Representational Image. Photo: AP
ആപ്പിളിന്റെ പുതിയ ഐഫോണ്‍ 12-നൊപ്പം ചാര്‍ജര്‍ നല്‍കണമെന്ന ഉത്തരവുമായി ബ്രസീലിയന്‍ സംസ്ഥാനമായ സാവോ പോളോ. ഇതുവഴി ഐഫോണ്‍ 12, ഐഫോണ്‍ 11, ഐഫോണ്‍ ടെന്‍ആര്‍ എന്നീ മോഡലുകളില്‍ ചാര്‍ജര്‍ അഡാപ്ടറും ലൈറ്റ്‌നിങ് കേബിളും ഉണ്ടാവും.
സാവോപോളോയിലെ കോടതിയുടെ ഉത്തരവ് സാവോപോളോയിലെ ഉപഭോക്തൃ സംരക്ഷണ ഏജന്‍സിയായ പ്രോകോണ്‍-എസ്പി അംഗീകരിക്കുകയായിരുന്നു.
ഐഫോണ്‍ ബോക്‌സില്‍ നിന്നും ചാര്‍ജര്‍ എന്തിന് ഒഴിവാക്കി എന്നത് സംബന്ധിച്ച് ഒക്ടോബറില്‍ ഏജന്‍സി ആപ്പിളിനോട് വിശദീകരണം ആവശ്യപ്പെട്ടിരുന്നു. ഈ തിരുമാനം ഉപയോക്താക്കളെ ബാധിക്കുമോ എന്നും പരിസ്ഥിതിയെ കാര്യമായി സ്വാധിനിക്കുമോയെന്നും ഏജന്‍സി ചോദിച്ചു.
ഭൂരിഭാഗം ഉപയോക്താക്കളുടേയും കയ്യില്‍ ചാര്‍ജര്‍ ഉണ്ടെന്നും അതിനാല്‍ ചാര്‍ജര്‍ ഒഴിവാക്കുന്നതിലൂടെ കാര്‍ബണ്‍ വികിരണം കുറയ്ക്കാനാവുമെന്നുമായിരുന്നു ആപ്പിളിന്റെ പ്രതികരണം. എന്നാല്‍ ഈ വിശദീകരണത്തില്‍ ഏജന്‍സി തൃപ്തരായില്ല.
ഉല്‍പ്പന്നത്തിന്റെ ഉപയോഗത്തിന് ചാര്‍ജര്‍ അനിവാര്യമാണെന്നും അത് പ്രധാന ഉല്‍പ്പന്നത്തിനൊപ്പം നല്‍കാതിരിക്കുന്നത് നിയമവിരുദ്ധമാണെന്നും ഏജന്‍സി പറയുന്നു.
ആപ്പിളിന്റെ തീരുമാനത്തിന് വിരുദ്ധമായാണ് സാവോ പോളോ ഉത്തരവിറക്കിയിരിക്കുന്നത്. ഈ നടപടി രാജ്യ വ്യാപകമായി നടപ്പിലാക്കാന്‍ ബ്രസീലിലെ നാഷണല്‍ കണ്‍സ്യൂമര്‍ സെക്രട്ടറി ശ്രമിക്കുന്നുണ്ട്. എന്തായാലും കോടതിയുടെ ഉത്തരവ് ബാധകമാവുന്നയിടങ്ങളിലെല്ലാം ആപ്പിളിന് ഐഫോണ്‍ 12 മോഡലുകള്‍ക്കൊപ്പം ചാര്‍ജര്‍ കൂടി നല്‍കേണ്ടി വരും.
നേരത്തെ ഫ്രാന്‍സും സമാനമായ ഉത്തരവ് ഇറക്കിയിരുന്നു.
Content Highlights: apple forced to ship charger with iphone 12 units
Also Watch
RELATED STORIES
IN CASE YOU MISSED IT
.jpg?$p=ae5af18&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..