റിയല്‍മി ജിടി2 പ്രോ വെബ്‌സൈറ്റില്‍ പ്രദര്‍ശിപ്പിച്ച് കമ്പനി; ഇന്ത്യയില്‍ ഉടന്‍ പുറത്തിറങ്ങിയേക്കും


ചൈനയില്‍ ഫോണ്‍ അവതരിപ്പിക്കുന്നതിന് മുന്നോടിയായി കമ്പനി ഫോണിന്റെ ടീസര്‍ പ്രചരിപ്പിക്കാന്‍ തുടങ്ങിയിട്ടുണ്ട്.

റിയൽമി ജിടി2 പ്രോ കമ്പനി വെബ്സൈറ്റിൽ | Photo: Onleaks, 91 Mobiles

റിയല്‍മിയുടെ ഏറ്റവും പുതിയ പ്രീമിയം സ്മാര്‍ട്‌ഫോണ്‍ റിയല്‍മി ജിടി 2 പ്രോ ഡിസംബര്‍ 20-ന് പുറത്തിറങ്ങും. റിയല്‍മി ജിടി2 പ്രോയ്‌ക്കൊപ്പം റിയല്‍മി ജിടി 2-വും പുറത്തിറക്കും. ചൈനയില്‍ ഫോണ്‍ അവതരിപ്പിക്കുന്നതിന് മുന്നോടിയായി കമ്പനി ഫോണിന്റെ ടീസര്‍ പ്രചരിപ്പിക്കാന്‍ തുടങ്ങിയിട്ടുണ്ട്.

ഇന്ത്യയില്‍ ഫോണ്‍ അവതരിപ്പിക്കുന്നതിനെ കുറിച്ച് കമ്പനി പ്രതികരിച്ചിട്ടില്ല. എന്നാല്‍, ഇനിയത് അധികം വൈകാനിടയില്ല. കാരണം റിയല്‍മി ജിടി2 ഇപ്പോള്‍ കമ്പനിയുടെ ഇന്ത്യന്‍ വെബ്‌സൈറ്റില്‍ പ്രദര്‍ശിപ്പിച്ചിട്ടുണ്ട്. ഇത് ഇന്ത്യന്‍ ലോഞ്ചിന് മുന്നോടിയാണെന്ന് വിലയിരുത്തപ്പെടുന്നു.



റിയല്‍മി ജിടി2 പ്രോയില്‍ 150 ഡിഗ്രി അള്‍ട്രാ വൈഡ് ക്യാമറയുണ്ടാകുമെന്നും ഏറ്റവും പുതിയ സ്‌നാപ്ഡ്രാഗണന്‍ 8ജെന്‍ 1 ചിപ്പ് സെറ്റാവും ഇതിലെന്നുമാണ് സ്ഥിരീകരിച്ച റിപ്പോര്‍ട്ടുകള്‍.

2015-ല്‍ പുറത്തിറങ്ങിയ നെക്‌സസ് 6പി ഫോണിന് സമാനമായ രൂപകല്‍പനയായിരിക്കും റിയല്‍മി ജിടി2 പ്രോയ്‌ക്കെന്നും പുറത്തുവന്ന ചിത്രങ്ങള്‍ സൂചന നല്‍കുന്നു. മുകള്‍ ഭാഗത്ത് തിരശ്ചീനമായി സ്ഥാപിച്ച കറുത്ത പശ്ചാത്തലത്തിലുള്ള ക്യാമറ മോഡ്യൂള്‍ ആണ് ഇതിന് കാരണം. നെക്‌സസ് 6പിയില്‍ നിന്ന് വ്യത്യസ്തമായി ക്യാമറ മോഡ്യൂള്‍ പുറത്തേക്ക് തള്ളിനില്‍കും വിധത്തിലാണെന്നും ചിത്രം സൂചന നല്‍കുന്നു.

6.8 ഇഞ്ച് WQHD+OLED ഡിസ്‌പ്ലേ ആയിരിക്കും റിയല്‍മി ജിടി2 പ്രോയ്ക്ക്. 120 ഹെര്‍ട്‌സ് റിഫ്രഷ് റേറ്റുണ്ടാവും. സ്‌നാപ്ഡ്രാഗണ്‍ 8ജെന്‍ 1 പ്രൊസസറിന്റെ പിന്‍ബലത്തില്‍ ഫോണിന് കൂടുതല്‍ പ്രവര്‍ത്തന മികവ് ലഭിക്കും. 12 ജിബി വരെ റാം ശേഷിയും 256 ജിബി വരെ ഓണ്‍ ബോര്‍ഡ് സ്‌റ്റോറേജും ഇതില്‍ ലഭിച്ചേക്കും.

ട്രിപ്പിള്‍ റിയര്‍ ക്യാമറയാണ് റിയല്‍മി ജിടി2 പ്രോയ്ക്കുണ്ടാവുക. ഇതില്‍ 50 മെഗാപിക്‌സല്‍ പ്രധാന ക്യാമറയും, 50 മെഗാപിക്‌സല്‍ അള്‍ട്രാ വൈഡ് ക്യാമറയും എട്ട് മെഗാപിക്‌സല്‍ ടെലിഫോട്ടോ ലെന്‍സും ഉണ്ടാവും. 32 മെഗാപിക്‌സല്‍ ക്യാമറയാണ് സെല്‍ഫിയ്ക്കുണ്ടാവുക.

റിയല്‍മി ജിടി2 പ്രോയില്‍ 65 വാട്ട് അതിവേഗ ചാര്‍ജിങ് ഉണ്ടാവുമെന്നും റിപ്പോര്‍ട്ടുകള്‍ പറയുന്നു. 5000 എംഎഎച്ച് ബാറ്ററിയായിരിക്കും ഇതില്‍.

Content Highlights: Realme GT 2 appeared on company's website India launch likely soon

ശാസ്ത്ര സാങ്കേതിക വിദ്യാ രംഗത്തെ കൂടുതല്‍ വാര്‍ത്തകള്‍ ടെലഗ്രാം വഴി അറിയാം ഗ്രൂപ്പില്‍ അംഗമാവൂ... ക്ലിക്ക് ചെയ്യൂ: https://t.me/technews_mbi


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
സരിത രവീന്ദ്രനാഥ്

2 min

ലെഗ്ഗിൻസ് ധരിച്ചതിന് ഹെഡ്മിസ്ട്രസില്‍ നിന്ന് ശകാരം; പരാതി നല്‍കി അധ്യാപിക

Dec 1, 2022


04:19

ഇത് കേരളത്തിന്റെ മിനി ശിവകാശി, പടക്കങ്ങളുടെ മായാലോകം

Oct 24, 2022


26:50

മലയാളികളുടെ റിച്ചുക്കുട്ടന് ഹിന്ദിയിലും പിടിയുണ്ടായ ' വല്യ കഥ'

Oct 10, 2022

Most Commented