-
ഷാവോമിയുടെ പുതിയ റെഡ്മി നോട്ട് 9 സ്മാര്‍ട്‌ഫോണ്‍ ഇന്ത്യന്‍ വിപണിയില്‍ അവതരിപ്പിച്ചു. മൂന്ന് വേരിയന്റുകളാണ് റെഡ്മി നോട്ട് 9 സ്മാര്‍ട്‌ഫോണിനുള്ളത്. നാല് ജിബി റാമില്‍ 64ജിബി, 128 ജിബി സ്റ്റോറേജ് ഓപ്ഷനുകളും, ആറ് ജിബി റാമില്‍ 128 ജിബി സ്റ്റോറേജ് ഓപ്ഷനും.
ഇതില്‍ നാല് ജിബി റാം, 64 ജിബി സ്റ്റോറേജ് പതിപ്പിന് വില 11,999 രൂപയാണ്. മറ്റ് പതിപ്പുകള്‍ക്ക് യഥാക്രമം 13,499 രൂപയും, 14999 രൂപയും ആണ് വില.
സവിശേഷതകള്‍
6.53 ഇഞ്ച് ഫുള്‍എച്ച്ഡിപ്ലസ് ഡോട്ട് ഡിസ്‌പ്ലേയാണ് ഫോണിന്. മീഡിയാ ടെക് ഹീലിയോ ജി85 പ്രൊസസര്‍ ഫോണിന് ശക്തിപകരുന്നു. 5020 എംഎഎച്ച് ബാറ്ററിയാണ് ഫോണിനുള്ളത്. ഇത് അതിവേഗ ചാര്‍ജിങ് പിന്തുണയ്ക്കും. ഫോണിനൊപ്പം 22.5 വാട്ട് ചാര്‍ജര്‍ ലഭിക്കും. 512 ജിബി വരെയുള്ള മൈക്രോ എസ്ഡി കാര്‍ഡുകള്‍ ഉപയോഗിച്ച് മെമ്മറി വര്‍ധിപ്പിക്കാം.
ക്യാമറ
ക്വാഡ് ക്യാമറ സംവിധാനമാണ് റെഡ്മി നോട്ട് 9 സ്മാര്‍ട്‌ഫോണിന്. ഇതില്‍ 48 എംപി സെന്‍സര്‍ പ്രധാന ക്യാമറയായി എത്തുന്നു. ഇത് കൂടാതെ എട്ട് എംപി അള്‍ട്രാവൈഡ് ആംഗിള്‍ ക്യാമറ, രണ്ട് എംപി ഡെപ്ത് സെന്‍സര്‍, രണ്ട് എംപി മാക്രോ ലെന്‍സ് എന്നിവ ഇതില്‍ ഉള്‍പ്പെടുന്നു. ക്യാമറ മോഡ്യൂളിന് തൊട്ടുതാഴിയായാണ് ഫിംഗര്‍പ്രിന്റ് സ്‌കാനര്‍ നല്‍കിയിരിക്കുന്നത്.
സെല്‍ഫിയ്ക്കായി 13 എംപി ക്യാമറ നല്‍കിയിരിക്കുന്നു. ഫോണ്‍ സ്‌ക്രീനിന്റെ ഇടത് വശത്ത് മുകളിലായാണ് സെല്‍ഫി ക്യാമറ സ്ഥാപിച്ചിട്ടുള്ളത്. പബ്ജി പോലുള്ള ഗെയിമുകള്‍ സുഗമമായി കളിക്കാന്‍ മീഡിയാ ടോക് ഹീലിയോ ജി85 പ്രൊസസര്‍ സഹായിക്കുമെന്നും ഷാവോമി പറഞ്ഞു.
Content Highlight: xiaomi redmi note 9 smartphone launched in india
ശാസ്ത്ര സാങ്കേതിക വിദ്യാ രംഗത്തെ കൂടുതല്‍ വാര്‍ത്തകള്‍ ടെലഗ്രാം വഴി അറിയാം ഗ്രൂപ്പില്‍ അംഗമാവൂ... ക്ലിക്ക് ചെയ്യൂ: https://t.me/technews_mbi
Also Watch
RELATED STORIES
.jpg?$p=8384990&f=1x1&w=100&q=0.8)
IN CASE YOU MISSED IT
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..