എയര്‍ടെല്‍ പ്രീപെയ്ഡ് പ്ലാനുകളുടെ നിരക്കുവര്‍ധന മറികടക്കാം; ദൈർഘ്യമേറിയ പ്ലാനുകളിലൂടെ


1.5 ജിബി ഡാറ്റാ പ്ലാനുകള്‍ ഉപയോഗിക്കുന്ന ആളുകള്‍ക്ക് ഈ നിരക്ക് വര്‍ധന മറികടക്കാനുള്ള ഒരു വഴി എയര്‍ടെലിന്റെ വാര്‍ഷിക പ്ലാനുകളിലേക്ക് മാറുക എന്നുള്ളതാണ്.

മൊബൈല്‍ പ്രീപെയ്ഡ് നിരക്കുകള്‍ എയര്‍ടെല്‍ വര്‍ധിപ്പിച്ചിരിക്കുകയാണ്. 20 മുതല്‍ 25 ശതമാനം വരെയാണ് വര്‍ധനവുണ്ടാവുക. ഡാറ്റാ ടോപ്പ് അപ്പ് പ്ലാനുകളിലും 20 ശതമാനം വര്‍ധനവുണ്ട്.

'സാമ്പത്തികാരോഗ്യം' കണക്കിലെടുത്ത് നിരക്ക് വര്‍ധിപ്പിക്കാതെ കഴിയില്ലെന്ന് കമ്പനി വ്യക്തമാക്കി. 200 രൂപയെങ്കിലും ഒരു ഉപയോക്താവില്‍നിന്ന് ശരാശരി പ്രതിമാസം വരുമാനമായി ലഭിച്ചാല്‍മാത്രമെ മുന്നോട്ടുപോകാന്‍ കഴിയൂ എന്നാണ് കമ്പനി പറയുന്നത്. നവംബര്‍ 26 മുതലാണ് പുതുക്കിയ നിരക്കുകള്‍ പ്രാബല്യത്തില്‍ വരിക.

ജിയോ കഴിഞ്ഞാല്‍ ഇന്ത്യയില്‍ ഏറ്റവും അധികം വരിക്കാരുള്ള ടെലികോം സേവനദാതാവാണ് എയര്‍ടെല്‍. കമ്പനിയ്ക്ക് തങ്ങളുടെ ലാഭം നോക്കാതെ തരമില്ല എങ്കിലും ഈ നിരക്ക് വര്‍ധന ഉപഭോക്താക്കളെ സംബന്ധിച്ചിടത്തോളം പോക്കറ്റ് കാലിയാകുന്ന ഏര്‍പ്പാടാണ്.

എങ്കിലും ഈ നിരക്ക് വര്‍ധനയില്‍ നിന്ന് കുറച്ചു നാളെങ്കിലും മറികടന്നു നില്‍ക്കാന്‍ ഒരു വഴിയുണ്ട്. നവംബര്‍ 26 മുതലാണ് പുതിയ നിരക്കുകള്‍ പ്രാബല്യത്തില്‍ വരിക. അതായത് പഴയ നിരക്ക് ഇനിയും കുറച്ച് നാള്‍ കൂടി ലഭിക്കും.

1.5 ജിബി ഡാറ്റാ പ്ലാനുകള്‍ ഉപയോഗിക്കുന്ന ആളുകള്‍ക്ക് ഈ നിരക്ക് വര്‍ധന മറികടക്കാനുള്ള ഒരു വഴി എയര്‍ടെലിന്റെ വാര്‍ഷിക പ്ലാനുകളിലേക്ക് മാറുക എന്നുള്ളതാണ്.

അതിന് സാധിക്കാത്തവര്‍ക്ക് 84 ദിവസത്തെ പ്ലാനുകളെങ്കിലും തിരഞ്ഞെടുക്കാവുന്നതാണ്. പഴയ നിരക്കുകള്‍ അത്രയും നാള്‍കൂടി ഉപയോഗിക്കാമല്ലോ.

വാർഷിക പ്ലാനുകൾ

ഇപ്പോള്‍ നിലവിലുള്ള എയര്‍ടെലിന്റെ വാര്‍ഷിക പ്ലാനായ 1498 രൂപയുടെ പ്ലാന്‍ നിരക്ക് വര്‍ധിക്കുമ്പോള്‍ 1799 രൂപയാവും. ഈ പ്ലാനിനൊപ്പം ആകെ 24 ജിബി ഡാറ്റയും 3600 എസ്എംഎസും അണ്‍ലിമിറ്റഡ് കോളും ലഭിക്കും.

മറ്റൊരു വാര്‍ഷിക പ്ലാന്‍ 2498 രൂപയുടേതാണ്. ഈ പ്ലാന്‍ നിരക്ക് ഉയരുമ്പോള്‍ 2999 രൂപയാവും. ഈ പ്ലാനില്‍ പ്രതിദിനം രണ്ട് ജിബി ഡാറ്റ, അണ്‍ലിമിറ്റഡ് കോള്‍, ദിവസേന 100 എസ്എംഎസ് എന്നിവ ലഭിക്കും.

ഇത് കൂടാതെ 84 ദിവസത്തെ പ്ലാനുകളും റീച്ചാര്‍ജ് ചെയ്യാവുന്നതാണ്. മൂന്ന് മാസത്തേക്ക് അധിക നിരക്കില്‍ നിന്ന് രക്ഷപ്പെടാമല്ലോ!

379 രൂപയുടെ പ്ലാനാണ് അതിലൊന്ന്. 84 ദിവസത്തെ വാലിഡിറ്റിയില്‍ ആറ് ജിബി ഡാറ്റയാണ് ലഭിക്കുക. അണ്‍ലിമിറ്റഡ് കോള്‍, 900 എസ്എംഎസ് എന്നിവ ലഭിക്കും. ആമസോണ്‍ പ്രൈം വീഡിയോ മൊബൈല്‍ എഡിഷന്‍ ഫ്രീ ട്രയല്‍ സബ്‌സ്‌ക്രിപ്ഷനും ലഭിക്കും.

598 രൂപയുടെ പ്ലാനില്‍ പ്രതിദിനം 1.5 ജിബി ആസ്വദിക്കാം. ദിവസേന നൂറ് എസ്എംഎസും അണ്‍ലിമിറ്റഡ് കോളുകളും ഈ പ്ലാനിലുണ്ട്. ആമസോണ്‍ പ്രൈം വീഡിയോ മൊബൈല്‍ എഡിഷന്‍ ഫ്രീ ട്രയല്‍ സബ്‌സ്‌ക്രിപ്ഷനും ലഭിക്കും.

698 രൂപയുടെ പ്ലാനില്‍ രണ്ട് ജിബി ഡാറ്റയാണ് ദിവസേന ലഭിക്കുക. ഇത് കൂടാതെ ദിവസേന നൂറ് എസ്എംഎസും അണ്‍ലിമിറ്റഡ് കോളുകളും ഈ പ്ലാനിലുണ്ട്. ആമസോണ്‍ പ്രൈം വീഡിയോ മൊബൈല്‍ എഡിഷന്‍ ഫ്രീ ട്രയല്‍ സബ്‌സ്‌ക്രിപ്ഷനും ലഭിക്കും.

Content Highlights: Bharto Airtel Tariff hike, How to overcom, Yearly plans, New Tariff Rates

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Thalassery Overbury's Foley

1 min

തലശ്ശേരി പാര്‍ക്കിലെ കമിതാക്കളുടെ ഒളിക്യാമറ ദൃശ്യം പോണ്‍ സൈറ്റുകളില്‍; അപ്‌ലോഡ് ചെയ്തവരെ തേടി പോലീസ്

Jul 4, 2022


nedumbassery airport

1 min

ബാഗില്‍ എന്താണെന്ന വിമാന ജീവനക്കാരിയുടെ ചോദ്യം ഇഷ്ടപ്പെട്ടില്ല, ബോംബെന്ന് മറുപടി; അറസ്റ്റിലായി

Jul 3, 2022


pinarayi vijayan

3 min

ജീവിതത്തില്‍ ശുദ്ധി പുലര്‍ത്തിയാല്‍ തലകുനിക്കേണ്ടി വരില്ല, ഒരു ഉള്‍ക്കിടിലവുമില്ല- മുഖ്യമന്ത്രി 

Jul 4, 2022

Most Commented