ആഗോളതലത്തില്‍ തന്നെ ഏറ്റവും ജനപ്രീതി നേടിയിട്ടുള്ള മൊബൈല്‍ ഫോണ്‍ നിര്‍മാതാക്കളാണ് ആപ്പിള്‍. ഒരിക്കല്‍ ആപ്പിള്‍ ഫോണ്‍ ഉപയോഗിച്ചാല്‍ പിന്നെ വേറെ ഫോണിലേക്ക് മടങ്ങില്ലെന്നാണ് ആപ്പിളിന്റെ ഉപയോക്താക്കള്‍ പറയുന്നത്. എങ്കിലും ഐഫോണുകളില്‍ ബാറ്ററി ചാര്‍ജ് കൂടുതല്‍ ലഭിച്ചിരുന്നെങ്കില്‍ നന്നായിരുന്നു എന്ന് അഭിപ്രായപ്പെടുന്നവരും കുറവല്ല. ഈ പരാതി പരിഹരിക്കാനുള്ള ഒരുക്കത്തിലാണ് ആപ്പിള്‍.
ആപ്പിളിന്റെ മൊബൈല്‍ ഫോണില്‍ മാത്രമല്ല, ആപ്പിള്‍ വാച്ചുകള്‍ക്കും ചാര്‍ജ് നില്‍ക്കില്ലെന്ന് പരാതി സജീവമാണ്. ഈ പ്രശ്‌നങ്ങള്‍ക്കെല്ലാം ശാശ്വത പരിഹാരം വരുത്താനുള്ള ശ്രമത്തിലാണ് കമ്പനി ഇപ്പോള്‍. സാധാരണ ഒഎല്‍ഇഡി ഡിസ്‌പ്ലേകളില്‍ എല്‍ടിപിഎസ് ടെക്‌നോളജിയാണ് ഉപയോഗിക്കുന്നത്.
എന്നാല്‍, പുതിയ ഐ ഫോണുകളില്‍ ലോ ടെമ്പറേച്ചര്‍ പോളിക്രിസ്റ്റല്‍ ഓക്‌സൈഡ് (എല്‍.ടി.പി.ഒ.) സാങ്കേതിക വിദ്യ ഉപയോഗിക്കാനാണ് ആപ്പിള്‍ പദ്ധതിയിടുന്നത്. ഉയര്‍ന്ന നിലവാരത്തിലുള്ള പുതിയ ബാക്ക്‌പ്ലെയിന്‍ ടെക്‌നോളജിയാണ് ഇതില്‍ ഉപയോഗിക്കുന്നത്.
എല്‍.ടി.പി.എസ് സാങ്കേതിക വിദ്യയെക്കാള്‍ 5-15 ശതമാനം വരെ ചാര്‍ജ് ലാഭിക്കും എന്നതാണ് എല്‍.ടി.പി.ഒ സാങ്കേതിക വിദ്യയുടെ പ്രധാന മേന്മ.
ബാക്ക്‌പ്ലെയിന്‍ ടെക്‌നോളജിയിലുള്ള ലോ ടെമ്പറേച്ചര്‍ പോളിസിലിക്കണ്‍ തിന്‍ ഫിലിം ട്രാന്‍സ്‌സിറ്റേസ് ഓക്‌സൈഡ് (എല്‍.ടി.പി.എസ്) സാങ്കേതികവിദ്യ 2014-ല്‍ ഐ ഫോണുകളില്‍ പരീക്ഷിച്ചിരുന്നു.
RELATED STORIES
IN CASE YOU MISSED IT
.jpg?$p=430c1f1&f=1x1&w=100&q=0.8)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..