ഇന്ധനച്ചോർച്ച, എൻജിൻ തകരാർ: ആർട്ടെമിസ്-1 ദൗത്യം മാറ്റി


twitter.com/NASA

കേപ് കനവെറൽ: അരനൂറ്റാണ്ടിനുശേഷം മനുഷ്യനെ ചന്ദ്രനിലെത്തിക്കാനുള്ള നാസയുടെ ആർട്ടെമിസ് ദൗത്യത്തിന്റെ ഒന്നാംഘട്ടം മാറ്റി. ഇന്ധനച്ചോർച്ചയും എൻജിൻ തകരാറുമാണ് കാരണം. വെള്ളിയാഴ്ചയ്ക്കു മുമ്പ് അടുത്ത വിക്ഷേപണശ്രമമുണ്ടാകില്ലെന്ന് നാസ അറിയിച്ചു.

മനുഷ്യന്റെ രണ്ടാംചന്ദ്രയാത്രയ്ക്ക് മുന്നോടിയായുള്ള സ്പെയ്സ് ലോഞ്ച് സിസ്റ്റം (എസ്.എൽ.എസ്.) റോക്കറ്റിന്റെ പരീക്ഷണക്കുതിപ്പാണ് അമേരിക്കയിലെ ഫ്ളോറിഡ കെന്നഡി സ്പേസ് സെന്ററിൽ നടക്കേണ്ടിയിരുന്നത്. ചന്ദ്രനെ ചുറ്റാനുള്ള ഒറിയോൺ ക്യാപ്‌സ്യൂളുമായി തിങ്കളാഴ്ച ഇന്ത്യൻ സമയം വൈകീട്ട് 6.03-ന് (അമേരിക്കൻ സമയം രാവിലെ 8.33) കുതിക്കേണ്ടതായിരുന്നു എസ്.എൽ.എസ്.

എന്നാൽ, റോക്കറ്റിൽ നിറച്ച ഇന്ധനം ചോരാൻ തുടങ്ങി. ശീതീകരിച്ച 10 ലക്ഷം ഗാലൻ ഹൈഡ്രജനും ഓക്സിജനുമാണ് ഇതിലെ ഇന്ധനം. ചോർച്ച പരിഹരിക്കാനുള്ള ശ്രമം നടക്കുമ്പോൾ റോക്കറ്റിലെ പ്രധാനപ്പെട്ട നാല് എൻജിനുകളിൽ ഒന്നിന്റെ പ്രവർത്തനം തകരാറിലായി. എന്തുകൊണ്ടാണ് ഇതുസംഭവിച്ചതെന്നു പരിശോധിക്കുകയാണ് എൻജിനിയർമാർ. നാസ ഇതുവരെ നിർമിച്ചിട്ടുള്ള ഏറ്റവും കരുത്തുറ്റ റോക്കറ്റാണ് 98 മീറ്റർ ഉയരമുള്ള എസ്.എൽ.എസ്.

ചരിത്രദൗത്യത്തിന് സാക്ഷ്യം വഹിക്കാൻ യു.എസ്. വൈസ് പ്രസിഡന്റ് കമല ഹാരിസ് ഉൾപ്പെടെ പതിനായിരങ്ങളാണ് ഫ്ളോറിഡയിലെ കെന്നഡി സ്പേസ് സെന്ററിനടുത്ത കടപ്പുറത്ത് തടിച്ചുകൂടിയത്. അവരെ നിരാശരാക്കിക്കൊണ്ടാണ് വിക്ഷേപണം മാറ്റിയെന്ന അറിയിപ്പുവന്നത്.

ആർട്ടെമിസ്-1 എന്നു വിളിക്കുന്ന ഈ ദൗത്യത്തിൽ മനുഷ്യരെ അയക്കുന്നില്ല. 2025-ൽ പദ്ധതിയിടുന്ന ആർട്ടെമിസ്-3 ദൗത്യത്തിലാകും മനുഷ്യൻ ചന്ദ്രനിലിറങ്ങുക.

Content Highlights: artemis 1 Countdown clock put on hold

ശാസ്ത്ര സാങ്കേതിക വിദ്യാ രംഗത്തെ കൂടുതല്‍ വാര്‍ത്തകള്‍ ടെലഗ്രാം വഴി അറിയാം ഗ്രൂപ്പില്‍ അംഗമാവൂ... ക്ലിക്ക് ചെയ്യൂ: https://t.me/technews_mbi


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
sreenath bhasi

1 min

അവതാരകയെ അപമാനിച്ച കേസ്; ശ്രീനാഥ് ഭാസിയെ ജാമ്യത്തില്‍വിട്ടു, കേസുമായി മുന്നോട്ടെന്ന് പരാതിക്കാരി

Sep 26, 2022


rahul Gandhi

3 min

നടന്നു പോകുന്ന മനുഷ്യാ... നിങ്ങൾക്കൊപ്പമെത്താൻ ഇന്ത്യയ്ക്കാവുമെന്നു തോന്നുന്നില്ല

Sep 26, 2022


wedding

2 min

വധു ഒഴികെ ആരും ക്യാമറ കണ്ടില്ല; ആ ക്ലിക്കിന് കിട്ടിയത് രണ്ടു ലക്ഷം രൂപ സമ്മാനം

Sep 25, 2022

Most Commented