Blue Origine Lunar Lander | Photo: Jeff Bezos
ആര്‍ട്ടെമിസ് 5 ദൗത്യത്തില്‍ മനുഷ്യനെ ചന്ദ്രനില്‍ ഇറക്കാനുള്ള ലൂണാര്‍ ലാന്റര്‍ നിര്‍മിക്കുന്നതിനായി ജെഫ് ബെസോസിന്റെ ഉടമസ്ഥതയിലുള്ള ബ്ലൂ ഒറിജിനെ നാസ തിരഞ്ഞെടുത്തു. വ്യാഴാഴ്ചയാണ് നാസ ഈ വിവരം പ്രഖ്യാപിച്ചത്. ബ്ലൂ മൂണ്‍ ലാന്ററിന്റെ രൂപകല്‍പനയ്ക്കും നിര്‍മാണത്തിനും പരീക്ഷണത്തിനും മറ്റുമായി 340 കോടി ഡോളര്‍ (28165 കോടി രൂപ) കരാര്‍ തുകയായി ബ്ലൂ ഒറിജിന് നല്‍കി.
മനുഷ്യന്റെ ചാന്ദ്ര പര്യവേക്ഷണയാത്രകള്‍ക്ക് അനുയോജ്യമായ വിധത്തിലായിരിക്കണം ലാന്ററിന്റെ രൂപകല്‍പന. ചന്ദ്രോപരിതലത്തില്‍ ഇറങ്ങുന്നതിനും നാസ ചന്ദ്രന്റെ ഭ്രമണ പഥത്തില്‍ സ്ഥാപിക്കാന്‍ പദ്ധതിയിട്ടിരിക്കുന്ന ഗേറ്റ് വേ എന്ന ബഹിരാകാശ നിലയവുമായി ബന്ധിപ്പിക്കുന്നതിനും സാധിക്കണം. ബ്ലൂ ഒറിജിന് നിര്‍മിക്കുന്ന ലാന്ററില്‍ മനുഷ്യര്‍ യാത്ര ചെയ്യുന്നതിന് മുമ്പ് ലാന്ററിന്റെ ആളില്ലാ പരീക്ഷണം നടത്തുന്നതും കൂടി ഉള്‍പ്പെടുന്നതാണ് കരാര്‍.
ആര്‍ട്ടെമിസ് 5 ദൗത്യം ഇങ്ങനെ
നാല് ബഹിരാകാശ സഞ്ചാരികളാണ് ആര്‍ട്ടെമിസ് 5 ദൗത്യത്തിന്റെ ഭാഗമായി ചന്ദ്രനിലേക്ക് പുറപ്പെടുക. നാസയുടെ സ്‌പേസ് ലോഞ്ച് സിസ്റ്റം റോക്കറ്റിലായിരിക്കും വിക്ഷേപണം. ഓറിയോണ്‍ പേടകത്തിലായിരിക്കും ബഹിരാകാശ സഞ്ചാരികളുടെ യാത്ര.
ഓറിയോണ്‍ പേടകം ചന്ദ്രന്റെ ഭ്രമണപഥത്തിലുള്ള ഗേറ്റ് വേ ബഹിരാകാശ നിലയവുമായി ബന്ധിപ്പിക്കുകയും യാത്രികര്‍ ബഹിരാകാശ നിലയത്തിലേക്ക് മാറുകയും ചെയ്യും. പിന്നീട് നാല് യാത്രികരില്‍ രണ്ട് പേര്‍ ബ്ലൂ ഒറിജിന് നിര്‍മിക്കുന്ന ലാന്റിങ് സംവിധാനത്തിലേക്ക് മാറുകയും ചന്ദ്രന്റെ ദക്ഷിണ ദ്രുവത്തില്‍ ഇറങ്ങുകയും ചെയ്യും. ഒരാഴ്ച നീളുന്ന ദൗത്യമായിരിക്കും ഇത്.
എസ്എല്‍എസ് റോക്കറ്റില്‍ ഉപയോഗിച്ച ദ്രവ ഓക്‌സിജനും ദ്രവ ഹൈഡ്രജനും ഇന്ധനമാക്കിയാകും തങ്ങള്‍ നിര്‍മിക്കുന്ന ലാന്റര്‍ എന്ന് ബ്ലൂ ഒറിജിന് പറയുന്നു. ചന്ദ്രനില്‍ എവിടെയും കൃത്യമായി ഇറങ്ങാന്‍ ഇതിന് സാധിക്കും.
ഉയര്‍ന്ന ഊര്‍ജക്ഷമതയുള്ള ഇന്ധനമാണ് ദ്രവ ഓക്‌സിജനും ദ്രവ ഹൈഡ്രജനും എങ്കിലും ഇത് കൈകാര്യം ചെയ്യുന്നത് പ്രയാസകരമായതിനാല്‍ അപ്പോളോ ലാന്ററുകള്‍ ഉള്‍പ്പടെയുള്ള ലാന്റര്‍ ദൗത്യങ്ങള്‍ക്ക് ഹൈഡ്രാസിനും നൈട്രജന്‍ ടെട്രോക്‌സൈഡുമാണ് ഉപയോഗിച്ചുവരുന്നത്.
സ്‌പേസ് എക്‌സിനും കരാര്‍
ആര്‍ട്ടെമിസ് 3 ദൗത്യത്തിന് വേണ്ടിയുള്ള ലൂണാര്‍ ലാന്ററിന്റെ കരാര്‍ നല്‍കിയിരിക്കുന്നത് സ്‌പേസ് എക്‌സിനാണ്. ആര്‍ട്ടെമിസ് 4 ദൗത്യത്തിന് വേണ്ടിയുള്ള ലാന്ററും സ്‌പേസ് എക്‌സ് രൂപകല്‍പന ചെയ്യുന്നുണ്ട്. ഇതിന്റെ കരാര്‍ നല്‍കിയിട്ടില്ല.
ആര്‍ട്ടെമിസ് 3 ദൗത്യത്തില്‍ നാല് പേരാണ് ഓറിയോണ്‍ പേടകത്തില്‍ യാത്ര ചെയ്യുക. ഇതില്‍ രണ്ട് പേരെ ഗേറ്റ് വേയില്‍ നിന്ന് സ്‌പേസ് എക്‌സിന്റെ ലാന്‍ഡിങ് സംവിധാനത്തിലേക്ക് മാറ്റും. ഒരാഴ്ച ചന്ദ്രനില്‍ കഴിഞ്ഞ ശേഷം തിരികെ ഗേറ്റ് വേയിലെത്തുകയും ഒറിയോണ്‍ പേടകത്തില്‍ ഭൂമിയിലേക്ക് തിരികെ ഇറങ്ങുകയും ചെയ്യും.
Content Highlights: Blue Origin selected to build NASA’s Artemis V lunar lander
ശാസ്ത്ര സാങ്കേതിക വിദ്യാ രംഗത്തെ കൂടുതല്‍ വാര്‍ത്തകള്‍ ടെലഗ്രാം വഴി അറിയാം ഗ്രൂപ്പില്‍ അംഗമാവൂ... ക്ലിക്ക് ചെയ്യൂ: https://t.me/technews_mbi
Also Watch
RELATED STORIES
.jpg?$p=430c1f1&f=1x1&w=100&q=0.8)
IN CASE YOU MISSED IT
.jpg?$p=bfb1b63&f=1x1&w=100&q=0.8)
.jpg?$p=ae5af18&f=1x1&w=100&q=0.8)
.jpg?$p=bfb1b63&q=0.8&f=16x11&w=104)
.jpg?$p=3c0c101&q=0.8&f=16x11&w=104)
.jpg?$p=ae5af18&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..