രക്ഷകർത്താക്കൾ ശ്രദ്ധിക്കേണ്ട 21 സ്മാർട്ഫോൺ ആപ്പുകൾ- കേരള പോലീസ്


നിശ്ചിത പ്രായപരിധിയ്ക്ക് മുകളിലൂള്ളവർക്ക് വേണ്ടി മാത്രമായി ഒരുക്കിയിട്ടുള്ള ഈ ആപ്പുകളുടെ പട്ടികയിൽ കുട്ടികൾ ഏറെ ഉപയോഗിക്കുന്ന ടിക് ടോക്കും, ഇൻസ്റ്റാഗ്രാമും വരെ ഉണ്ടെന്നുള്ളതാണ് ശ്രദ്ധേയം.

Photo: Kerala Police facebook page

ൺലൈൻ ക്ലാസുകൾക്കും മറ്റുമായി കുട്ടികൾക്ക് സ്മാർട്ഫോണുകൾ സ്വതന്ത്രമായി നൽകുന്ന കാലമാണ്. സ്മാർട്ഫോണുകൾ അക്കാദമിക കാര്യങ്ങൾക്ക് ഏറെ ഉപയോഗപ്രദമായ ഉപകരണമാണെങ്കിലും രക്ഷിതാക്കളുടെ കർശന നിരീക്ഷണത്തിൻ കീഴിൽ അല്ലാതെ കുുട്ടികള്‍ക്ക് ഫോണുകൾ നൽകാൻ‌ പാടില്ല. അത് പല വിധ അപകടങ്ങളിലേക്കും നയിച്ചേക്കാം. ഇക്കാര്യം മുന്നിൽ കണ്ടുകൊണ്ട് രക്ഷിതാക്കൾ സൂക്ഷിക്കേണ്ട ചില മൊബൈൽ ആപ്പുകളെ കുറിച്ച് മുന്നറിയിപ്പ് നൽകുകയാണ് കേരള പോലീസ്.

നിശ്ചിത പ്രായപരിധിയ്ക്ക് മുകളിലൂള്ളവർക്ക് വേണ്ടി മാത്രമായി ഒരുക്കിയിട്ടുള്ള ഈ ആപ്പുകളുടെ പട്ടികയിൽ കുട്ടികൾ ഏറെ ഉപയോഗിക്കുന്ന ടിക് ടോക്കും, ഇൻസ്റ്റാഗ്രാമും വരെ ഉണ്ടെന്നുള്ളതാണ് ശ്രദ്ധേയം.

ഇത്തരം ആപ്പുകൾ ഒരു പക്ഷെ, പ്രായപൂർത്തിയായവർക്കോ വിനോദത്തിനോ വിജ്ഞാനത്തിനോ ആശയവിനിമയത്തിനോ വേണ്ടി ഉണ്ടാക്കിയതാകാം. പക്ഷെ, കുട്ടികൾ ഇത്തരം ആപ്പുകൾ ദുരുപയോഗം ചെയ്യാൻ സാധ്യതയുണ്ട്. അതിനാൽ രക്ഷകർത്താക്കൾ കുട്ടികൾക്ക് നൽകുന്ന ഫോണുകളിൽ ഇത്തരം ആപ്പുകൾ ഇൻസ്റ്റാൾ ചെയ്ത് ദുരുപയോഗം ചെയ്യുന്നുണ്ടോ എന്ന് ശ്രദ്ധിക്കണമെന്ന് കേരള പോലീസ് പങ്കുവെച്ച ഫെയ്സ്ബുക്ക് പോസ്റ്റിൽ പറയുന്നു.

beware of these apps
അപരിചിതരുമായി സംവദിക്കാനും കൂടിക്കാഴ്ച ഒരുക്കാനും സാധിക്കുന്ന whisper, Omegle, Ask.FM, Hot On Not പോലുള്ള ആപ്പുകളും, Yellow, Wishbone, Kik Messahing Kik, Meet Me, Grindr, Instagram, Burn Book, Snapchat, Tiktok, YikYak, Zoomerang, Telloymn, FacebookMessenger, Badoo, Bumble തുടങ്ങിയ ആപ്പുകളാണ് പോലീസ് പുറത്തുവിട്ട പട്ടികയിലുള്ളത്.

ഈ ആപ്പുകള്‍ ദുരുപയോഗം ചെയ്യപ്പെടുന്നുണ്ടെന്ന കണ്ടെത്തലിന്റെ പശ്ചാത്തലത്തിലാണ് പോലീസിന്റെ മുന്നറിയിപ്പ്. മുതിര്‍ന്നവരെ ലക്ഷ്യമിട്ടുള്ള ഇത്തരം ആപ്പുകള്‍ കുട്ടികള്‍ ഉപയോഗിക്കുന്നതായി ശ്രദ്ധയില്‍പെട്ടിട്ടുണ്ടെന്ന് പോലീസ് പറയുന്നു.

അതിനാല്‍, കുട്ടികള്‍ക്ക് നല്‍കിയിരിക്കുന്ന ഫോണുകളില്‍ അപരിചിതമായ ആപ്പുകള്‍ ഇന്‍സ്റ്റാള്‍ ചെയ്തിട്ടുണ്ടോ എന്നും അക്കൂട്ടത്തില്‍ പോലീസ് നല്‍കിയിരിക്കുന്ന പട്ടികയിലുള്ള ആപ്പുകള്‍ ഉണ്ടോ എന്നും ഇടക്കിടെ പരിശോധിക്കുക.

ശാസ്ത്ര സാങ്കേതിക വിദ്യാ രംഗത്തെ കൂടുതല്‍ വാര്‍ത്തകള്‍ ടെലഗ്രാം വഴി അറിയാം ഗ്രൂപ്പില്‍ അംഗമാവൂ... ക്ലിക്ക് ചെയ്യൂ: https://t.me/technews_mbi


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
kt kunhumon and atlas ramachandran

1 min

സിനിമയിൽ താൻ വളർത്തി വലുതാക്കിയവരാൽത്തന്നെ അവഹേളിതനായ രാമചന്ദ്രൻ; ഓർമക്കുറിപ്പുമായി കുഞ്ഞുമോൻ

Oct 3, 2022


Nude Library

വേണമെങ്കില്‍ വസ്ത്രം ധരിച്ചാല്‍ മതി; വ്യത്യസ്തമാണ് ഈ അമേരിക്കന്‍ ലൈബ്രറി

Dec 12, 2021


ATLAS RAMACHANDRAN

2 min

'ജനകോടികളുടെ വിശ്വസ്ത സ്ഥാപനം', തിരിച്ചുവരാന്‍ മോഹിച്ചിട്ടും നാടുകാണാതെ മടക്കം

Oct 3, 2022

Most Commented