Xiaomi
പുതിയ എംഐ 10 പരമ്പര ഫോണുകള്‍ ആഗോളവിപണിയിലേക്കെത്തിക്കാനുള്ള തയ്യാറെടുപ്പിലാണ് ചൈനീസ് സ്മാര്‍ട്‌ഫോണ്‍ നിര്‍ാമാതാക്കളായ ഷാവോമി. മാര്‍ച്ച് 27 നാണ് എംഐ10 , എംഐ 10 പ്രോ ഫോണുകള്‍ ആഗോള വിപണിയില്‍ അവതരിപ്പിക്കുന്ന പരിപാടി നിശ്ചയിച്ചിരിക്കുന്നത്. കഴിഞ്ഞ മാസമാണ എംഐ10 ഫോണുകള്‍ ഔദ്യോഗികമായി പുറത്തിറക്കിയത്. എന്നാല്‍ ചൈനീസ് വിപണിയില്‍ മാത്രമാണ് ഫോണ്‍ ഇതുവരെ വില്‍പനയിലുണ്ടായിരുന്നത്.
ഫോണിന് ചൈനയില്‍ വലിയ സ്വീകാര്യതയുണ്ടെന്നാണ് വിവരം. എംഐ 9 പരമ്പര ഫോണുകളേക്കാള്‍ വിലക്കൂടുതലാണ് എംഐ 10 പരമ്പരയ്ക്ക്. വലിയ ക്യാമറകളാണ് എംഐ 10 ഫോണുകളുടെ മുഖ്യ സവിശേഷത. 108 എംപി സെന്‍സര്‍ ഉള്‍പ്പെടുന്ന ക്വാഡ് ക്യാമറയാണ് ഫോണുകള്‍ക്ക്.
രണ്ട് ഫോണുകള്‍ക്കും 90 ഹെര്‍ട്‌സ് റിഫ്രഷ് റേറ്റോടുകൂടിയ 6.67 ഇഞ്ച് ഫുള്‍ എച്ച്ഡി പ്ലസ് കര്‍വ്ഡ് അമോലെഡ് ഡിസ്‌പ്ലേയാണുള്ളത്. ക്വാല്‍കോം സ്‌നാപ്ഡ്രാഗണ്‍ 865 പ്രൊസസര്‍ ആണ് ഫോണുകളില്‍. എംഐ 10 ല്‍ 4780 എംഎഎച്ച് ബാറ്ററിയാണുള്ളത്.ഇതില്‍ 30 വാട്ട് വയര്‍ലെസ്/ വയേര്‍ഡ് ചാര്‍ജിങ് സാധ്യമാണ്. 4500 എംഎഎച്ച് ബാറ്ററിയാണ് എംഐ 10 പ്രോയില്‍. ഇതില്‍ 50 വാട്ട് വയര്‍ലെസ് ഫാസ്റ്റ് ചാര്‍ജിങും, 30 വാട്ട് വയര്‍ലെസ് ഫാസ്റ്റ് ചാര്‍ജിങും, 10 വാട്ട് റിവേഴ്‌സ് ചാര്‍ജിങും ഉണ്ട്.
മാര്‍ച്ച് 27 ന് ഉച്ചയ്ക്ക് രണ്ട് മണിക്ക് നടക്കുന്ന ചടങ്ങ് ട്വിറ്റര്‍, യൂട്യൂബ്, ഫേസ്ബുക്ക് എന്നിവയിലൂടെ ലൈവ് സ്ട്രീം ചെയ്യുൂം. ഇന്ത്യയിലും ഫോണുകള്‍ വില്‍പനയ്‌ക്കെത്തും.
Content Highlights: Xiaomi MI 10 series global launch march 27
ശാസ്ത്ര സാങ്കേതിക വിദ്യാ രംഗത്തെ കൂടുതല്‍ വാര്‍ത്തകള്‍ ടെലഗ്രാം വഴി അറിയാം ഗ്രൂപ്പില്‍ അംഗമാവൂ... ക്ലിക്ക് ചെയ്യൂ: https://t.me/technews_mbi
Also Watch
RELATED STORIES
.jpg?$p=8384990&f=1x1&w=100&q=0.8)
IN CASE YOU MISSED IT
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..