Photo: Oneplus
വണ്‍പ്ലസ് 11 ആര്‍ ചൊവ്വാഴ്ച ഇന്ത്യന്‍ വിപണിയില്‍ അവതരിപ്പിച്ചു. വണ്‍ പ്ലസ് 10 ആര്‍ സ്മാര്‍ട്‌ഫോണിന്റെ പിന്‍ഗാമിയായാണ് പുതിയ ഫോണിന്റെ വരവ്. ഇതോടൊപ്പം പുറത്തിറക്കിയ വണ്‍ പ്ലസ് 11 5ജി മോഡലിന്റെ രൂപകല്‍പനയ്ക്ക് സമാനമായ ഘടകങ്ങള്‍ ഉള്‍പ്പെടുത്തിയാണ് വണ്‍പ്ലസ് 11 ആര്‍ സ്മാര്‍ട്‌ഫോണ്‍ തയ്യാറാക്കിയിരിക്കുന്നത്.
സ്‌നാപ്ഡ്രാഗണ്‍ 8ജെന്‍ 1 5ജി പ്രൊസസര്‍ ശക്തിപകരുന്ന ഫോണില്‍ 6.74 ഇഞ്ച് ഫുള്‍ എച്ച്ഡി പ്ലസ് കര്‍വ്ഡ് അമോലെഡ് ഡിസ്‌പ്ലേയുണ്ട്. ഇതേ ഫോണ്‍ തന്നെയാണ് ഒരു ദിവസം മുമ്പ് ചൈനയില്‍ വണ്‍പ്ലസ് ഏസ് 2 എന്ന പേരില്‍ അവതരിപ്പിച്ചത്.
39,999 രൂപ വിലയുള്ള എട്ട് ജിബി റാം + 256 ജിബി സ്റ്റോറേജ് വേരിയന്റും 44,999 രൂപ വിലയുള്ള 16ജിബി + 256 ജിബി സ്റ്റോറേജ് വേരിയന്റുമാണ് വണ്‍പ്ലസ് 11 ആറിനുള്ളത്. സോണിക് ബ്ലാക്ക്, ഗാലക്ടിക് സില്‍വര്‍ എന്നീ കളര്‍ ഓപ്ഷനുകളില്‍ ഇത് ഫെബ്രുവരി 28 മുതല്‍ വിപണിയിലെത്തും.
വണ്‍പ്ലസ് 11 ആറിന്റെ 2772x1240 പിക്‌സല്‍ റസലൂഷനുള്ള 6.74 ഇഞ്ച് ഫുള്‍ എച്ച്ഡിപ്ലസ് കര്‍വ്ഡ് അമോലെഡ് ഡിസ്‌പ്ലേയില്‍ 40 ഹെര്‍ട്‌സ് മുതല്‍ 120 ഹെര്‍ട്‌സ് വരെ റിഫ്രഷ് റേറ്റുണ്ട്.,
വണ്‍പ്ലസ് 10 ആറില്‍ മീഡിയാ ടെക്ക് ഡൈമെന്‍സിറ്റി 8100 മാക്‌സ് പ്രൊസസറായിരുന്നു ഉണ്ടായിരുന്നത്. ഇതില്‍ നിന്ന് മാറി സ്‌നാപ്ഡ്രാഗണ്‍ 8ജെന്‍ 1 പ്രൊസസര്‍ ആണ് പുതിയ പതിപ്പില്‍ ഉപയോഗിച്ചിട്ടുള്ളത്.
ക്യാമറകളുടെ കാര്യമെടുത്താല്‍, ഇതിന് മൂന്ന് റെയര്‍ ക്യാമറകളാണുള്ളത്. 50 എംപി സോണി ഐഎംഎക്‌സ് 890 പ്രൈമറി സെന്‍സര്‍, എട്ട് എംപി അള്‍ട്രാ വൈഡ് ആംഗിള്‍ സെന്‍സര്‍, 120 ഡിഗ്രീ അള്‍ട്ര വൈഡ് ലെന്‍സോടുകൂടിയ ഒരു മാക്രോ ക്യാമറ എന്നിവയാണ് ഇതിലുള്ളത്. സെല്‍ഫിയ്ക്കായി 16 എംപി ക്യാമറയും നല്‍കിയിരിക്കുന്നു. പഞ്ച് ഹോള്‍ രീതിയിലാണ് ഇത് സ്ഥാപിച്ചിരിക്കുന്നത്.
4കെ വീഡിയോ റെക്കോര്‍ഡ് ചെയ്യാനുള്ള സൗകര്യം, ഇലക്ട്രോണിക് ഇമേജ് സ്റ്റെബിലൈസേഷന്, ഒപ്റ്റിക്കല്‍ ഇമേജ് സ്റ്റെബിലൈസേഷന് പിന്തുണയുമുണ്ട്. 5000 എംഎഎച്ച് ബാറ്ററിയില്‍ 100 വാട്ട് സൂപ്പര്‍വൂക്ക് ചാര്‍ജിങ് ലഭ്യമാണ്.
Content Highlights: OnePlus 11R With Snapdragon 8+ Gen 1 launched in india
ശാസ്ത്ര സാങ്കേതിക വിദ്യാ രംഗത്തെ കൂടുതല്‍ വാര്‍ത്തകള്‍ ടെലഗ്രാം വഴി അറിയാം ഗ്രൂപ്പില്‍ അംഗമാവൂ... ക്ലിക്ക് ചെയ്യൂ: https://t.me/technews_mbi
Also Watch
RELATED STORIES
.jpg?$p=d83648f&f=1x1&w=100&q=0.8)
.jpg?$p=1dd8c95&f=1x1&w=100&q=0.8)
IN CASE YOU MISSED IT
Premium
.jpg?$p=aa62323&f=1x1&w=100&q=0.8)
.jpg?$p=cce9be6&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..