ആഗോള സെമികണ്ടക്ടര്‍ ക്ഷാമം നേരിടാന്‍ യു.എസ്. പ്രസിഡന്റ് ജോ ബൈഡന്റെ ഇടപെടല്‍


ചിപ്പ് ക്ഷാമത്തിന്റ പ്രത്യാഘാതങ്ങളെ കുറിച്ച് ഉഭയകക്ഷി അംഗങ്ങളും വ്യവസായപ്രമുഖരും നല്‍കിയ മുന്നറിയിപ്പിന്റെ ഫലമായാണ് നടപടി.

US President Joe Biden | Photo: Gettyimages

രോഗ്യ മേഖലമുതല്‍ വാഹന നിര്‍മാണ മേഖലയെ വരെ ബാധിക്കുന്ന ആഗോള സെമികണ്ടക്ടര്‍ ക്ഷാമം നേരിടുന്നതിനായി യു.എസ്. പ്രസിഡന്റ് ജോ ബൈഡന്‍ വ്യാഴാഴ്ച ഒരു എക്‌സിക്യൂട്ടീവ് ഉത്തരവില്‍ ഒപ്പിട്ടു.

സെമികണ്ടക്ടറുകള്‍, ഇലക്ട്രിക് വാഹനങ്ങളില്‍ ഉപയോഗിക്കുന്ന നൂതന ബാറ്ററികള്‍ എന്നിവയുള്‍പ്പെടെയുള്ള പ്രധാന ഉല്‍പ്പന്നങ്ങളുടെ 100 ദിവസത്തെ അവലോകനവും തുടര്‍ന്ന് സമ്പദ് വ്യവസ്ഥയുടെ ആറ് മേഖലകളെക്കുറിച്ച് വിശാലവും ദീര്‍ഘകാലവുമായ അവലോകനം നടത്താനുമാണ് ഉത്തരവ് നിർദേശിക്കുന്നത്. ഇതുവഴി വിതരണ ശൃംഖലകളെ ശക്തിപ്പെടുത്തുന്നതിന് വേണ്ട മാര്‍ഗനിര്‍ദേശങ്ങള്‍ നല്‍കും. അവ വേഗം നടപ്പിലാക്കുകയാണ് ലക്ഷ്യമെന്നും ഉത്തരവില്‍ ഒപ്പിടുന്നതിന് മുമ്പായി നടന്ന പത്രസമ്മളനത്തില്‍ ബൈഡന്‍ പറഞ്ഞു.

ചിപ്പ് ക്ഷാമത്തിന്റ പ്രത്യാഘാതങ്ങളെ കുറിച്ച് ഉഭയകക്ഷി അംഗങ്ങളും വ്യവസായപ്രമുഖരും നല്‍കിയ മുന്നറിയിപ്പിന്റെ ഫലമായാണ് നടപടി. ചിപ്പുകള്‍ എന്ന് പൊതുവില്‍ വിളിക്കപ്പെടുന്ന സെമികണ്ടക്ടറുകള്‍ ഫോണുകള്‍, ഇലക്ട്രിക് വാഹനങ്ങള്‍, മെഡിക്കല്‍ ഉപകരണങ്ങള്‍ എന്നിവയിലെല്ലാം ഉപയോഗിക്കുന്നുണ്ട്. രാജ്യത്തിന്റെ സമ്പദ്ഘടനയെയും സുരക്ഷയെയും ബാധിക്കുന്ന വിഷയമാണിതെന്നും വിദഗ്ദര്‍ മുന്നറിയിപ്പ് നല്‍കുന്നു.

കോവിഡ് വ്യാപനമാണ് സെമികണ്ടക്ടര്‍ വിതരണ ശൃംഖലയ്ക്ക് തിരിച്ചടിയായത്. സെമികണ്ടക്ടര്‍ നിര്‍മാണത്തിന്റെ 12.5 ശതമാനം മാത്രമാണ് യു.എസിലുള്ളത്. ചൈന, തായ്‌വാന്‍ പോലുള്ള രാജ്യങ്ങളിലാണ് ഭൂരിഭാഗം ചിപ്പുകളും നിര്‍മിക്കുന്നത്. ആരോഗ്യ രംഗത്തെ പ്രതിസന്ധി രൂക്ഷമായത് വിദേശ രാജ്യങ്ങളുമായുള്ള വിതരണ ശൃംഖലയില്‍ പ്രതിസന്ധി സൃഷ്ടിക്കുന്നതിനിടയാക്കി. ഇത് രാജ്യത്തെ വിവിധ വ്യവസായ മേഖലകളെ ബാധിക്കുന്നതാണ്.

ജനറല്‍ മോട്ടോര്‍സ്, ടൊയോട്ട, ഫോര്‍ഡ് ഉള്‍പ്പടെയുള്ള വന്‍കിട കമ്പനികള്‍ ചിപ്പ് ക്ഷാമത്തെ തുടര്‍ന്ന് ഉല്‍പാദനം വെട്ടിക്കുറച്ചിരുന്നു. കംപ്യൂട്ടര്‍ ഉപകരണങ്ങള്‍ക്ക് ആവശ്യക്കാരേറിയതും ലോക്ക്ഡൗണ്‍ നിയന്ത്രണങ്ങള്‍ നീങ്ങിയതിന് പിന്നാലെ വിവിധ വ്യവസായ മേഖലകള്‍ ഒന്നിച്ച പ്രവര്‍ത്തനമാരംഭിച്ചതും ചിപ്പുകള്‍ക്ക് പെട്ടെന്ന് ആവശ്യമേറുന്നതിനിടയാക്കി.

ക്വാല്‍കോം, മീഡിയാടെക്, ഇന്റല്‍, എന്‍വിഡിയ പോലുള്ള കമ്പനികളെല്ലാം തങ്ങള്‍ പ്രതിസന്ധി നേരിടുന്നതായി വെളിപ്പെടുത്തിയിരുന്നു.

Content Highlights: Biden signs executive order to address chip shortage

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

08:25

'ദർശന' പാടിയും മലയാളം പറഞ്ഞും പഠിച്ചും വിജയ് ദേവരകൊണ്ടയും അനന്യയും

Aug 19, 2022


dr mk muneer

1 min

ലിംഗസമത്വമെങ്കില്‍ ആണ്‍കുട്ടിയുമായി പുരുഷന്‍ ബന്ധപ്പെട്ടാല്‍ പോക്‌സോ എടുക്കുന്നതെന്തിന്- M.K. മുനീർ

Aug 18, 2022


06:18

നിവേദ്യം കള്ള്, നേര്‍ച്ചയായി കിട്ടിയത് 101 കുപ്പി ഓള്‍ഡ് മങ്ക് റം; കേരളത്തിലെ ഏക ദുര്യോധന ക്ഷേത്രം

Mar 26, 2022

Most Commented