ആമസോണിലെ ഫ്രീഡം സെയില്‍ ആരംഭിച്ചിരിക്കുകയാണ്. ആപ്പിളിന്റെ ഐഫോണ്‍ 11 നും ഐഫോണ്‍ 8 പ്ലസിനും 10000 രൂപ വരെ വിലക്കിഴിവാണുള്ളത്. 

ഐഫോണ്‍ 11 (64 ജിബി, കറുപ്പ്) ന് ആമസോണില്‍ 62,900 രൂപയാണ് വില. നേരത്തെ 68,300 രൂപയ്ക്കാണ് വിറ്റിരുന്നത്. ഇതിന്റെ 128 ജിബി മോഡല്‍ 68900 രൂപയ്ക്കും വാങ്ങാം. 256 ജിബി മോഡലിന് 84,100 രൂപയാണ് വില.

ഫ്രീഡം സെയിലിന്റെ ഭാഗമായി എസ്ബിഐ ക്രെഡിറ്റ് കാര്‍ഡോ ക്രെഡിറ്റ് കാര്‍ഡ് ഇഎംഐയോ ഉപയോഗിക്കുന്നവര്‍ക്ക് ഏറ്റവും കുറഞ്ഞത് 5000 രൂപയുടെ ഓര്‍ഡറിന് 1500 രൂപ വിലക്കിഴിവ് ലഭിക്കും. 

എക്‌സ്‌ചേഞ്ചിലൂടെ ഐഫോണ്‍ 11ന്റെ 64 ജിബി മോഡലിന് 11,200 രൂപവരെ ലഭിക്കും. 

ഇത് കൂടാതെ ഐഫോണ്‍ 8 പ്ലസും വിലക്കിഴിവില്‍ വാങ്ങാന്‍ അവസരം ഉണ്ട്. ഇതിന്റെ 64 ജിബി പതിപ്പിന് 39,900 രൂപയാണ് വില. 77,560 രൂപയില്‍ നിന്നാണ് വില കുറഞ്ഞത്. 

എസ്ബിഐ ക്രെഡിറ്റ് കാര്‍ഡ് ഓഫറും ലഭിക്കും. എക്‌സ്‌ചേഞ്ച് വഴി 11200 രൂപ വരെ ലഭിക്കും.  

മറ്റ് സ്മാര്‍ട്‌ഫോണുകള്‍ക്കും ആമസോണില്‍ വിലക്കിഴിവുണ്ട്. ഗാലക്‌സി എം സീരീസ് ഫോണുകള്‍ക്ക് സാംസങ് ആറ് മാസത്തെ ഇഎംഐ വാഗ്ദാനം ചെയ്യുന്നുണ്ട്. പ്രീമിയം സാംസങ് ഫോണുകള്‍ക്ക് 25000 രൂപവരെ എക്‌സ്‌ചേഞ്ച് ഓഫറായും ലഭിക്കും.