Representational Image | Photo: Joe Raedle|Getty Images
വിദ്യാഭ്യാസ മേഖലയെ ലക്ഷ്യമിട്ട് ജൂണ്‍ മുതല്‍ സെപ്റ്റംബര്‍വരെ വ്യാപകമായ സൈബര്‍ ആക്രമണം നടന്നതായി റിപ്പോര്‍ട്ട്. 1000 ല്‍ അധികം സ്‌കൂളുകളെയും കോളേജുകളേയും സര്‍വകലാശാലകളേയും ലക്ഷ്യമിട്ടാണ് സ്‌പെയര്‍ ഫിഷിങ് ആക്രമണം നടന്നതെന്ന് ഐഎഎന്‍എസ് റിപ്പോര്‍ട്ടില്‍ പറയുന്നു.
ഏതെങ്കിലും ഒരു സ്ഥാപനത്തേയോ വ്യക്തിയേയോ ലക്ഷ്യമിട്ട് നടക്കുന്ന ഫിഷിങ് ആക്രമണമാണ് സ്‌പെയര്‍ ഫിഷിങ് (Spear Phishing)(.
ഇതില്‍ കൂടുതലും വിദ്യാഭ്യാസ സ്ഥാപനങ്ങളെ ലക്ഷ്യമിട്ടാണ് നടക്കുന്നത്. ഇത്തരം ആക്രമണങ്ങളിലൂടെ ഹാക്കര്‍മാര്‍ വിദ്യാഭ്യാസ സ്ഥാപനങ്ങളുടെ നെറ്റ് വര്‍ക്ക് കയ്യടക്കുകയാണ് ചെയ്യുക. ഇത് വലിയ നഷ്ടങ്ങള്‍ക്കിടയാക്കുകയും ചെയ്യും.
ഓണ്‍ലൈന്‍ ക്ലാസുകള്‍ നടത്തുന്നതിന് മുമ്പും നടക്കുമ്പോഴും അത് ഓണ്‍ലൈനില്‍ പോസറ്റ് ചെയ്യുമ്പോഴും വിദ്യാര്‍ഥികളും അധ്യാപകരും ഒരു പോലെ ശ്രദ്ധിക്കണമെന്ന ബരാക്കുഡ നെറ്റ്‌വര്‍ക്ക്‌സ് ഇന്ത്യ-കണ്‍ട്രി മാനേജര്‍ മുരളി ഉര്‍സ് പറഞ്ഞു.
എല്ലാ സിസ്റ്റത്തിലും ആന്റി വൈറസ് സംരക്ഷണം ഉണ്ടായിക്കൊള്ളണം എന്നില്ല. ഇത്തരം ആക്രമണങ്ങളെ എങ്ങനെ നേരിടണമെന്ന് എല്ലാവരും ബോധവാന്മാരായിക്കൊള്ളണമെന്നുമില്ല. ശരിയായ സൈബര്‍ സുരക്ഷാ സംവിധാനങ്ങളില്‍ നിക്ഷേപം നടത്തുന്നതും പ്രതിരോധ രീതികളെ കുറിച്ച് ബോധവാന്മാരായിരിക്കുന്നതും അത്യാവശ്യമാണ് എന്നും അദ്ദേഹം പറഞ്ഞു.
ജിമെയില്‍ അക്കൗണ്ടുകള്‍ ഉപയോഗിച്ചാണ് കൂടുതലും ഫിഷിങ് ആക്രമണം നടത്തുന്നത്. പ്രിന്‍സിപ്പാള്‍, ഡിപ്പാര്‍ട്ട് മെന്റ് മേധാവി, പ്രസിഡന്റ് എന്നിവരുടെയെല്ലാം ഇമെയില്‍ ഐഡികള്‍ക്ക് സമാനമായ അക്കൗണ്ടുകള്‍ സൃഷ്ടിച്ചാണ് ഇവ ആളുകളെ കബളിപ്പിക്കുന്നത്. ഒപ്പം ശ്രദ്ധയാകര്‍ഷിക്കുന്നതും പ്രധാനപ്പെട്ടത് എന്ന് തോന്നിക്കുന്നതുമായ സബ്ജക്ടും ഇമെയിലിന് നല്‍കിയിട്ടുണഅടാവും.
കോവിഡ്-19 പുതിയ അപ്‌ഡേറ്റുകള്‍, കോവിഡ്-19 സ്‌കൂള്‍ മീറ്റിങ്, കോവിഡ്-19 അപ്‌ഡേറ്റ് പോലുള്ളവ അത്തരം സബ്ജക്ടുകള്‍ക്ക് ഉദാഹരണമാണ്.
Content Highlights: Cyberattacks hit over 1,000 schools, colleges between June-Sept
ശാസ്ത്ര സാങ്കേതിക വിദ്യാ രംഗത്തെ കൂടുതല്‍ വാര്‍ത്തകള്‍ ടെലഗ്രാം വഴി അറിയാം ഗ്രൂപ്പില്‍ അംഗമാവൂ... ക്ലിക്ക് ചെയ്യൂ: https://t.me/technews_mbi
Also Watch
IN CASE YOU MISSED IT
Premium
.jpg?$p=aa62323&f=1x1&w=100&q=0.8)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..