മോട്ടോറോളയുടെ ഏറ്റവും പുതിയ ബജറ്റ് സ്മാര്‍ട്‌ഫോണായ മോട്ടോ ഇ30 പുറത്തിറക്കി. കഴിഞ്ഞമാസം ഇന്ത്യയിലും യൂറോപ്പിലുമുള്‍പ്പടെ അവതരിപ്പിച്ച മോട്ടോ ഇ40 സ്മാര്‍ട്‌ഫോണിന് സമാനമാണ് പുതിയ ഫോണ്‍. 

ട്രിപ്പിള്‍ റിയര്‍ ക്യാമറ, 5000 എംഎഎച്ച് ബാറ്ററി എന്നിവയാണ് മോട്ടോ ഇ30യുടെ മുഖ്യ സവിശേഷതകള്‍. ഗൂഗിളിന്റെ ആന്‍ഡ്രോയിഡ് ഗോ പ്ലാറ്റ്‌ഫോമിലാണ് ഫോണിന്റെ പ്രവര്‍ത്തനം. 

6.5 ഇഞ്ച് എച്ച്ഡി പ്ലസ് മാക്‌സ് വിഷന്‍ ഐപിഎസ് ഡിസ്‌പ്ലേയുള്ള ഫോണില്‍ ഡ്യുവല്‍ സിം സൗകര്യമുണ്ട്. ഡിസ്‌പ്ലേയ്ക്ക് 90 ഹെര്‍ട്‌സ് റിഫ്രഷ് റേറ്റുണ്ട്. ഒക്ടാകോര്‍ യുണിസോക് ടി700 പ്രൊസസറില്‍ പ്രവര്‍ത്തിക്കുന്ന ഫോണില്‍ രണ്ട് ജിബി റാം ഉണ്ട്. 32 ജിബി ആണ് ഇന്റേണല്‍ മെമ്മറി. ഒരു ടിബി വരെയുള്ള മെമ്മറി കാര്‍ഡുകള്‍ ഉപയോഗിക്കാം. 

മോട്ടോ ഇ30 യുടെ ട്രിപ്പിള്‍ റിയര്‍ ക്യാമറയില്‍ 48 എംപി പ്രധാന ക്യാമറയും രണ്ട് എംപി ഡെപ്ത് സെന്‍സറും രണ്ട് എംപി മാക്രോ ഷൂട്ടറും ഉള്‍പ്പെടുന്നു. എട്ട് എംപി സെല്‍ഫി ക്യാമറയാണിതില്‍. 

4ജി എല്‍ടിഇ, വൈഫൈ, ബ്ലൂടൂത്ത്, യുഎസ്ബി ടൈപ്പ് സി, 3.5 ഹെഡ്‌ഫോണ്‍ ജാക്ക് കണക്റ്റിവിറ്റി ഓപ്ഷനുകളുണ്ട്. 

പിന്‍ വശത്ത് ഫിംഗര്‍പ്രിന്റ് സ്‌കാനറുണ്ട്. ഐപി52 വാട്ടര്‍ ഡസ്റ്റ് റസിസ്റ്റന്‍സുണ്ട്. 5000 എഎഎച്ച് ബാറ്ററിയില്‍ 10 വാട്ട് ചാര്‍ജിങ് പിന്തുണയ്ക്കും. 

ഫോണിന്റെ രണ്് ജിബി റാം, 32 ജിബി പതിപ്പിന് ഏകദേശം 10200 രൂപവരുമെന്നാണ് കണക്കാക്കുന്നത്. 

Content Highlights: motorola moto e30 launched, budget smartphones, 5000mAh battery