്സൈറ്റിലെ സുരക്ഷാവീഴ്ചയിൽ ഉടനടി നടപടി സ്വീകരിച്ച് സി-ഡിറ്റ്. വെബ്സൈറ്റിലെ സുരക്ഷാവീഴ്ച സംബന്ധിച്ച് മാതൃഭൂമി ഡോട്ട് കോം വാർത്ത പ്രസിദ്ധീകരിച്ചതിന് പിന്നാലെയാണ് സി-ഡിറ്റ് അധികൃതർ പ്രശ്നങ്ങൾ പരിഹരിച്ചത്. അതേസമയം, ഇതുവരെ തുറന്നുകിടന്നിരുന്ന സ്വകാര്യവിവരങ്ങളടങ്ങിയ ഡാറ്റ നേരത്തെ മറ്റാരെങ്കിലും ഡൗൺലോഡ് ചെയ്തെടുത്തോ എന്നതിൽ യാതൊരു ഉറപ്പും പറയാനാവില്ലെന്നും അധികൃതർ പറഞ്ഞു.

സെർവർ മാറ്റിയ സമയത്ത് ബാക്കപ്പ് ചെയ്തുവെച്ചിരുന്ന ഫയലുകൾ ഡിലീറ്റ് ചെയ്യാൻ വിട്ടുപോയതാണ് ഈ വിവരച്ചോർച്ചയ്ക്ക് കാരണമായതെന്നും മാതൃഭൂമി ഡോട്ട് കോം വാർത്ത ശ്രദ്ധയിൽപ്പെട്ടയുടൻ പ്രശ്നം പരിഹരിച്ചതായും സി-ഡിറ്റിലെ ഉന്നത ഉദ്യോഗസ്ഥൻ പ്രതികരിച്ചു. സി-ഡിറ്റ് തയ്യാറാക്കുന്ന വെബ്സൈറ്റുകളിൽ ഇത്തരം വീഴ്ചകൾ സംഭവിക്കാറില്ലെന്നും ഇത് യാദൃശ്ചികമായി സംഭവിച്ചുപോയതാണെന്നും അദ്ദേഹം വ്യക്തമാക്കി.

എസ്, എസ്.ടി. ഒ.ബി.സി. വിഭാഗങ്ങളിലെ വിദ്യാർഥികളുടെ സ്കോളർഷിപ്പുകൾക്കും മറ്റ് ആനുകൂല്യങ്ങൾക്കുമായി തയ്യാറാക്കിയ www.egrantz.kerala.gov.in എന്ന വെബ്സൈറ്റിലാണ് വൻ സുരക്ഷാവീഴ്ച സംഭവിച്ചത്. 2.68 ലക്ഷത്തിലേറെ പേരുടെ ബാങ്ക് പാസ്ബുക്ക് വിവരങ്ങളും ചിത്രങ്ങളുമാണ് വെബ്സൈറ്റിൽനിന്ന് ആർക്കും ഡൗൺലോഡ് ചെയ്തെടുക്കാവുന്നരീതിയിൽ തുറന്നുകിടന്നിരുന്നത്.
ഇതിൽ പാസ്ബുക്ക് ഡാറ്റയടങ്ങുന്ന ഫോൾഡറിന് 15 ജിബി വലിപ്പമുണ്ടായിരുന്നു. ആറ് ജിബിയോളം വലിപ്പമുള്ള ഫോൾഡറിലാണ് പ്രൊഫൈൽ ചിത്രങ്ങൾ ഉള്ളത്. രണ്ട് ലക്ഷത്തിലേറെ ഫയലുകൾ ഓരോ ഫോൾഡറിലുമുണ്ട്. ഇത് കൂടാതെ അപ്ലോഡ്സ് എന്ന പേരിൽ മറ്റൊരു ഫോൾഡറും ലഭ്യമാണ് ഈ ഫയലിന് 180 ജിബിയിലേറെ വലിപ്പമുണ്ട്.

സോഫ്റ്റ് വെയർ എൻജിനീയറായ അഖിലേഷ് ബി. ചന്ദ്രനാണ് സർക്കാർ വെബ്സൈറ്റിലെ സുരക്ഷാവീഴ്ച മാതൃഭൂമി ഡോട്ട് കോമിനെ അറിയിച്ചത്. തുടർന്ന് മാതൃഭൂമി ഡോട്ട് കോം വിവരങ്ങൾ പരിശോധിച്ച് ഇത് സ്ഥിരീകരിക്കുകയും ചെയ്തു. പക്ഷേ, എത്രകാലം പഴക്കമുള്ള വിവരങ്ങളാണ് ഇവയെന്ന് വ്യക്തമല്ല.

സംസ്ഥാനത്ത് സ്വകാര്യ ഡേറ്റ വലിയ ചർച്ചയായതിന് പിന്നാലെയാണ് ലക്ഷക്കണക്കിന് പേരുടെ സ്വകാര്യവിവരങ്ങൾ ഒരു സുരക്ഷയുമില്ലാതെ സർക്കാർ വെബ്സൈറ്റിൽ കൈകാര്യം ചെയ്ത വിവരം പുറത്തുവന്നത്. വെബ്സൈറ്റ് തയ്യാറാക്കിയവർക്ക് സംഭവിച്ച പാളിച്ചയാണെങ്കിലും സർക്കാർ വെബ്സൈറ്റിലൂടെ ഇത്തരം സ്വകാര്യവിവരങ്ങൾ പരസ്യമായത് അതീവ ഗൗരവമേറിയ വിഷയം തന്നെയാണ്.

Content Highlights:data privacy issue data leakage in kerala government egrantz website issue solved by cdit

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
priya varghees

1 min

റിസര്‍ച്ച് സ്‌കോര്‍ ഏറ്റവും കുറവ്; പ്രിയ വര്‍ഗീസിന്റെ വിവാദ നിയമനത്തില്‍ നിര്‍ണായക രേഖ പുറത്ത്

Aug 13, 2022


kt jaleel

1 min

പാക് അധീന കശ്മീരിനെ ആസാദ് കശ്മീർ എന്നു വിശേഷിപ്പിച്ച് ജലീൽ; പരാമർശം വൻവിവാദം

Aug 12, 2022


mv govindan

കേരളത്തിലെ കറിപൗഡറുകളെല്ലാം വ്യാജം, വിഷം - മന്ത്രി എം.വി. ഗോവിന്ദന്‍

Aug 11, 2022

Most Commented