രണ്ട് 5ജി ഫോണുകള്‍ ഇന്ത്യന്‍ വിപണിയില്‍ അവതരിപ്പിച്ച് റിയല്‍മി


Photo: Realme

റിയല്‍മിയുടെ രണ്ട് 5ജി സ്മാര്‍ട്‌ഫോണുകള്‍ ഇന്ത്യന്‍ വിപണിയില്‍ അവതരിപ്പിച്ചു. റിയല്‍മി എക്‌സ് 7 5ജി, റിയല്‍മി എക്‌സ് 7 പ്രോ 5ജി ഫോണുകളാണ് പുറത്തിറക്കിയത്. രാജ്യത്തെ 5ജി ലീഡര്‍ ആവാനാണ് കമ്പനി ലക്ഷ്യമിടുന്നതെന്ന് റിയല്‍മി പറഞ്ഞു.

സ്‌പേസ് സില്‍വര്‍, നെബുല എന്നിങ്ങനെ രണ്ട് നിറങ്ങളിലാണ് റിയല്‍മി എക്‌സ് 7 5ജി ഫോണ്‍ പുറത്തിറങ്ങുന്നത്. ആറ് ജിബി + 128 ജിബി പതിപ്പിന് 19,999 രൂപയാണ് വില. എട്ട് ജിബി റാം + 128 ജിബി പതിപ്പിന് 21,999 രൂപയുമാണ് വില.

ഫെബ്രുവരി 12 മുതല്‍ ഫ്‌ളിപ്കാര്‍ട്ടിലും റിയല്‍മിയുടെ വെബ്‌സൈറ്റിലും ഫോണ്‍ വില്‍പനയ്‌ക്കെത്തും. അതേസമയം, റിയല്‍മി എക്‌സ് 7 പ്രോ 5ജിയ്ക്ക് 29,999 രൂപയാണ് വില. ഫാന്റസി ബ്ലാക്ക്, മിസ്റ്റിക് ബ്ലാക്ക് എന്നീ നിറങ്ങളിലാണ് ഫോണ്‍ പുറത്തിറങ്ങുക. എട്ട് ജിബി + 128 ജിബി പതിപ്പ് മാത്രമാണ് ഈ ഫോണിനുള്ളത്. ഫെബ്രുവരി 10-ന് ഈ ഫോണ്‍ വില്‍പനയ്‌ക്കെത്തും.

ബഡ്ജറ്റ് വിഭാഗം മുതല്‍ ഫ്‌ളാഗ്ഷിപ്പ് വിഭാഗം വരെ എല്ലാ വിഭാഗങ്ങളിലും തങ്ങള്‍ 5ജി ഫോണ്‍ അവതരിപ്പിക്കുമെന്നാണ് റിയല്‍മിയുടെ പ്രഖ്യാപനം.

റിയല്‍മി എക്‌സ് 7 5ജി.

ഏറ്റവും പുതിയ മീഡിയ ടെക് ഡൈമെന്‍സിറ്റി 800യു പ്രൊസസര്‍ ചിപ്പില്‍ പുറത്തിറങ്ങുന്ന രാജ്യത്തെ ആദ്യ സ്മാര്‍ട്‌ഫോണ്‍ ആണ് റിയല്‍മി എക്‌സ് 7 5ജി.

6.4 ഇഞ്ച് സൂപ്പര്‍ അമോലെഡ് സ്‌ക്രീനില്‍ പഞ്ച് ഹോള്‍ മാതൃകയില്‍ സെല്‍ഫി ക്യാമറ നല്‍കിയിരിക്കുന്നു. ഇന്‍ ഡിസ്‌പ്ലേ ഫിംഗര്‍ പ്രിന്റ് സെന്‍സറാണ് ഫോണിനുള്ളത്.

50 വാട്ട് സൂപ്പര്‍ഡാര്‍ട്ട് ചാര്‍ജ് സാങ്കേതിക വിദ്യയിലൂടെ 4310 എംഎഎച്ച് ബാറ്ററി 47 മിനിറ്റില്‍ മുഴുവന്‍ ചാര്‍ജ് ചെയ്യാനാവും.

64 എംപി, 8 എംപി അള്‍ട്രാ വൈഡ് ആംഗിള്‍, രണ്ട് എംപി മാക്രോ സെന്‍സറുകള്‍ ഉള്‍പ്പെടുന്ന ട്രിപ്പിള്‍ ക്യാമറ സംവിധാനമാണിതില്‍.

റിയല്‍മി എക്‌സ് 7 പ്രോ 5ജി

റിയല്‍മി എക്‌സ് 7 പ്രോ 5ജിയില്‍ മീഡിയ ടെക്ക് ഡൈമെന്‍സിറ്റി 1000+ 5ജി പ്രൊസസര്‍ ചിപ്പാണ് ഉപയോഗിച്ചിട്ടുള്ളത്. രണ്ട് 5ജി സിം കാര്‍ഡുകള്‍ ഇതില്‍ ഉപയോഗിക്കാനാവും. 5ജി പ്ലസ് വൈഫൈ മള്‍ടിപ്പിള്‍ നെറ്റ് വര്‍ക്ക് ആക്‌സിലറേഷന്‍ സൗകര്യവുമുണ്ട്.

4500 എംഎഎച്ച് ശേഷിയിലുള്ള ബാറ്ററിയില്‍ 65 വാട്ട് സൂപ്പര്‍ഡാര്‍ട്ട് ചാര്‍ജ് സാങ്കേതിക വിദ്യയും നല്‍കിയിരിക്കുന്നു. 6.5 ഇഞ്ച് സൂപ്പര്‍ അമോലെഡ് ഡിസ്‌പ്ലേയാണിതില്‍. 120 റിഫ്രഷ് റേറ്റുണ്ട്.

ക്വാഡ് റിയര്‍ ക്യാമറയാണിതിന്. ഇതിലെ 64 എംപി വൈഡ് ആംഗിള്‍ ക്യാമറ സോണിയുടെ ഐഎംഎക്‌സ് 686 ഫ്‌ളാഗ്ഷിപ് സെന്‍സറാണ് ഉപയോഗിച്ചിരിക്കുന്നത്.

Content Highlights: realme launched two 5g smartphones in X series

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
supreme court

1 min

ഗുജറാത്ത് കലാപം: എ.സി. മുറിയിലിരിക്കുന്നവര്‍ക്ക് യാഥാര്‍ഥ്യമറിയില്ല - സുപ്രീംകോടതി

Jun 25, 2022


vijay babu

3 min

സമ്മതപ്രകാരമുള്ള ബന്ധത്തെ ബലാത്സംഗമായി മാറ്റുന്നതിനെതിരേ ജാഗ്രത വേണം -ഹൈക്കോടതി

Jun 23, 2022


Droupadi Murmu

5 min

ദ്രൗപദി മുർമുവിനെ സര്‍വ്വസമ്മതയായ സ്ഥാനാര്‍ഥിയായി നിര്‍ത്തണം; സിന്‍ഹയെ പിന്‍വലിക്കണം | പ്രതിഭാഷണം

Jun 23, 2022

Most Commented