ലേലം കഴിഞ്ഞയുടന്‍ എയര്‍ടെല്‍ 5 ജി പ്രവര്‍ത്തനം ആരംഭിക്കും; നിരക്കുകള്‍ 4 ജി പ്ലാനുകള്‍ക്ക് സമാനം


സ്‌പെക്ട്രം ലേലം കഴിഞ്ഞ് രണ്ടോ മൂന്നോ മാസത്തിനുള്ളില്‍ 5ജി സേവനം ആരംഭിക്കുമെന്നാണ് എയര്‍ടെല്‍ സിടിഒ രണ്‍ദീപ് ശെഖോന്‍ പറഞ്ഞത്.

Image: Mathrubhumi.com

5 ജി സ്‌പെക്ട്രം ലേലം സര്‍ക്കാര്‍ പൂര്‍ത്തിയാക്കിയതിന് പിന്നാലെ തന്നെ രാജ്യത്ത് 5 ജി സേവനങ്ങള്‍ ആരംഭിക്കുമെന്ന് എയര്‍ടെല്‍. എയര്‍ടെലിന്റെ 5ജി സാങ്കേതികവിദ്യാ പ്രദര്‍ശനം സംഘടിപ്പിക്കുന്ന ഒരു പരിപാടിയില്‍ എയര്‍ടെലിന്റെ ഒരു ഉന്നത ഉദ്യോഗസ്ഥനാണ് ഇക്കാര്യം വ്യക്തമാക്കിയത്.

രാജ്യത്തെ ഏറ്റവും വലിയ ടെലികോം നെറ്റ് വര്‍ക്കായ റിലയന്‍സ് ജിയോയെ നേരിടാനാണ് എയര്‍ടെല്‍ ലക്ഷ്യമിടുന്നത്. ഗുരുഗ്രാമിലെ കമ്പനിയുടെ നെറ്റ് വര്‍ക്ക് എക്‌സ്പീരിയന്‍സ് സെന്ററില്‍ എയര്‍ടെല്‍ 5ജി നെറ്റ് വര്‍ക്കിന്റെ മാതൃക പരീക്ഷിച്ചു. ടെലികോം വകുപ്പ് അനുവദിച്ച 3500 മെഗാഹെര്‍ട്‌സ് ബാന്റ് സ്‌പെക്ട്രത്തിലായിരുന്നു പരീക്ഷണം.

സ്‌പെക്ട്രം ലേലം കഴിഞ്ഞ് രണ്ടോ മൂന്നോ മാസത്തിനുള്ളില്‍ 5ജി സേവനം ആരംഭിക്കുമെന്നാണ് എയര്‍ടെല്‍ സിടിഒ രണ്‍ദീപ് ശെഖോന്‍ പറഞ്ഞത്. 4ജി പ്ലാനുകള്‍ക്ക് സമാനമായ പ്ലാനുകളായിരിക്കും 5ജിയ്ക്കുമുണ്ടാവുകയെന്നും അദ്ദേഹം പറഞ്ഞു.

1983 ലെ ലോകകപ്പ് ക്രിക്കറ്റില്‍ 175 റണ്‍സ് നേടിയ കപില്‍ ദേവിന്റെ പ്രകടനം പുനരാവിഷ്‌കരിച്ച 4കെ വീഡിയോ എയര്‍ടെലിന്റെ 5ജി നെറ്റ് വര്‍ക്കില്‍ പ്ലേ ചെയ്ത് പരീക്ഷിച്ചിരുന്നു. സെക്കന്റില്‍ 200 എംബി ശരാശരി വേഗവും 20 മില്ലി സെക്കന്റ് ലേറ്റന്‍സിയുമുള്ള നെറ്റ് വര്‍ക്കില്‍ ഒരേ സമയം 50 പേരാണ് വീഡിയോ പ്ലേ ചെയ്തത്.

5ജി നെറ്റ് വര്‍ക്കിന്റെ പ്രദര്‍ശനത്തിനായി കപില്‍ ദേവിന്റെ ഹോളോഗ്രാം പ്രദര്‍ശനവും നടന്നു.

കഴിഞ്ഞ വര്‍ഷം ഹൈദരാബാദിലും 5ജി നെറ്റ് വര്‍ക്ക് പരീക്ഷിച്ചു. ജൂണില്‍ ഗുരുഗ്രാമില്‍ സെക്കന്റില്‍ ഒരു ജിബിയിലധികം വേഗത്തില്‍ 5ജി പരീക്ഷിക്കുകയുണ്ടായി.

ക്വാല്‍കോമുമായി സഹകരിച്ചാണ് എയര്‍ടെല്‍ രാജ്യത്ത് 5ജി സാങ്കേതിക വിദ്യ എത്തിക്കുന്നത്.

ജിയോയും ഒരു ജിബിപിഎസ് വേഗത്തില്‍ 5ജി പരീക്ഷിച്ചിരുന്നു. ഗൂഗിള്‍, ഇന്റല്‍, ക്വാല്‍കോം എന്നിവരുമായി സഹകരിച്ചാണ് ജിയോ 5ജി നെറ്റ് വര്‍ക്ക് തയ്യാറാക്കുന്നത്.

Content Highlights: airtel to rollout 5g networks soon after spectrum auction

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
arvind kejriwal, sabu m jacob

1 min

കേരളവും പിടിക്കുമെന്ന് കെജ്‌രിവാള്‍; ട്വന്റി ട്വന്റിയുമായി ആം ആദ്മി പാര്‍ട്ടി സഖ്യം പ്രഖ്യാപിച്ചു

May 15, 2022


Nikhila Vimal

1 min

കോഴിക്കും മീനിനും ഇല്ലാത്ത ഇളവ് പശുവിന് എന്തിന്? ഞാൻ എന്തും കഴിക്കും- നിഖില വിമൽ

May 14, 2022


ജിഫ്രി മുത്തുക്കോയ തങ്ങൾ,എം.പി അബ്ദുള്ള മുസ്ലിയാർ

1 min

മുതിര്‍ന്ന പെണ്‍കുട്ടികളെ സ്റ്റേജിലേക്ക് വിളിക്കരുത്; പെണ്‍വിലക്കില്‍ സമസ്തയുടെ വിശദീകരണം

May 14, 2022

More from this section




Most Commented