Noika C12 Smartphone | Photo: Mathrubhumi
എന്‍ട്രി ലെവല്‍, ബജറ്റ് സ്മാര്‍ട്‌ഫോണുകളുമായി വിപണിയില്‍ സജീവമായ ബ്രാന്‍ഡുകളിലൊന്നാണ് നോക്കിയ. നോക്കിയ വിപണിയില്‍ അവതരിപ്പിച്ച നോക്കിയ സി 12 എന്ന ബജറ്റ് സ്മാര്‍ട്‌ഫോണിനെയാണ് ഇവിടെ പരിചയപ്പെടുത്തുന്നത്.
5999 രൂപയ്ക്ക് വാങ്ങാനാകുന്ന ഈ ഫോണില്‍ ഒരു ബജറ്റ് സ്മാര്‍ട്‌ഫോണിന്റേതായ സവിശേഷതകളും സൗകര്യങ്ങളുമാണുള്ളത്.
6.30 ഇഞ്ച് എച്ച്ഡി പ്ലസ് ഡിസ്‌പ്ലേയാണിതിലുള്ളത്. 2 ജിബി റാം 64 ജിബി സ്റ്റോറേജ് തുടങ്ങിയ സൗകര്യങ്ങളുള്ള ഫോണില്‍ ആന്‍ഡ്രോയിഡ് 12 ഗോ എഡിഷനാണുള്ളത്. 3000 എംഎഎച്ച് റിമൂവബിള്‍ ബാറ്ററിയാണിതിന്.
സവിശേഷതകള്‍
വിലകുറഞ്ഞ ഫോണ്‍ ആയതിനാല്‍ തന്നെ കാഴ്ചയില്‍ വലിയ ആഡംബര ഫോണ്‍ ഒന്നുമല്ല സി12. ലളിതമായ രൂപകല്‍പനയില്‍ ആന്‍ഡ്രോയിഡ് 12 ഗോ എഡിഷന്റെ പിന്തുണയിലാണ് ഫോണ്‍ എത്തിയിരിക്കുന്നത്.
6.30 ഇഞ്ച് 720 x1600 പിക്‌സല്‍ റസലൂഷനുള്ള ഐപിഎസ് എല്‍ഇഡി ഡിസ്‌പ്ലെയാണിത്. ക്യാമറ നോച്ച് ഉള്ള സ്‌ക്രീന്‍ ആണിത്.
കയ്യില്‍ നിന്നും വഴുതിപ്പൊവാത്ത വിധത്തില്‍ ഗ്രിപ്പ് ലഭിക്കും വിധത്തിലുള്ള ത്രിഡി പാറ്റേണോടുകൂടിയ പ്ലാസ്റ്റിക്ക് ബാക്ക് പാനലാണിതിന്. ഇത് എടുത്ത് മാറ്റിയാണ് ബാറ്ററിയും സിം കാര്‍ഡും എസ്ഡി കാര്‍ഡും ഇടേണ്ടത്. ഇന്ന് വ്യാപകമായുള്ള ഇന്‍ബില്‍റ്റ് ബാറ്ററിയല്ല ഇതിന് എന്നത് ഒരു പരിമിതിയാണ്.
BUY NOKIA C12 Clik Here
എങ്കിലും 3000 എംഎഎച്ച് ബാറ്ററി ഫോണിന് നല്‍കിയിട്ടുണ്ട്. ആന്‍ഡ്രോയിഡ് 12 ഗോ എഡിഷനായതിനാലും താരതമ്യേന ശക്തി കുറഞ്ഞ ഫോണ്‍ ആയതിനാലും ബാറ്ററി വിനിയോഗം ഫോണില്‍ വളരെ കുറവായിരിക്കും. ഇതുകൊണ്ടുതന്നെ ഒരു ദിവസത്തില്‍ കൂടുതല്‍ ബാറ്ററി ചാര്‍ജ് ലഭിക്കുന്നുണ്ട്. 5 വാട്ട് മൈക്രോ യുഎസ്ബി ചാര്‍ജറാണ് ഫോണിനൊപ്പമുള്ളത്.ലൈറ്റ് മിന്റ്, ഡാര്‍ക്ക് സിയാന്‍, ചാര്‍ക്കോള്‍ എന്നിങ്ങനെ മൂന്ന് കളര്‍ ഓപ്ഷനുകളിലാണ് ഫോണ്‍ എത്തുന്നത്. ഇതില്‍ ഡാര്‍ക്ക് സിയാന്‍ കളര്‍ ഫോണ്‍ ആണ് ഞങ്ങള്‍ പരിശോധിച്ചത്.
എട്ട് എംപി സിംഗിള്‍ റിയര്‍ ക്യാമറയാണിത്. ഒരു എല്‍ഇഡി ഫ്‌ളാഷും നല്‍കിയിരിക്കുന്നു. അഞ്ച് മെഗാപിക്‌സല്‍ ക്യാമറയാണ് സെല്‍ഫിയ്ക്ക്. വളരെ സാധാരണ ക്യാമറ സൗകര്യങ്ങളാണ് ഫോണിലുള്ളത്. വലിയ ഫോട്ടോഗ്രഫി സാധ്യതകളൊന്നും ഫോണിനില്ല. എങ്കിലും അത്യാവശ്യം വേണ്ട സെല്‍ഫികളും ചിത്രങ്ങളും പകര്‍ത്താന്‍ ഫോണില്‍ സാധിക്കുമെന്ന് മാത്രം. എങ്കിലും ഇതില്‍ പകര്‍ത്തുന്ന ചിത്രങ്ങള്‍ മോശമല്ല. നൈറ്റ് മോഡ്, പോര്‍ട്രെയ്റ്റ് മോഡ്, ഓട്ടോ എച്ചിഡിആര്‍, ടൈം ലാപ്‌സ് പോലുള്ള ഫീച്ചറുകള്‍ ക്യാമറ ആപ്പില്‍ ഉള്‍പ്പെടുത്തിയിട്ടുണ്ട്.
6000 രൂപയില്‍ താഴെ വിലയില്‍ സ്വന്തമാക്കാന്‍ സാധിക്കുന്ന സ്മാര്‍ട്‌ഫോണ്‍ ആണ് നോക്കിയ സി12. വളരെ പരിമിതമായ സ്മാര്‍ട്‌ഫോണ്‍ ഉപയോഗം ആഗ്രഹിക്കുന്നവര്‍ക്കും ഫോണിനായി വലിയ തുക മുടക്കാന്‍ ആഗ്രഹമില്ലാത്തവര്‍ക്കും തിരഞ്ഞെടുക്കാനാവുന്ന നല്ലൊരു ഫോണ്‍ ആണ് സി 12 എന്ന് പറയാം. ഫോണില്‍ ഒരു ദിവസത്തിലേറെ ചാര്‍ജ് ലഭിക്കുന്നുണ്ട്. ഇതും ഫോണിന്റെ ഒരു നേട്ടമാണ്. ആന്‍ഡ്രോയിഡ് 12 ഗോ എഡിഷനില്‍ ഗൂഗിളിന്റെ മിക്ക ആപ്പുകളും ലഭ്യമാണ്. അതിവേഗമുള്ള സോഫ്റ്റ് വെയര്‍ അപ്‌ഡേറ്റുകളും ലഭിക്കും.
| നിറങ്ങൾ |
|
| ഡിസ്പ്ലേ |
|
| ക്യാമറ |
|
| കണക്റ്റിവിറ്റി |
|
| ബാറ്ററി / ചാർജിങ് |
|
| മെമ്മറി / സ്റ്റോറേജ് |
|
| പ്രൊസസർ |
|
| ഓപ്പറേറ്റിങ് സിസ്റ്റം |
|
| ശബ്ദം |
|
| സുരക്ഷ |
|
| അളവുകൾ |
|
Content Highlights: nokia c12 smartphone review
ശാസ്ത്ര സാങ്കേതിക വിദ്യാ രംഗത്തെ കൂടുതല്‍ വാര്‍ത്തകള്‍ ടെലഗ്രാം വഴി അറിയാം ഗ്രൂപ്പില്‍ അംഗമാവൂ... ക്ലിക്ക് ചെയ്യൂ: https://t.me/technews_mbi
Also Watch
RELATED STORIES
Premium
.jpg?$p=de79afe&f=1x1&w=100&q=0.8)
Review
.jpg?$p=cc29bd4&f=1x1&w=100&q=0.8)
.jpg?$p=8a7b7b1&f=1x1&w=100&q=0.8)
IN CASE YOU MISSED IT
.jpg?$p=d6afbcb&f=1x1&w=100&q=0.8)
.jpg?$p=de79afe&q=0.8&f=16x11&w=104)
.jpg?$p=cc29bd4&q=0.8&f=16x11&w=104)
.jpg?$p=e0a8b21&q=0.8&f=16x11&w=104)
.jpg?$p=3bbfda3&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..