Photo: GooglePlaystore
യുഎസ് ഉള്‍പ്പടെ പലരാജ്യങ്ങളും നിരോധന ഭീഷണി നേരിടുകയാണ് ടിക് ടോക്ക്. ചൈനീസ് ബന്ധമുള്ള കമ്പനിയായതാണ് ടിക് ടോക്കിന് കാണുന്ന വലിയ പ്രശ്‌നം. ഈ പ്രശ്‌നങ്ങള്‍ക്കിടെ യുഎസില്‍ പുതിയ ആപ്പ് അവതരിപ്പിച്ചിരിക്കുകയാണ് ടിക് ടോക്കിന്റെ മാതൃസ്ഥാപനമായ ബൈറ്റ്ഡാന്‍സ്.
'ലെമണ്‍8' എന്നാണ് പുതിയ ആപ്ലിക്കേഷന്റെ പേര്. ഗൂഗിളിന്റേയും ആപ്പിളിന്റെയും ആപ്പ് സ്റ്റോറുകളില്‍ ഇത് ലഭ്യമാണ്. ഫാഷന്‍, യാത്ര, പാചകം, ഫിറ്റ്‌നസ് തുടങ്ങിയ വിഷയങ്ങള്‍ കേന്ദ്രീകരിച്ചുകൊണ്ടാണ് ലെമണ്‍8 അവതരിപ്പിച്ചിരിക്കുന്നത്. ചിത്രങ്ങളും വീഡിയോകളും പങ്കുവെക്കാം. ഇന്‍സ്റ്റാഗ്രാമിന്റേയും പിന്‍ട്രസ്റ്റിന്റെയും ഒരു സങ്കര രൂപം എന്ന് ഇതിനെ വിശേഷിപ്പിക്കാം. പിന്‍ട്രസ്റ്റിന് സമാനമാണ് ഇതിലെ ഉള്ളടക്കങ്ങള്‍ പ്രദര്‍ശിപ്പിച്ചിരിക്കുന്ന രീതി.
അതേസമയം 'ഷിയാഹോങ്ഷു' എന്ന ചൈനീസ് ആപ്പിന് സമാനമാണ് ലെമണ്‍8 എന്ന് റിപ്പോര്‍ട്ടുകള്‍ പറയുന്നു. 2020 ല്‍ ജപ്പാനിലാണ് ലെമണ്‍8 ആപ്പ് ആദ്യം അവതരിപ്പിച്ചത്.
ലെമണ്‍8 ല്‍ ക്രിയേറ്ററാവാന്‍ ടിക് ടോക്ക് ക്രിയേറ്റര്‍മാരെ കമ്പനി ക്ഷണിക്കുകയും ചെയ്തിരുന്നു. ടിക് ടോക്കിന്റെ സ്വീകാര്യതയില്‍ ലെമണ്‍8ന്റെ പ്രചാരം വര്‍ധിപ്പിക്കാനുള്ള ശ്രമം കമ്പനി നടത്തുന്നുണ്ട്.
യുഎസില്‍ 15 കോടി ഉപഭോക്താക്കളാണ് ടിക് ടോക്കിനുള്ളത്. ഈ വിജയം ലെമണ്‍8 ല്‍ ആവര്‍ത്തിക്കാനും കമ്പനി ലക്ഷ്യമിടുന്നു. ബൈറ്റ്ഡാന്‍സിനെ ലക്ഷ്യമിട്ടുള്ള യുഎസ് ഭരണകൂടത്തിന്റെ നടപടികളുടെ പശ്ചാത്തലത്തില്‍ ലെമണ്‍8 ന് യുഎസില്‍ പച്ചപിടിക്കുക എളുപ്പമാവില്ല.
Content Highlights: bytedance launched lemon8 in US
ശാസ്ത്ര സാങ്കേതിക വിദ്യാ രംഗത്തെ കൂടുതല്‍ വാര്‍ത്തകള്‍ ടെലഗ്രാം വഴി അറിയാം ഗ്രൂപ്പില്‍ അംഗമാവൂ... ക്ലിക്ക് ചെയ്യൂ: https://t.me/technews_mbi
Also Watch
RELATED STORIES
.jpg?$p=1990e2a&f=1x1&w=100&q=0.8)
IN CASE YOU MISSED IT
.jpg?$p=bfb1b63&f=1x1&w=100&q=0.8)
.jpg?$p=ae5af18&f=1x1&w=100&q=0.8)
.jpg?$p=bfb1b63&q=0.8&f=16x11&w=104)
.jpg?$p=3c0c101&q=0.8&f=16x11&w=104)
.jpg?$p=ae5af18&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..